Stock Market:આ 5 શેરો પર રાખો નજર, આ વર્ષે મચાવશે ધૂમ!

• શેરબજારમાં આ 5 શેરો પર રાખો નજર
• બજાર મોટા ઉછાળા સાથે બંધ થયું
• વર્ષ 2025ની શરૂઆત શેરબજાર સારી રહી

Stock Market Update: વર્ષ 2025ની શરૂઆત અત્યાર સુધી શેરબજાર માટે સારી રહી છે. ગઈ કાલે બજાર મોટા ઉછાળા સાથે બંધ થયું હતું. બજાર માટે આજે સપ્તાહનો છેલ્લો ટ્રેડિંગ દિવસ છે અને આજે પણ કેટલાક શેરોમાં એક્શન જોવા મળી શકે છે. કારણ કે તેમની કંપનીઓ તરફથી મોટા સમાચાર સામે આવ્યા છે.

Dmart (Avenue Supermarts)

રાધાકિશન દામાણીની આ કંપનીએ નાણાકીય વર્ષ 2025 (Q3FY25) ના ત્રીજા ક્વાર્ટર માટે બિઝનેસ અપડેટ બહાર પાડ્યું છે. કંપનીની સ્ટેન્ડઅલોન આવક 17.4%ના ઉછાળા સાથે રૂ. 15,565.23 કરોડ રહી હતી. બીજા ક્વાર્ટરમાં પણ કંપનીના પરિણામો સારા હતા. ડીમાર્ટનો શેર ગઈ કાલે રૂ. 3,615.30ના ઉછાળા સાથે બંધ થયો હતો.

RITES

એન્જિનિયરિંગ સર્વિસ કંપની રાઈટ્સને સ્ટીલ ઓથોરિટી તરફથી ઓર્ડર મળ્યો છે. ગઈ કાલે બજાર બંધ થયા બાદ કંપનીએ આ માહિતી આપી હતી. આવી સ્થિતિમાં તેની અસર આજે તેના શેર પર જોવા મળી શકે છે. રાઈટ્સનો શેર 2 જાન્યુઆરીના તેજી બજારમાં પણ ઘટાડા સાથે રૂ. 293.50 પર બંધ થયો હતો.

Varun Beverages

પેપ્સિકોના સૌથી મોટા બોટલિંગ પાર્ટનર વરુણ બેવરેજિસે જણાવ્યું છે કે તેણે તેની દક્ષિણ આફ્રિકાની પેટાકંપનીમાં રૂ. 413 કરોડનું રોકાણ કર્યું છે. વરુણ બેવરેજિસનો શેર ગઈ કાલે ઘટીને રૂ. 648 પર બંધ થયો હતો. જો કે, છેલ્લા એક વર્ષમાં તેણે 32.16% રિટર્ન આપ્યું છે.

આ વાંચો-Indian Rupee :ડોલર સામે રૂપિયો ફરી નબળો પડ્યો,85.75ના નવા તળિયે

Balkrishna Paper Mills

બાલકૃષ્ણ પેપર મિલ્સના બોર્ડે ફંડ એકત્ર કરવાની યોજનાને મંજૂરી આપી દીધી છે. કંપની રૂ. 100 કરોડથી વધુનું ભંડોળ એકત્ર કરશે. બાલકૃષ્ણ પેપર મિલ્સના શેર માટે પણ ગઈકાલનો દિવસ સારો ન હતો. તે નબળો પડીને રૂ. 25.40 પર બંધ રહ્યો હતો.

આ વાંચો-Stock Market:શેરબજાર ખૂલતા જ તેજી, સેન્સેક્સ આટલા પોઈન્ટનો ઉછાળો

Bajaj Finance

બજાજ ફાઇનાન્સના શેર ગુરુવારે ઊંચો ઉછળ્યો હતો અને આજે પણ તેમાં વધારો જોવા મળી શકે છે. વાસ્તવમાં, બ્રોકરેજ ફર્મ સિટીએ બજાજ ફાઇનાન્સને બાય રેટિંગ આપ્યું છે. ફર્મે આ માટે 8,150 રૂપિયાનો લક્ષ્યાંક રાખ્યો છે. હાલમાં આ સ્ટોક 7,373.60 રૂપિયાની કિંમતે ઉપલબ્ધ છે.