Share Market Opening: શેરબજારમાં જોરદાર તેજી ! સેન્સેક્સ પ્રથમવાર 78,400 ના પાર, નિફ્ટીમાં પણ ઉછાળો

Share Market Opening: શું છે આજે બજારની સ્થિતિ ?

આજના કારોબારમાં બીએસઈ સેન્સેક્સ (BSE Sensex) 176 પોઈન્ટના ઉછાળા સાથે 78,400 ના લેવલને સ્પર્શી ગયો છે. બીજી તરફ, એનએસઈ નિફ્ટી (NSE Nifty) પણ આશરે 49 પોઈન્ટની મજબૂતી સાથે 24,479 ના સ્તર પર ટ્રેડ કરી રહ્યો છે. નિફ્ટી હવે 24,500 ના ઐતિહાસિક અને મનોવૈજ્ઞાનિક સ્તરને પાર કરવા તરફ આગળ વધી રહ્યો છે. છેલ્લા ચાર દિવસની તેજીમાં રોકાણકારોએ આશરે 9 લાખ કરોડ રૂપિયાની કમાણી કરી છે.

તેજીના મુખ્ય કારણો

બજારમાં જોવા મળતી આ તેજી પાછળ મુખ્ય બે કારણો જવાબદાર છે. પ્રથમ, અમેરિકન બજારમાંથી મળેલા મજબૂત સંકેતો અને બીજું, વિદેશી રોકાણકારો (FIIs) ની ભારતીય બજારમાં ફરીથી થયેલી એન્ટ્રી. જોકે, આ દરમિયાન એશિયન બજારોમાં ઘટાડો જોવા મળી રહ્યો છે, જેમાં દક્ષિણ કોરિયાના કોસ્પી ઇન્ડેક્સમાં 5% સુધીનો મોટો ઘટાડો નોંધાયો છે.

ક્રૂડ ઓઈલ અને વૈશ્વિક અસર

આંતરરાષ્ટ્રીય સ્તરે ક્રૂડ ઓઈલની કિંમતોમાં ફરી વધારો થયો છે. સ્ટ્રેટ ઓફ હોર્મુઝમાં એક ઓઈલ ટેન્કર પર થયેલા મિસાઈલ હુમલાને કારણે સપ્લાય ખોરવાવાની ચિંતા વધી છે, જેના કારણે બ્રેન્ટ ક્રૂડ 0.39% વધીને 72.29 ડોલર પ્રતિ બેરલ પર પહોંચ્યું છે.

આ પણ વાંચો : Gold Price Today : સોનાના ભાવ સતત બીજા દિવસે ઘટ્યા, જાણો 24 થી 18 કેરેટ સોનાના ભાવ