ઉદ્યોગસાહસિક અને સેવાના પર્યાય Rekha Bajaria, કચ્છથી અમેરિકા સુધીની સંઘર્ષમય અને Success Story

• Rekha Bajaria Success Story: લૉસ એન્જલસમાં સ્થાયી થયેલા જાણીતા
• ઉદ્યોગસાહસિક રેખા બજારિયાની પ્રેરણાદાયી જીવનગાથા
• શ્રીજી મંદિરના ટ્રસ્ટી અને SAHARA ના સ્થાપકે વિદેશમાં સેવાની જ્યોત જલાવી
• સંઘર્ષમય જીવન છતાં 8 ગેસ સ્ટેશનોનું સફળ સંચાલન કરીને બિઝનેસમાં મેળવી સિદ્ધિ

Rekha Bajaria Success Story: કચ્છી મૂળના રેખા બજારિયાની જીવનયાત્રા સંઘર્ષ, અડગ મનોબળ અને નિઃસ્વાર્થ સેવાનું ઉત્કૃષ્ટ ઉદાહરણ છે. આફ્રિકામાં જન્મીને અમેરિકાની ધરતી પર બિઝનેસ (Business) ક્ષેત્રે સફળતાના શિખરો સર કરનાર રેખાબેને પતિના અકાળ અવસાન બાદ પણ હિંમત હાર્યા વગર પરિવાર અને વ્યવસાયને મજબૂતીથી સંભાળ્યો છે. સામાજિક ક્ષેત્રે 'સહારા' (SAHARA) જેવી સંસ્થાઓ અને શ્રીજી મંદિરના ટ્રસ્ટી તરીકે તેમનું યોગદાન પ્રશંસનીય છે. આજે તેઓ પોતાની મહેનત અને સંસ્કારો દ્વારા સમાજ અને યુવા પેઢી માટે એક સાચા પ્રેરણાસ્ત્રોત (Inspiration) બની રહ્યા છે.

રેખા બજારિયાનો જન્મ 10 ફેબ્રુઆરી 1948 ના રોજ આફ્રિકાના કેન્યામાં (Nairobi, Kenya) થયો હતો. તેમના મૂળ વતન ગુજરાતના કચ્છમાં આવેલું માંડવી (Mandvi, Kutch) ગામ છે. તેમના પિતા કાનજી પુરષોત્તમ તોપરાણી એક મક્કમ સિદ્ધાંતોવાળા અને મહેનતુ વ્યક્તિ હતા, જેઓ નાની ઉંમરે આફ્રિકા સ્થાયી થયા હતા. રેખાબેનની માતા કૃષ્ણાબેન અત્યંત ધાર્મિક અને શાંત સ્વભાવના મહિલા હતા, જેમણે બાળકોમાં સંસ્કારોનું સિંચન કર્યું હતું. રેખાબેન તેમના પાંચ ભાઈ-ભાંડુઓમાં સૌથી મોટા હતા અને માત્ર 17 વર્ષની કુમળી વયે તેમણે પારિવારિક જવાબદારીઓ (Responsibilities) ઉપાડવાનું શરૂ કર્યું હતું.

શિક્ષણ અને લગ્નજીવન (Education and Married Life)

તેમના લગ્ન 12 મે 1968 ના રોજ રમેશ ગોકળદાસ બજારિયા સાથે થયા હતા. રમેશભાઈ ઇંગ્લેન્ડથી ઇલેક્ટ્રિકલ એન્જિનિયરિંગની (Electrical Engineering) ડિગ્રી ધરાવતા હતા. લગ્ન બાદ આ દંપતી તાન્ઝાનિયા અને ત્યારબાદ ઝામ્બિયામાં સ્થાયી થયું, જ્યાં રમેશભાઈએ ટેલિવિઝન ક્ષેત્રે કામ કર્યું હતું. 1974 માં તેઓ લંડન પરત ફર્યા અને ત્યાં કરિયાણાની દુકાન તથા પ્રોપર્ટીનો બિઝનેસ શરૂ કર્યો. વધુ સારી તકોની શોધમાં તેઓ 1976 માં કેલિફોર્નિયા (USA) ગયા અને લૉસ એન્જલસમાં ગેસ સ્ટેશન તથા કારવોશનો વ્યવસાય શરૂ કર્યો.

