નાણાકીય વર્ષના નવા મહિનાની શરૂઆત અને જનતા પર તેની સીધી અસર
ભારતીય અર્થતંત્રમાં દરેક મહિનાની પહેલી તારીખ સરકારી સબસિડી, ટેક્સેશન અને બેંકિંગ ક્ષેત્રે નવીનતમ નિયમો લઈને આવે છે. આ વખતે આગામી મહિનામાં થનારા ફેરફારો સામાન્ય લોકોના રસોડાના બજેટથી લઈને મોંઘી કાર ખરીદવાના સપના સુધીની દરેક યોજનાને પ્રભાવિત કરશે. સરકારી ઓઈલ માર્કેટિંગ કંપનીઓ અને બેંકિંગ નિયમનકારો દ્વારા આ અંગેની સત્તાવાર સજ્જતા પૂર્ણ કરી લેવામાં આવી છે, જેની સીધી અસર મધ્યમ વર્ગના માસિક આર્થિક આયોજન પર જોવા મળશે. ખાસ કરીને ડિજિટલ ટ્રાન્ઝેક્શન અને ક્રેડિટ કાર્ડનો વધુ પડતો ઉપયોગ કરતા વર્ગ માટે આ ફેરફારો ચોંકાવનારા સાબિત થઈ શકે છે. તેની સાથે જ લાંબા સમયથી પોતાના સરકારી દસ્તાવેજો સુધારવા માંગતા લોકો માટે રાહતના સમાચાર પણ જાહેર કરવામાં આવ્યા છે.
ગેસ સિલિન્ડર અને હવાઈ ઈંધણના ભાવમાં સુધારો
દર મહિનાની પહેલી તારીખે ઓઈલ માર્કેટિંગ કંપનીઓ એલપીજી સિલિન્ડરના ભાવોની સમીક્ષા કરે છે. વૈશ્વિક તંગદિલી અને આંતરરાષ્ટ્રીય બજારમાં ક્રૂડ ઓઈલની અસ્થિરતા વચ્ચે છેલ્લી પહેલી જૂને પણ કોમર્શિયલ એલપીજી સિલિન્ડરના ભાવમાં 53.50 રૂપિયાનો મોટો વધારો ઝીંકાયો હતો. જેના કારણે દિલ્હીમાં 19 કિલોના સિલિન્ડરની કિંમત 3113.50 રૂપિયા સુધી પહોંચી ગઈ હતી. જોકે, ૧૪ કિલોના ઘરેલું ગેસ સિલિન્ડરના ભાવ સ્થિર રાખવામાં આવ્યા હતા. 1 જુલાઈના રોજ પણ આવી જ કિંમત સુધારણાની શક્યતા સેવાઈ રહી છે જે રસોડાનું બજેટ નક્કી કરશે.
એરલાઈનની ટિકિટના દરમાં થઈ શકે વધારો
બીજી તરફ, હવાઈ મુસાફરી કરતા પ્રવાસીઓ માટે પણ પહેલી તારીખ મહત્વની છે. ઓઈલ કંપનીઓ એર ટર્બાઇન ફ્યુઅલ એટલે કે એટીએફ (ATF) ના ભાવમાં દર મહિને ફેરફાર કરે છે. જો એટીએફના ભાવ વધશે તો એરલાઇન્સ કંપનીઓ ટિકિટના દરમાં વધારો કરશે, જેના કારણે હવાઈ સફર વધુ મોંઘી બનશે.
HDFC બેંક ક્રેડિટ કાર્ડના નિયમોમાં મોટો ફેરફાર
જો તમે એચડીએફસી બેંકનું પ્રીમિયમ ક્રેડિટ કાર્ડ વાપરો છો, તો 1 જુલાઈથી તમારે ટાર્ગેટ ખર્ચ મર્યાદાનું ધ્યાન રાખવું પડશે . ન્યૂનતમ સુધારા મુજબ, બેંકના રેગેલિયા ગોલ્ડ ક્રેડિટ કાર્ડ યુઝર્સે ડોમેસ્ટિક એરપોર્ટ પર ફ્રી લાઉન્જ એક્સેસની સુવિધા ચાલુ રાખવા માટે નવી મર્યાદા પૂરી કરવી પડશે. આ ફ્રી સેવાનો લાભ ચાલુ રાખવા માટે ગ્રાહકોએ અગાઉના ક્વાર્ટરમાં (ત્રણ મહિનામાં) ઓછામાં ઓછા 60,000 રૂપિયાનો ખર્ચ કરવો ફરજિયાત બનાવવામાં આવ્યો છે.
આધાર કાર્ડ યુઝર્સ માટે ફ્રી અપડેટ
જોકે, આધાર કાર્ડ ધારકો માટે યુઆઈડીએઆઈ (UIDAI) તરફથી ખૂબ જ રાહતના સમાચાર આવ્યા છે . જે નાગરિકોના આધાર કાર્ડ પર ઈમેઈલ આઈડી અપડેટ નથી, તેઓ 1 જુલાઈથી આગામી 6 મહિના એટલે કે ડિસેમ્બર સુધી આ કામ બિલકુલ મફતમાં કરાવી શકશે. અગાઉ આ સુધારો કરવા માટે સરકારી કેન્દ્રો પર 75 રૂપિયાનો સત્તાવાર ચાર્જ વસૂલવામાં આવતો હતો જે હવે નાબૂદ કરાયો છે.
ઓટોમોબાઈલ સેક્ટરમાં ભાવવધારો: કિયા અને ટાટાની કાર મોંઘી થશે
નવા મહિનાના પ્રથમ દિવસથી નવી કાર ખરીદવી વધુ મોંઘી બનશે . કિયા મોટર્સ અને ટાટા મોટર્સ જેવી અગ્રણી ઓટોમોબાઈલ કંપનીઓએ પોતાના વાહનોની કિંમતોમાં સત્તાવાર વધારાની જાહેરાત કરી દીધી છે. કિયા મોટર્સે મોડલના આધારે 2 ટકા સુધીનો ભાવવધારો જાહેર કર્યો છે. જ્યારે ટાટા મોટર્સે પણ પોતાના આઈસીઈ (પેટ્રોલ-ડીઝલ) અને ઈવી (ઈલેક્ટ્રિક વ્હીકલ) ના તમામ મૉડલ્સ પર 1.5 ટકા સુધીની કિંમતો વધારવાની તૈયારી કરી લીધી છે. ઉત્પાદન ખર્ચ વધવાને કારણે કંપનીઓએ આ બોજ ગ્રાહકો પર નાખવાનો નિર્ણય કર્યો છે.
આ પણ વાંચો : 8th Pay Commission News : આઠમું પગાર પંચ લાગુ થાય તે પહેલા વધી શકે છે પગાર, DAમાં થઈ શકે છે વધારો
