Stock Market Today : મંગળવારે શેરબજારનો ટ્રેન્ડ બદલાયો, સેન્સેક્સ વધ્યો, નિફ્ટી 70 પોઈન્ટ ઘટ્યો

મંગળવારે શેરબજારનો ટ્રેન્ડ બદલાયો

વૈશ્વિક મોરચે, ક્રૂડ ઓઈલના ઘટી રહેલા ભાવ અને યુએસ-ઈરાન વચ્ચે તણાવ ઓછો થવાની આશાને કારણે સોમવારે અમેરિકી શેરબજારો જોરદાર તેજી સાથે બંધ થયા હતા. ડાઉ જોન્સ 693 પોઈન્ટ ઉછળીને 53,178.41 ની સપાટીએ પહોંચ્યો હતો, જ્યારે નાસ્ડેકમાં પણ 2.13% નો મોટો વધારો નોંધાયો હતો. આ મજબૂતીની અસર એશિયન બજારો પર પણ જોવા મળી હતી, જ્યાં જાપાનનો નિક્કી ઘટાડા સાથે ટ્રેડ થઈ રહ્યો હતો, જ્યારે હોંગકોંગના હેંગ સેંગ ઇન્ડેક્સમાં ટેક શેરોના સહારે સુધારો જોવા મળ્યો હતો.

સેન્સેક્સ વધ્યો, નિફ્ટી 70 પોઈન્ટ ઘટ્યો

દરમિયાન, ક્રૂડ ઓઈલના વૈશ્વિક ભાવમાં પણ નરમાઈ રહી છે; ડબ્લ્યુટીઆઈ ક્રૂડ ઘટીને $81.04 પ્રતિ બેરલ આસપાસ અને બ્રેન્ટ ક્રૂડ $84.39 આસપાસ ટ્રેડ થઈ રહ્યું છે, જે $90 ના મહત્વપૂર્ણ સ્તરથી નીચે છે. આ ઉપરાંત, રોકાણકારોની નજર આજે જાહેર થનારા ત્રિમાસિક પરિણામો પર પણ રહેશે. ભારતી એરટેલ, કલ્યાણ જ્વેલર્સ, બીએસઈ અને મેરિકો સહિત 130 થી વધુ કંપનીઓ એપ્રિલ-જૂન ક્વાર્ટરના નાણાકીય પરિણામો જાહેર કરવાની છે, જેનાથી બજારની આગામી દિશા નક્કી થશે.

આ પણ વાંચો : Gold-Silver Prices Today : છ દિવસ બાદ સોના-ચાંદીની ચમક ઘટી ! જાણો આજના સોના-ચાંદીના નવા ભાવ