આ પણ વાંચો----- પિતાની નાનકડી દુકાન અને પુત્રનું મોટું વિઝન, વાંચો ‘ગુજરાત રત્ન’ Rasiklal Kantaria ની Success Story

વ્યવસાયિક સફળતા અને ડેઝિગ્નેશન (Profession and Designation)

રેખા બજારિયાએ પતિ સાથે ખભેખભા મિલાવીને 'રેડ કાર્પેટ કારવોશ' (Red Carpet Carwash) અને ગેસ સ્ટેશનના વ્યવસાયમાં ઝંપલાવ્યું હતું. એક સમયે તેઓ 08 જેટલા સ્ટેશનોનું સફળતાપૂર્વક સંચાલન (Management) કરતા હતા. વ્યવસાયની સાથે તેમણે સામાજિક જવાબદારીઓ પણ નિભાવી હતી. તેઓ શ્રીજી મંદિરના (Shriji Mandir) વાઇસ પ્રેસિડેન્ટ, ટ્રસ્ટી અને કો-ટ્રેઝરર તરીકે કાર્યરત છે. આ ઉપરાંત તેઓ સાઉથ એશિયન હેલ્પલાઇન એન્ડ રેફરલ એજન્સી (SAHARA) ના ભૂતપૂર્વ પ્રમુખ અને સલાહકાર બોર્ડના સભ્ય પણ છે. તેઓ ભાટિયા કોમ્યુનિટી ફાઉન્ડેશનના (Bhatia Community Foundation) પ્રમુખ તરીકે પણ સેવા આપી ચૂક્યા છે.

જીવનનો સૌથી મોટો સંઘર્ષ (Life's Biggest Struggle)

રેખાબેનના જીવનમાં સૌથી મોટો વળાંક જુલાઈ 2000 માં આવ્યો જ્યારે તેમના પતિ રમેશભાઈનું માત્ર 57 વર્ષની વયે અવસાન થયું. આ કપરા સમયે તેઓ ભાંગી પડવાને બદલે મજબૂત બન્યા અને સિંગલ મધર (Single Mother) તરીકે પોતાના ત્રણ બાળકોનો ઉછેર તથા વિશાળ બિઝનેસ સામ્રાજ્ય સંભાળ્યું. તેમણે કોઈ પણ આધુનિક સુવિધા કે મદદ વગર વ્યવસાયને નવી ઊંચાઈઓ પર પહોંચાડ્યો અને SAHARA સંસ્થાનું બજેટ 25,000 ડોલરથી વધારીને 01 મિલિયન ડોલર સુધી પહોંચાડવામાં મહત્વની ભૂમિકા (Role) ભજવી હતી.

સફળ સંતાનો અને વારસો (Successful Children and Legacy)

રેખા બજારિયાના સંતાનો આજે ઉચ્ચ હોદ્દા પર રહીને માતાનું નામ રોશન કરી રહ્યા છે. તેમની પુત્રી બેલા પ્રોચિલો નેટફ્લિક્સમાં (Netflix) વાઇસ પ્રેસિડેન્ટ છે અને અગાઉ યુનિવર્સલ ટીવીના પ્રેસિડેન્ટ રહી ચૂક્યા છે. પુત્ર જય બજારિયા ગેસ સ્ટેશન અને કારવોશનો પારિવારિક બિઝનેસ સંભાળે છે. નાની પુત્રી નેહા પણ ટીવી અને ફિલ્મ માર્કેટિંગ (Marketing) ક્ષેત્રે કાર્યરત છે. રેખાબેન આજે પણ તેમની માતૃભાષા કચ્છી (Kutchi) અને ગુજરાતી સંસ્કૃતિને જીવંત રાખવા માટે પૌત્ર-પૌત્રીઓને શિક્ષણ આપે છે. સામાજિક ક્ષેત્રે તેમના અમૂલ્ય યોગદાન માટે 04 ઓક્ટોબર 2014 ના રોજ તેમને લાઈફટાઈમ અચીવમેન્ટ એવોર્ડથી (Lifetime Achievement Award) સન્માનિત કરવામાં આવ્યા હતા.

આ પણ વાંચો----- પિતાના ટિમ્બર ડેપોથી Stellar Group ના CEO સુધી, Ratansi Shivji Patel ની Success Story