Small Savings Schemes: નાની બચત યોજનાઓના વ્યાજદરોને લઈ સરકારની મોટી જાહેરાત

• નાની બચત યોજનાઓના વ્યાજ દરોમાં સરકારની મોટી જાહેરાત
• તમામ લોકોના આ સપના ખોટા સાબિત થયા
• નાની બચત યોજનાઓ પર સમાન વ્યાજદર યથાવત

Small Savings Schemes:સરકારે જાન્યુઆરી-માર્ચ 2025ના ત્રિમાસિક ગાળા માટે નાની બચત યોજનાઓના (Small Savings Schemes)વ્યાજ દરોમાં ફરી એક વખત કોઈ ફેરફાર ના કરવાનો નિર્ણય લીધો છે. આ સતત ચોથું ક્વાર્ટર હશે, જ્યારે વ્યાજ દરોમાં કોઈ ફેરફાર સરકાર દ્વારા કરવામાં આવ્યો નથી. નાણા મંત્રાલયની સૂચનાથી આ માહિતી મળી છે. એવું માનવામાં આવતું હતું કે નવા વર્ષમાં લોકોને નવા વ્યાજદરની ભેટ મળશે, પરંતુ તમામ લોકોના આ સપના ખોટા સાબિત થયા છે. નાણાકીય વર્ષ 2024-25ના છેલ્લા ત્રિમાસિક ગાળામાં તમામ નાની બચત યોજનાઓ પર સમાન વ્યાજ દરો પહેલાની જેમ જ યથાવત રહેશે.

જાણો શું નાની બચત યોજનાઓના વ્યાજદર

• સુકન્યા સમૃદ્ધિ યોજના: 8.2%
• પબ્લિક પ્રોવિડન્ટ ફંડ (PPF): 7.1%
• પોસ્ટ ઓફિસ સેવિંગ્સ એકાઉન્ટ પર વ્યાજ દર: 4%
• કિસાન વિકાસ પત્ર (KVP) પર વ્યાજ દર: 7.5%
• નેશનલ સેવિંગ્સ સર્ટિફિકેટ (NSC) પર વ્યાજ દર: 7.7%
• માસિક આવક યોજના પર વ્યાજ દર: 7.4%
• બચત થાપણ: 4.0%
• 1 વર્ષની સમય થાપણ: 6.9%
• 2 વર્ષની સમય થાપણ: 7.0%
• 3 વર્ષની સમય થાપણ: 7.1%
• 5 વર્ષની સમય થાપણ: 7.5%
• 5 વર્ષની રિકરિંગ ડિપોઝિટ: 6.7%
• વરિષ્ઠ નાગરિક બચત યોજના: 8.2%

આ પણ  વાંચો -Share:આ શેરે 2 વર્ષમાં 482 ટકાનું બમ્પર રિટર્ન આપ્યું

સામાન્ય લોકો માટે નાની બચત યોજનાઓ ખુબ જ મહત્વની

સરકાર દર ક્વાર્ટરમાં આ યોજનાઓ પર નવા વ્યાજ દરોની જાહેરાત કરે છે પણ આ ચોથું ક્વાર્ટર હશે, જ્યારે વ્યાજ દરોમાં કોઈ ફેરફાર કરવામાં આવ્યો નથી. નાની બચત યોજનાઓ ભારત સરકાર દ્વારા આધારભૂત છે. તેમને સરકારી ગેરંટી મળે છે. આ યોજનાઓ સામાન્ય લોકોને તેમના ભવિષ્યને બચાવવા અને સુરક્ષિત કરવાની તક પૂરી પાડે છે. આ યોજનાઓના વ્યાજ દરો સરકારી બોન્ડની ઉપજના આધારે નક્કી કરવામાં આવે છે. આ દરો સરકારી બોન્ડ યીલ્ડ કરતાં થોડા ઊંચા રાખવામાં આવ્યા છે. આ એટલા માટે છે કે આવી યોજનાઓ રોકાણકારો માટે આકર્ષક રહે છે.

આ પણ  વાંચો -ITR નહીં ફાઈલ કરનારા લોકોને મોટી રાહત, આ તારીખ સુધી લંબાવાઈ ડેડલાઈન

કેવી રીતે વ્યાજદરો થાય છે નક્કી?

સરકાર દર ક્વાર્ટરમાં આ યોજનાઓના વ્યાજ દરોની સમીક્ષા કરે છે. તેમાં જરૂરિયાત મુજબ ફેરફાર પણ કરે છે. આ ફેરફાર સામાન્ય રીતે સરકારી બોન્ડની યીલ્ડમાં ફેરફારના આધારે કરવામાં આવે છે. શ્યામલા ગોપીનાથ સમિતિ દ્વારા સૂચવવામાં આવેલી પ્રક્રિયા આ યોજનાઓ માટેના વ્યાજ દરો નક્કી કરવા માટે અનુસરવામાં આવે છે. આ પ્રક્રિયા નક્કી કરે છે કે આ યોજનાઓના વ્યાજ દરો યોગ્ય છે કે નહીં.