Petrol Diesel Price Hike : મોંઘવારીનો ડબલ માર ! પેટ્રોલ-ડીઝલના ભાવમાં તોતિંગ વધારો
Petrol Diesel Price Hike : દેશભરમાં મોંઘવારીનો માર સહન કરી રહેલા લોકોને વધુ એક ફટકો પડ્યો છે. સરકારી તેલ કંપનીઓએ પેટ્રોલ અને ડીઝલના ભાવમાં વધારો ઝીંક્યો છે. દિલ્હીમાં પેટ્રોલના ભાવમાં 87 પૈસા અને ડીઝલના ભાવમાં 91 પૈસા પ્રતિ લિટરનો વધારો થયો છે. મે મહિનામાં ઈંધણના ભાવમાં આ સતત ત્રીજી વખત વધારો કરવોમાં આવ્યો છે.
Petrol Diesel Price Hike : કાચા તેલના ભાવની અસર
પેટ્રોલ અને ડીઝલના ભાવમાં વધારાનું સૌથી મોટું કારણ આંતરરાષ્ટ્રીય બજારમાં ક્રૂડ તેલના ભાવમાં વધારો છે. પશ્ચિમ એશિયામાં ચાલી રહેલા તણાવ અને અમેરિકા અને ઈરાન વચ્ચેના અનિશ્ચિત વાતાવરણને કારણે વૈશ્વિક તેલ બજારમાં ભાવના ઉતાર-ચઢાવ જોવા મળી રહ્યાં છે.
ઉલ્લેખનીય છે કે ભારત તેની ક્રૂડ તેલની જરૂરિયાતનો લગભગ 85% વિદેશથી ખરીદે છે. તેથી, આંતરરાષ્ટ્રીય બજારમાં તેલના ભાવમાં વધારાનો સીધો પ્રભાવ દેશના ઇંધણના ભાવ પર પડે છે. શુક્રવારે બ્રેન્ટ ક્રૂડ ઓઇલ પ્રતિ બેરલ $104 થી વધુ પહોંચી ગયું હતું, જ્યારે યુએસ WTI ક્રૂડ ઓઇલ પણ પ્રતિ બેરલ $97 ની નજીક ટ્રેડ કરી રહ્યું હતું.
તેલ કંપનીઓ પર દબાણ વધ્યું
સરકારી માલિકીની તેલ કંપનીઓ લાંબા સમયથી પેટ્રોલ અને ડીઝલના ભાવ સ્થિર રાખી રહી હતી. કેન્દ્ર સરકારના જણાવ્યા મુજબ, કંપનીઓ દર મહિને આશરે ₹1,000 કરોડનું નુકસાન કરી રહી હતી. પરિણામે, તેમણે હવે ધીમે ધીમે ભાવ વધારવાનું શરૂ કર્યું છે.
છેલ્લા બે વર્ષથી, ભારતે રશિયા પાસેથી સસ્તું ક્રૂડ ઓઇલ ખરીદીને રાહત મેળવવાનો પ્રયાસ કર્યો હતો. જો કે, વધતી જતી વૈશ્વિક કિંમતો અને પુરવઠા અંગેની અનિશ્ચિતતાને કારણે, તે ફાયદો ઓછો થતો દેખાય છે.
View this post on Instagram
સામાન્ય માણસના ખિસ્સા પર અસર
પેટ્રોલ અને ડીઝલના વધતા ભાવની અસર ફક્ત વાહન ચાલકો સુધી મર્યાદિત નથી. વધતા પરિવહન ખર્ચની અસર ખાદ્યપદાર્થો, શાકભાજી અને અન્ય દૈનિક જરૂરિયાતોના ભાવ પર પણ પડે છે. પરિણામે, આગામી દિવસોમાં ફુગાવો વધુ વધવાની ધારણા છે.
Pregabalin દવા પર સરકારની સખ્તી, કડક નિયમો લદાયા, જાણો કારણ !