Share Market :શેરબજારમાં મોટા ઘટાડા સાથે બંધ,સેન્સેક્સ-નિફ્ટીમાં આટલા પોઈન્ટ તૂટયો

Share Market :  રિઝર્વ બેંક ઓફ ઈન્ડિયા (RBI) MPC દ્વારા વ્યાજ દરમાં કોઈ ઘટાડો ન કરવાના સમાચારની અસર સ્થાનિક શેરબજાર ( Share Market) પર જોવા મળી. સેન્સેક્સ(sensex) 166 પોઇન્ટના ઘટાડા સાથે 80,543 અંકે બંધ થયો. જ્યારે નિફ્ટી 75.35 પોઇન્ટના ઘટાડા સાથે 24,574 અંકે બંધ થયુ છે. મહત્વનું છે કે આજે સવારે શેરબજારની ફ્લેટ શરૂઆત થઇ હતી.આજના કારોબારમાં લગભગ 1293 શેર વધ્યા, 2584 શેર ઘટ્યા જ્યારે 153 શેર યથાવત રહ્યા.

ટ્રમ્પે આપી છે ધમકી

ઉલ્લેખનીય છે કે અમેરિકાના રાષ્ટ્રપતિ ડોનાલ્ડ ટ્રમ્પે સોમવારે ભારત પર વધારાના ટેરિફ લાદવાની ધમકી આપી હતી. તેમણે કહ્યું હતું કે રશિયા પાસેથી તેલ ખરીદવાને કારણ ભારતમાંથી આવતા માલ પર ટેરિફમાં ભારે વધારો કરવામાં આવશે. જ્યારે ભારતે કહ્યું હતું કે તે તેના હિતોનું રક્ષણ કરવા માટે પગલાં લેશે. કેટલાક નિષ્ણાતો વ્યાજ દરમાં 25 બેસિસ પોઇન્ટનો વધુ ઘટાડો થવાની અપેક્ષા રાખી રહ્યા છે. જ્યારે અન્ય લોકો માને છે કે સમિતિ ફુગાવાના અનુમાનને વધુ ઘટાડશે.

આ પણ  વાંચો -Tata Capital IPO: રોકાણ માટે પૈસા રખજો તૈયાર, ટાટાની આ કંપનીના આઈપીઓ મળી શકે છે જંગી રિટર્ન

રૂપિયો ૧૫ પૈસા મજબૂત થયો  Share Market

બુધવારે અમેરિકન ડોલર સામે રૂપિયો ૧૫ પૈસા મજબૂત થઈને ૮૭.૭૩ (કામચલાઉ) પર બંધ થયો. અમેરિકન ડોલરમાં વધઘટ અને રિઝર્વ બેંક ઓફ ઈન્ડિયાના વ્યાજ દર સ્થિર રાખવાના નિર્ણયને કારણે આ સુધારો જોવા મળ્યો. ફોરેક્સ વેપારીઓના મતે, જોકે, ક્રૂડ ઓઈલના વધતા ભાવ, સ્થાનિક શેરબજારોમાં ( Share Market)નબળાઈ અને ભારત પર યુએસ ટેરિફ અંગે અનિશ્ચિતતાએ રૂપિયાના ફાયદાને મર્યાદિત કર્યા. આંતરબેંક વિદેશી વિનિમય બજારમાં રૂપિયો ૮૭.૭૨ પર ખુલ્યો અને દિવસભર ૮૭.૬૩ થી ૮૭.૮૦ ની રેન્જમાં રહ્યો, અંતે ૮૭.૭૩ પર બંધ થયો. મંગળવારે તે ૮૭.૮૮ પર બંધ થયો, જે અત્યાર સુધીનો સૌથી નીચો ભાવ હતો.

આ પણ  વાંચો -ટેરિફ અનિશ્ચિતતા વચ્ચે RBI નો મોટો નિર્ણય, Repo Rate 5.50 ટકા પર યથાવત્ રાખ્યો

વૈશ્વિક બજારોમાંથી શું સંકેતો છે?

• બુધવારે વોલ સ્ટ્રીટની સાથે એશિયન શેરબજારોમાં ઘટાડો થયો. નબળા યુએસ ડેટા દર્શાવે છે કે ટેરિફ આર્થિક પ્રવૃત્તિ અને આવકને નુકસાન પહોંચાડી રહ્યા છે.
• ઓસ્ટ્રેલિયાનો S&P/ASX 200 0.61 ટકા વધીને 8,824 ની રેકોર્ડ ઊંચી સપાટીએ પહોંચ્યો.
• જાપાનનો Nikkei 225 0.12 ટકા ઘટીને અને દક્ષિણ કોરિયાનો Kospi 0.64 ટકા ઘટીને બંધ થયો.
• યુએસમાં, વોલ સ્ટ્રીટના મુખ્ય સૂચકાંકો મંગળવારે નીચા સ્તરે બંધ થયા.
• રોકાણકારોએ ટેરિફની ચિંતાઓ અને સેવા ક્ષેત્રના નિરાશાજનક આર્થિક ડેટાનું મૂલ્યાંકન કર્યું.
• ટેક-હેવી નાસ્ડેક કમ્પોઝિટ 0.65 ટકા ઘટ્યો. વ્યાપક S&P 500 0.49 ટકા ઘટ્યો, અને ડાઉ જોન્સ ઇન્ડસ્ટ્રિયલ એવરેજ 0.14 ટકા નબળો પડ્યો.