Stock Market : શેરબજારમાં જોરદાર તેજી! એશિયન બજારોના સપોર્ટથી સેન્સેક્સ અને નિફ્ટીમાં મોટો ઉછાળો
Stock Market : શેરબજાર (Stock Market)માં આજે મજબૂત તેજી જોવા મળી છે, જેમાં મોટાભાગના એશિયન બજારો (Asian Markets)માં સકારાત્મક વલણ અને ડોલર ઇન્ડેક્સ (Dollar Index)ની સ્થિરતાએ રોકાણકારોની સવાર સુધારી છે. ભારત અને અમેરિકા વચ્ચે ચાલી રહેલી વેપાર વાટાઘાટોના સકારાત્મક સંકેતો પણ બજાર માટે મોટો સપોર્ટ બન્યા, જેના કારણે શરૂઆતના ટ્રેડિંગમાં જ સેન્સેક્સ (Sensex)માં લગભગ 590 પોઈન્ટનો ઉછાળો નોંધાયો અને નિફ્ટી (Nifty) પણ 23,700ના સ્તરને પાર કરી ગયો.
IT સેક્ટરમાં જોરદાર ખરીદી
મિડ-કેપ શેરો (Mid Cap Stocks) પર થોડી દબાણની સ્થિતિ જોવા મળી છે, જ્યાં નિફ્ટી મિડકેપ 100 (Nifty Midcap 100)માં સામાન્ય ઘટાડો નોંધાયો છે. તેની સામે સ્મોલ-કેપ શેરો (Small Cap Stocks)માં ખરીદીનો ટ્રેન્ડ મજબૂત રહ્યો છે અને નિફ્ટી સ્મોલકેપ 100 (Nifty Smallcap 100) લગભગ અડધા ટકા સુધી વધ્યો છે. સેક્ટરલ પ્રદર્શન (Sectoral Performance)ની વાત કરીએ તો ઓટો (Auto Sector) અને FMCG સેક્ટર પર દબાણ જોવા મળ્યું છે, જેમાં આ બંને સૂચકાંક લગભગ અડધા ટકા નીચે ટ્રેડ થયા છે. બીજી તરફ IT સેક્ટર (IT Sector)માં જોરદાર ખરીદી જોવા મળી છે અને આ સૂચકાંકમાં 2%થી વધુનો વધારો નોંધાયો છે.
રોકાણકારોની સંપત્તિમાં વધારો (Stock Market)
બજારની આ તેજી વચ્ચે રોકાણકારોની સંપત્તિ (Investor Wealth)માં પણ મોટો વધારો નોંધાયો છે. BSE પર લિસ્ટેડ કંપનીઓનું કુલ માર્કેટ કેપ (Market Capitalization) એક જ દિવસમાં ₹3.11 લાખ કરોડથી વધુ વધી ગયું છે. 29 મે, 2026ના રોજ માર્કેટ કેપ ₹4,64,46,938.533 કરોડ હતું, જે 1 જૂન, 2026ના રોજ વધીને ₹4,67,58,124.25 કરોડ પર પહોંચી ગયું, એટલે કે કુલ સંપત્તિમાં નોંધપાત્ર વધારો થયો.
ઇક્વિટી બેન્ચમાર્ક (Equity Benchmark)ની હાલની સ્થિતિ મુજબ સેન્સેક્સ 323.28 પોઈન્ટ (0.43%) વધીને 75,099.02 પર ટ્રેડ કરી રહ્યો છે, જ્યારે નિફ્ટી 50 90.25 પોઈન્ટ (0.38%)ના ઉછાળા સાથે 23,638.00 પર ટ્રેડ થઈ રહ્યો છે. દિવસ દરમિયાન બંને સૂચકાંકો વધુ ઊંચાઈએ પણ પહોંચ્યા હતા, જેમાં સેન્સેક્સ 75,367.93 સુધી ગયો હતો અને નિફ્ટી 23,733.70 સુધી પહોંચ્યો હતો.
સેન્સેક્સના 18 શેર ગ્રીન ઝોન
સેન્સેક્સના કુલ 30 શેરોમાંથી 18 શેર ગ્રીન ઝોન (Green Zone)માં રહ્યા છે. તેમાં ઇન્ડિગો (IndiGo), એશિયન પેઇન્ટ્સ (Asian Paints) અને ઇન્ફોસિસ (Infosys) જેવા શેરોમાં સારો ઉછાળો જોવા મળ્યો છે. બીજી તરફ HUL (Hindustan Unilever), NTPC અને BEL જેવા શેરોમાં ઘટાડો નોંધાયો છે.
બજારમાં કુલ ટ્રેડિંગ એક્ટિવિટી પર નજર કરીએ તો BSE પર 3,193 શેરોમાં ટ્રેડિંગ થયું, જેમાંથી 1,970 શેરો વધારા સાથે બંધ થયા છે, જ્યારે 1,042 શેરો ઘટાડામાં રહ્યા છે અને 181 શેરોમાં કોઈ ફેરફાર જોવા મળ્યો નથી. ખાસ વાત એ છે કે 85 શેરોએ એક વર્ષનો સર્વોચ્ચ સ્તર સ્પર્શ કર્યો છે, જ્યારે 20 શેરો એક વર્ષનો નીચલો સ્તર પર પહોંચ્યા છે. ઉપરાંત 122 શેરો Upper Circuit અને 78 શેરો Lower Circuitમાં રહ્યા છે.
આ પણ વાંચો : Petrol-Diesel Price Hike : શ્રીલંકામાં પેટ્રોલ-ડીઝલ ભારતની સરખામણીએ 4 ગણું મોંઘું..!