દેશના અર્થતંત્રને ફરી મળશે વેગ! ત્રીજા ત્રિમાસિકગાળા આંકડા આવ્યા સામે
- ભારતનો GDP વિકાસદર પહોંચ્યો 6.2 ટકાના દરે
- ત્રીજા ત્રિમાસિક ગાળામાં વધ્યો GDP વિકાસ દર
- ઓક્ટોબરથી ડિસેમ્બર ત્રિમાસિક ગાળામાં સુધર્યો દર
- ફરી એકવાર અર્થતંત્ર ગતિ પકડે તેવા પ્રારંભિક સંકેત
- ગત ત્રિમાસિક ગાળામાં ચિંતાજનક 5.4%ના દરે હતો
- ગ્રામ્ય વિસ્તારો તરફથી વધતી માગને લીધે સુધર્યો દર
India GDP Growth:કેન્દ્ર સરકારે નાણાકીય વર્ષ 25 ના ત્રીજા ક્વાર્ટરના GDP આંકડા (India GDP Growth)જાહેર કર્યા છે. ચાલુ નાણાકીય વર્ષના ત્રીજા ક્વાર્ટરમાં ભારતનો વિકાસ દર 6.2 ટકા રહ્યો. બીજા ક્વાર્ટરની શરૂઆતમાં, વિકાસ દર 5.4% હતો. શુક્રવારે નવીનતમ આંકડા જાહેર કરવામાં આવ્યા હતા. ત્રીજા ક્વાર્ટરમાં આ વૃદ્ધિ 6.3% ના અંદાજ કરતા થોડી ઓછી હતી. પરંતુ અંદાજ મુજબ આખા વર્ષનો વિકાસ દર 6.5% રહી શકે છે.
ત્રીજા ક્વાર્ટરના GDP આંકડા જાહેર કર્યા
શુક્રવારે GDP ના આંકડા જાહેર થાય તે પહેલાં જ શેરબજારમાં મોટો ઘટાડો જોવા મળ્યો. સેન્સેક્સ ૧.૯% અથવા ૧,૪૧૪ પોઈન્ટ ઘટીને ૭૩,૧૯૮ પર બંધ થયો, જ્યારે નિફ્ટી1.86 ટકા અથવા 420 પોઈન્ટ ઘટીને ૨૨,૧૨૪ પર બંધ થયો. બધા મુખ્ય ક્ષેત્રીય સૂચકાંકો લાલ નિશાનમાં બંધ થયા. નાણાકીય વર્ષ 25 ના ત્રીજા ક્વાર્ટરમાં વાસ્તવિક જીડીપી રૂ. 47.17 લાખ કરોડ હોવાનો અંદાજ છે, જે નાણાકીય વર્ષ 24 ના ત્રીજા ક્વાર્ટરમાં રૂ. 44.44 લાખ કરોડ હતો. ગ્રોસ વેલ્યુ એડેડ (GVA) પણ વાર્ષિક ધોરણે 6.2% વધ્યો, જ્યારે નોમિનલ GDP વૃદ્ધિ 9.9 ટકા રહી, જેમાં ફુગાવાનો દર પણ સામેલ છે.
India's real GDP grew 6.2% in Q3 2024-25, higher than 5.6% in previous quarter
Read @ANI Story | https://t.co/k9mwwiu9wN#GDP #IndiaGDP #Economy pic.twitter.com/dTWA6NOio1
— ANI Digital (@ani_digital) February 28, 2025
આ પણ વાંચો -SBI ગ્રાહકો ચેતી જજો! મંડરાઈ રહ્યો છે સાયબર ફ્રોડનો ખતરો!
છેલ્લા ક્વાર્ટરમાં GDP માં ઘટાડો થયો હતો
જોકે સરકારે અંદાજ લગાવ્યો હતો કે ત્રીજા ક્વાર્ટરમાં GDP વૃદ્ધિ દર 6.3 ટકા રહી શકે છે, તેથી તે અંદાજ કરતા થોડો ઓછો હતો. પરંતુ ત્રિમાસિક ધોરણે, દેશના વિકાસ દરમાં વધારો જોવા મળ્યો છે, કારણ કે સપ્ટેમ્બર ક્વાર્ટરમાં દેશનો GDP વૃદ્ધિ દર 5.4 ટકા રહ્યો હતો. જુલાઈથી સપ્ટેમ્બર ક્વાર્ટર દરમિયાન અર્થતંત્રમાં મંદી જોવા મળી હતી. જે સાત ક્વાર્ટરમાં સૌથી ધીમો હતો. પરંતુ હવે સુધારાના સંકેતો દેખાઈ રહ્યા છે.
આ પણ વાંચો -Stock Market Crash: શેરબજાર ધડામ, સેન્સેક્સ 1420 અંક તૂટ્યો
વાર્ષિક ધોરણે GDP વૃદ્ધિમાં ઘટાડો થયો
જો આપણે વાર્ષિક ધોરણે ડિસેમ્બર ક્વાર્ટરના GDP ડેટા પર નજર કરીએ તો, Q3 GDP વૃદ્ધિ 8.6 ટકાથી ઘટીને 6.2 ટકા થઈ ગઈ છે. રાષ્ટ્રીય આંકડા કાર્યાલય (NSO) ના ડેટા અનુસાર, નાણાકીય વર્ષ 2025 માં ભારતનો વિકાસ દર 6.5 ટકા રહેવાનો અંદાજ છે.