Share Market Today : સેન્સેક્સ કડાકા સાથે બંધ, IT શેર લાલ રંગે રંગાયા
- Share Market Today, આજે ઘટાડા સાથે સેન્સેક્સ-નિફ્ટી બંધ થયા
- આઇટી શેરોમાં ભારે ઘટાડો જોવા મળ્યો હોવાનું સામે આવ્યું છે
- નિફ્ટી FMCG, મીડિયા, મેટલ અને PSU બેંક સૂચકાંકોએ સારૂ પ્રદર્શન કર્યું
Share Market Today : આજે, 22 એપ્રિલે ભારતીય શેરબજારમાં નોંધપાત્ર વેચાણ દબાણ જોવા મળ્યું છે. BSE સેન્સેક્સ 756.84 પોઈન્ટ ઘટીને 78,516.49 પર બંધ થયો. નિફ્ટી 50 પણ 198.50 પોઈન્ટ ઘટીને 24,378.10 પર બંધ થયો છે. નબળા ત્રિમાસિક પરિણામો વચ્ચે, IT શેરોમાં તીવ્ર ઘટાડો જોવા મળ્યો હતો, જેની અસર શેરબજાર પર પડી હોવાનું અનુમાન લગાડવામાં આવી રહ્યું છે.
Share Market Today, IT શેરોમાં ઘટાડો
આજે સેન્સેક્સના 30 શેરોમાંથી મોટાભાગના શેરો લાલ નિશાનમાં બંધ થયા. HCL ટેક, ઇન્ફોસિસ, M&M, ટેક મહિન્દ્રા અને TCS માં સૌથી વધુ ઘટાડો જોવા મળ્યો. HUL, NTPC, અલ્ટ્રાટેક સિમેન્ટ, એટરનલ અને ટ્રેન્ટ સૌથી વધુ વધ્યા છે.
આ પણ વાંચો --------------- Raju Motiram Aildasani: ઇન્દોરથી ઇન્ડોનેશિયાના ટેક્સટાઈલ કિંગ, રાજુ આઈલદાસાણીની Success Story
Share Market Today, મિડ કેપ - સ્મોલ કેપ શેરોમાં તેજી
NSE પર આજે મિડ-કેપ અને સ્મોલ-કેપ શેરોમાં ખરીદી જોવા મળી છે, જેના કારણે નિફ્ટી મિડકેપ 100 ઇન્ડેક્સમાં 0.15% નો વધારો થયો છે. નિફ્ટી સ્મોલકેપ 100 ઇન્ડેક્સમાં પણ 1.05 ટકાનો વધારો થયો છે.
મિશ્ર પ્રદર્શનના સંકેતો આ રહ્યા
આજે વિવિધ ક્ષેત્રવાર પ્રદર્શન મિશ્ર રહ્યું છે. નિફ્ટી IT માં સૌથી મોટી વેચવાલી જોવા મળી, જે 3.50 ટકાથી વધુ ઘટી ગઈ છે. નિફ્ટી ઓટો અને પ્રાઇવેટ બેંક સૂચકાંકો પણ લાલ રંગમાં બંધ થયા છે. દરમિયાન, નિફ્ટી FMCG, મીડિયા, મેટલ અને PSU બેંક સૂચકાંકો લીલા રંગમાં બંધ થયા છે.
આ શેરોમાં વેચવાલી જોવા મળી
આજે IT શેરોમાં ભારે વેચવાલી જોવા મળી છે, જેની અસર બજાર પર પડી હોવાનું અનુમાન છે. નિફ્ટી IT ઇન્ડેક્સ 3.5 ટકાથી વધુ ઘટ્યો છે. નબળા પરિણામોને કારણે HCL ટેકમાં 10 ટકાથી વધુનો ઘટાડો થયો છે. આનાથી ઇન્ફોસિસ, TCS અને ટેક મહિન્દ્રા જેવી અન્ય કંપનીઓ પણ નીચે આવી ગઈ છે.
આ પણ વાંચો --------------- Gold Rate Today : શું આજે સોનું ખરીદવું જોઈએ? જાણો મુંબઈથી દિલ્હી સુધીના આજના તાજા ભાવ