Share Market :ઘટાડા બાદ શેરબજારમાં રિકવરી,સેન્સેક્સ 609 પોઈન્ટનો ઉછાળો

• ઘટાડા બાદ શેરબજારમાં રિકવરી
• સેન્સેક્સ 609 પોઈન્ટનો ઉછાળો
• નિફ્ટીમાં 0.93 ટકાનો વધારો

Share Market: ભારતીય શેરબજારમાં (Share Market)આજે સતત બીજા દિવસે સારી રિકવરી જોવા મળી.જેમાં BSE સેન્સેક્સ 609.86 પોઈન્ટ (0.83%) ના વધારા સાથે 74,340.09 પોઈન્ટ પર બંધ થયો. તેવી જ રીતે, NSE નિફ્ટી 50 ઇન્ડેક્સ પણ 207.40 પોઈન્ટ (0.93%) વધીને 22,544.70 પોઈન્ટ પર બંધ થયો. બુધવારે ૭૩,૭૩૦.૨૩ પોઈન્ટ પર બંધ થયેલા સેન્સેક્સે આજે ૭૪,૩૦૮.૩૦ પોઈન્ટની મજબૂત તેજી સાથે વેપાર શરૂ કર્યો હતો.પરંતુ થોડા સમય પછી બજારમાં અચાનક તીવ્ર ઘટાડો જોવા મળ્યો અને સેન્સેક્સ ૭૩,૪૧૫.૬૮ પોઈન્ટ પર આવી ગયો.

સતત 10 દિવસ સુધી ચાલુ રહેલા ઘટાડાથી બુધવારે રાહત મળી

બુધવારે પણ બજાર લીલા નિશાન સાથે ટ્રેડિંગ શરૂ કર્યું અને મોટા વધારા સાથે બંધ થયું. સતત 10 દિવસ સુધી ઘટાડા સાથે બંધ રહ્યા પછી, બુધવારે બજારે વધારા સાથે કારોબાર પૂર્ણ કર્યો. જે પછી આજે ફરી એકવાર બજારમાં તેજી જોવા મળી અને તે સારા વધારા સાથે બંધ થયું.

આ પણ  વાંચો -Sensex : તોફાની શરૂઆત... પછી અચાનક બજાર ગબડ્યું, Stock Market એ ફરી ચોંકાવ્યા

એશિયન પેઇન્ટ્સના શેરમાં જોરદાર ઉછાળો

ગુરુવારે, સેન્સેક્સની 30 કંપનીઓમાંથી 24 કંપનીઓના શેર વધારા સાથે લીલા રંગમાં અને 5 કંપનીઓના શેર નુકસાન સાથે લાલ રંગમાં બંધ થયા હતા. જ્યારે HDFC બેંકના શેર કોઈ ફેરફાર વિના બંધ થયા. બીજી તરફ,નિફ્ટી 50 ની 50 કંપનીઓમાંથી ૩૮ કંપનીઓના શેર વધારા સાથે લીલા નિશાનમાં બંધ થયા હતા અને બાકીની ૧૨ કંપનીઓના શેર નુકસાન સાથે લાલ નિશાનમાં બંધ થયા હતા. આજે, સેન્સેક્સ કંપનીઓમાં, એશિયન પેઇન્ટ્સના શેર સૌથી વધુ 4.70 ટકાના વધારા સાથે બંધ થયા, જ્યારે ટેક મહિન્દ્રાના શેર સૌથી વધુ 2.31 ટકાના ઘટાડા સાથે બંધ થયા.

આ પણ  વાંચો -RBIનો મોટો નિર્ણય, સિસ્ટમમાં 1.9 લાખ કરોડ રૂપિયાની લિક્વિડિટી વધારવાની જાહેરાત

સેન્સેક્સના બાકીના શેરોની સ્થિતિ કેવી હતી?

આ ઉપરાંત, આજે NTPC ના શેર 3.41 ટકા, રિલાયન્સ ઇન્ડસ્ટ્રીઝ 2.96 ટકા, ટાટા સ્ટીલ 2.87 ટકા, બજાજ ફિનસર્વ 2.39 ટકા, હિન્દુસ્તાન યુનિલિવર 2.22 ટકા, સન ફાર્મા 2.09 ટકા, અદાણી પોર્ટ્સ 2.04 ટકા, એક્સિસ બેંક 1.85 ટકા, TCS 1.42 ટકા, ટાઇટન 1.35 ટકા, બજાજ ફાઇનાન્સ 0.95 ટકા, HCL ટેક 0.75 ટકા, લાર્સન એન્ડ ટુબ્રો 0.66 ટકા વધ્યા હતા. જ્યારે કોટક મહિન્દ્રા બેંકના શેરમાં આજે 2.31 ટકા, ઝોમેટો 0.62 ટકા, ટાટા મોટર્સ 0.19 ટકા અને ઇન્ડસઇન્ડ બેંકના શેરમાં 0.07 ટકાનો ઘટાડો થયો હતો.