Share Market : RBI ના નિર્ણય પહેલા શેરબજારમાં તેજી, સેન્સેક્સ 79,000 ની નજીક, નિફ્ટીમાં પણ મજબૂત ઉછાળો

Share Market : સેન્સેક્સ 79,000 ની નજીક

ઉલ્લેખનીય છે કે રોકાણકારોની મુખ્ય નજર રિઝર્વ બેંકની નાણાકીય નીતિ સમિતિના ત્રિદિવસીય બેઠકના પરિણામો પર છે. વૈશ્વિક પરિબળો, ફુગાવાની ચિંતા અને મધ્ય પૂર્વના તણાવને ધ્યાનમાં રાખીને નિષ્ણાતોનું માનવું છે કે આરબીઆઈ રેપો રેટને 5.25% પર યથાવત રાખીને 'રાહ જુઓ અને જોઓ' ની નીતિ અપનાવી શકે છે.

નિફ્ટીમાં પણ મજબૂત ઉછાળો

ક્રૂડ ઓઇલના ભાવમાં આવેલા ઘટાડા અને વોલ સ્ટ્રીટના મજબૂત સંકેતોને કારણે આજે એશિયન બજારોમાં પણ તેજી જોવા મળી રહી છે. જાપાનનો નિક્કી 3% અને કોસ્પી 3.96% સુધી ઉછળ્યા છે. યુએસ માર્કેટમાં એસ એન્ડ પી 500 અને નાસ્ડેક નવી ઊંચાઈએ બંધ રહ્યા હતા. આ ઉપરાંત, હોર્મુઝ સ્ટ્રેટ માર્ગ બાબતે ચાલી રહેલી વાટાઘાટોથી ડબ્લ્યુટીઆઈ ક્રૂડ ઘટીને $75.39 પ્રતિ બેરલ અને બ્રેન્ટ ક્રૂડ $79.16ના સ્તરે ટ્રેડ થઈ રહ્યું છે, જે વૈશ્વિક અર્થતંત્ર માટે રાહતજનક સમાચાર છે.

આ પણ વાંચો : Gold-Silver Price Today : આજે સવારે સોનાના ભાવમાં ઘટાડો, જાણો તમારા શહેરમાં સોના-ચાંદીનો ભાવ