Nifty ને લઈને ડરાવનારી ભવિષ્યવાણી,આ લેવલ સુધી ઘટશે બજાર!
- શેરબજાર તેના ખરાબ તબક્કામાં
- ફેબ્રુઆરીમાં સતત પાંચમા મહિને ઘટ્યા
- Biju Samuelએ બજારને લઈ કરી ભવિષ્યવાણી
Stock Market Prediction: શેરબજાર તેના ખરાબ સમાયમાંથી જઈ રહ્યું છે. ફેબ્રુઆરીમાં સતત પાંચમા મહિને ઘટાડા બાદ, બેન્ચમાર્ક ઇન્ડેક્સ નિફ્ટી ફિફટીએ એ 29 વર્ષમાં તેનો સૌથી મોટો ઘટાડો નોંધાવ્યો છે. સોમવાર અને ૩ માર્ચના રોજ, 30 શેરો ધરાવતો સેન્સેક્સ 112 પોઈન્ટ ઘટીને 73085.94 પર બંધ થયો હતો, જ્યારે નિફ્ટી 50 5 પોઈન્ટ ઘટીને 22119.30 પર બંધ થયો હતો. આ દરમિયાન એક ન્યૂઝ એજન્સી સાથે વાત કરતાં એલારા કેપિટલના બિજુ સેમ્યુઅલે (Biju Samuel)બજારમાં વધુ ઘટાડાની ભવિષ્યવાણી કરી છે.
નિફ્ટી 2500 નો કડાકો થયો
બિજુ સેમ્યુઅલ અપેક્ષા રાખે છે કે નિફ્ટી 2500 અંક વધુ ઘટીને 20,000 અથવા તેનાથી પણ નીચેના સ્તર પર આવી જશે. ત્યારબાદ તેને આખરે 19,500 પર સપોર્ટ મળશે. નિફ્ટી50 ઇન્ડેક્સ સપ્ટેમ્બર 2024 ના 26,277 ના શિખર સ્તરથી પહેલાથી જ 16% થી વધુ નીચે છે. ઇલારા કેપિટલના બીજુ સેમ્યુઅલના મતે, નિફ્ટી ચૂંટણી પરિણામ દિવસના તેના નીચલા સ્તર 21,300 ને પાર કરી શકે છે, જેમાં મુખ્ય સપોર્ટ 19,500 ની નજીક જોવા મળી શકે છે. તેમણે ચેતવણી આપી હતી કે બજાર લાંબા ગાળાના FIIs ઘટાડાના પ્રારંભિક તબક્કામાં છે જે ઓછામાં ઓછા ત્રણ ક્વાર્ટર સુધી ટકી શકે છે.
આ પણ વાંચો -stock market: શેરબજાર લાલ નિશાનમાં બંધ,આ શેરમાં સૌથી વધુ નુકસાન
ગયા વર્ષે રેકોર્ડ શિખરથી નીચે આવી હતી
તમને જણાવી દઈએ કે ગયા વર્ષે 27 સપ્ટેમ્બરના રોજ 85,978.25 ના રેકોર્ડ શિખરથી, BSE બેન્ચમાર્ક ઇન્ડેક્સ 12,780.15 પોઈન્ટ અથવા 14.86 ટકા ઘટ્યો હતો. નિફ્ટી 27 સપ્ટેમ્બર, 2024 ના રોજ 26,277.35 ના તેના જીવનકાળના ઉચ્ચતમ સ્તરથી 4,152.65 પોઈન્ટ અથવા 15.80 ટકા ઘટ્યો.
આ પણ વાંચો -AI New Role: હવે કોઈ બોસ નહીં... AI નક્કી કરશે કે તમારો પગાર કેટલો વધશે, તમને બોનસ મળશે કે નહીં?
હાલમાં આ મંદીવાળા બજારની પહેલી લહેર છે
એલારા કેપિટલના ચાર્ટિસ્ટ્સ અપેક્ષા રાખે છે કે નિફ્ટી 4 જૂનના રોજ લોકસભા ચૂંટણીના પરિણામો જાહેર થયા તે દિવસે 21,281 ના નીચલા સ્તરથી રિકવર થશે. ત્યારથી ત્રણ મહિનામાં, ઇન્ડેક્સ લગભગ 5,000 પોઈન્ટ વધીને સપ્ટેમ્બરમાં રેકોર્ડ ઉચ્ચ સ્તરે પહોંચ્યો હતો. ખાનગી પોર્ટલ સાથે વાત કરતા સેમ્યુઅલે કહ્યું કે હાલમાં આ મંદીવાળા બજારની પહેલી લહેર છે અને તે 18-24 મહિના સુધી ચાલુ રહી શકે છે. આપણે ત્યાં આવ્યાને ફક્ત પાંચ મહિના થયા છે.