RBI Repo Rate Decision : રેપો રેટ 5.25% પર યથાવત, સામાન્ય જનતાની EMI નહીં વધે

RBI Repo Rate Decision :  રેપો રેટ 5.25% પર યથાવત

ઉલ્લેખનીય છે કે રેપો રેટ એ એવો વ્યાજ દર છે કે જેના પર દેશની કેન્દ્રીય બેંક એટલે કે RBI, દેશની અન્ય વાણિજ્યિક બેંકોને લોન પૂરી પાડે છે. જ્યારે દેશમાં ફુગાવાનું પ્રમાણ વધે છે, ત્યારે RBI સામાન્ય રીતે રેપો રેટમાં વધારો કરે છે, જેના કારણે બેંકો માટે ધિરાણ મોંઘું બને છે અને ગ્રાહકોના લોન દરો વધે છે. અગાઉ વર્ષ 2025 દરમિયાન રેપો રેટ 6.50% થી ઘટાડીને 5.25% ના સ્તરે લાવવામાં આવ્યો હતો. વર્ષ 2022 થી 2025 દરમિયાન ફુગાવાને નિયંત્રિત કરવા માટે દરોમાં સતત વધારા-ઘટાડા જોવા મળ્યા હતા.

RBI ના નિર્ણયથી સામાન્ય જનતાને રાહત

મહત્વનું છે કે જ્યારે પણ ભારતીય રિઝર્વ બેંક રેપો રેટમાં ફેરફાર કરે છે, ત્યારે તેની સૌથી સીધી અને મોટી અસર લોન લેનારા ગ્રાહકો અને બેંકિંગ સેક્ટર પર પડે છે. ખાસ કરીને જેમણે ફ્લોટિંગ રેટ પર હોમ લોન કે અન્ય ધિરાણ લીધું હોય તેમના હપ્તા સીધા પ્રભાવિત થાય છે. હાલ દર યથાવત રહેતા કરોડો લોન ધારકોને રાહત મળી છે અને તેમની માસિક બજેટ પર વધારાનું ભારણ નહીં આવે.

આ પણ વાંચો : Share Market : RBI ના નિર્ણય પહેલા શેરબજારમાં તેજી, સેન્સેક્સ 79,000 ની નજીક, નિફ્ટીમાં પણ મજબૂત ઉછાળો