RBI Repo Rate: RBI એ 5 વર્ષ બાદ રેપો રેટમાં કર્યો ઘટાડો

• RBI દેશના કરોડો લોકોને આપી મોટી રાહત
• RBI એ વ્યાજ દરમાં 0.25 ટકાનો ઘટાડો
• હવે લોનધારકોને  EMIમાં રાહત મળશે

RBI Repo Rate: દેશના કરોડો લોકોને મોટી રાહત આપતા, રિઝર્વ બેંક ઓફ ઈન્ડિયાએ શુક્રવારે વ્યાજ દરમાં 0.25 ટકાનો ઘટાડો કરવાની જાહેરાત કરી. રિઝર્વ બેંકે લગભગ 5 વર્ષ પછી રેપો રેટમાં ઘટાડો કર્યો છે. રેપો રેટમાં 0.25 ટકા (25 બેસિસ પોઈન્ટ)ના ઘટાડાને કારણે, હોમ લોન અને કાર લોન સહિતની તમામ લોન સસ્તી થશે અને લોકોને EMIમાં રાહત મળશે. તમને જણાવી દઈએ કે રિઝર્વ બેંકે છેલ્લે જૂન 2023 માં રેપો રેટ વધારીને 6.5 ટકા કર્યો હતો. જૂન 2023 થી રેપો રેટમાં કોઈ ફેરફાર થયો નથી

5 વર્ષ બાદ કર્યો ઘટાડો

ભારતીય રિઝર્વ બેંકે રેપો રેટ ઘટાડીને મધ્યમ વર્ગને મોટી રાહત આપી છે. રેપો રેટમાં આ ઘટાડો 25 બેસિસ પોઈન્ટનો છે, જેના કારણે વર્તમાન રેપો રેટ હવે 6.25 ટકા થઈ ગયો છે. રેપો રેટમાં આ ઘટાડો 5 વર્ષ પછી કરવામાં આવ્યો છે. આ પહેલા, રિઝર્વ બેંક ઓફ ઈન્ડિયા (RBI) એ મે 2020 માં રેપો રેટમાં ઘટાડો કર્યો હતો. જોકે તે પછી ધીમે ધીમે તેને વધારીને 6.5 ટકા કરવામાં આવ્યું. છેલ્લે ફેબ્રુઆરી 2023માં રેપો રેટમાં વધારો કરવામાં આવ્યો હતો.

આ પણ  વાંચો - Stock Market:RBIના નિર્ણય પહેલા શેરબજાર લાલ નિશાન ખૂલ્યું

વૈશ્વિક અર્થતંત્ર પડકારોનું કરી રહ્યું છે સામનો- RBI ગર્વનર

RBI ગર્વનરે કહ્યું કે બેઠકમાં આર્થિક વિકાસ પર ચર્ચા થઈ. અમે બેઠકમાં નિર્ણય લીધો છે કે રેપો રેટ ઘટાડવામાં આવી રહ્યો છે. હવે રેપો રેટ 6.50 થી ઘટાડીને 6.25 કરવામાં આવી રહ્યો છે. રેપો રેટમાં ઘટાડા બાદ, તમારી લોનની EMI હવે ઓછી થશે. RBI ગર્વનરે કહ્યું કે વૈશ્વિક અર્થતંત્ર પડકારોનો સામનો કરી રહ્યું છે. વૈશ્વિક સ્તરે ફુગાવો પણ વધી રહ્યો છે. ફેડરલ રિઝર્વ બેંક દ્વારા પણ દરોમાં ઘટાડો કરવામાં આવી રહ્યો છે. ભૂ-રાજકીય તણાવ પણ વધી રહ્યો છે. જેના કારણે સમગ્ર વિશ્વની અર્થવ્યવસ્થા પ્રભાવિત થઈ રહી છે. ભારતીય રૂપિયો હાલમાં દબાણ હેઠળ છે. રિઝર્વ બેંક સામે ઘણા મોટા પડકારો છે.

તમારા હોમ લોન EMI પર કેવી અસર કરશે?

જો કોઈએ 20 વર્ષ માટે 8.5 ટકાના વ્યાજ દરે 50 લાખ રૂપિયાની લોન લીધી હોય અને જો RBI 0.25 ટકાના ઘટાડાની જાહેરાત કરે છે, તો તેનો EMI ઘટશે, જેમ કે 8.5 ટકાના જૂના વ્યાજ દરે, EMI 43,391 રૂપિયા હોવો જોઈએ, અને વ્યાજ દરમાં ઘટાડા પછી, 8.25 ટકાના નવા વ્યાજ દર 42,603 ​​રૂપિયા થશે, જેના પરિણામે દર મહિને 788 રૂપિયા અને વર્ષમાં 9,456 રૂપિયાની બચત થશે. જો તમે 12 ટકાના વ્યાજ દરે 5 લાખ રૂપિયાની કાર લોન લીધી હોય, તો તમારે જૂના EMI પર 11,282 રૂપિયા ચૂકવવા પડશે, જો ઘટાડો થાય છે, તો કાર લોનનો નવો EMI 11,149 રૂપિયા થશે. જેમાં દર મહિને 133 રૂપિયા અને વર્ષમાં 1596 રૂપિયાની બચત થશે.