શેરબજારમાં આવેલા ભૂકંપ પાછળ છે આ 4 કારણો જવાબદાર!

• શેરબજારમાં ફરી એકવાર મોટું ગાબડું
• Sensex માં 1500 પોઈન્ટનો કડાકો
• ભારતીય શેરબજારમાં કોઈ સંકેત

stock market crash:ભારતીય શેરબજારમાં સુધારાના કોઈ સંકેત દેખાઈ રહ્યા નથી. થોડા સમયના વધારા પછી, આજે બજાર ફરી તૂટી (stock market crash)પડ્યું. બીએસઈ સેન્સેક્સ 1500.41 પોઈન્ટ ઘટીને 76,024.51 પર બંધ થયો. એ જ રીતે, NSE નિફ્ટી પણ 353.65 પોઈન્ટ niftycrashઘટીને 23,165.70 પોઈન્ટ પર બંધ થયો. આજે બજારમાં ચારે બાજુ વેચવાલી હતી. બજારમાં ભારે ઘટાડાને કારણે આજે રોકાણકારોના કરોડો રૂપિયાનું નુકસાન થયું. હકીકતમાં, 28 માર્ચે જ્યારે બજાર બંધ થયું ત્યારે BSE પર લિસ્ટેડ કંપનીઓનું માર્કેટ કેપ 4,12,87,646 કરોડ રૂપિયા હતું. આજના વેચાણમાં,માર્કેટ કેપ ઘટીને રૂ.4,09,64,821.65 લાખ કરોડ થઈ ગયું.આ રીતે આજે રોકાણકારોએ 3.49 લાખ કરોડ રૂપિયાનું નુકસાન થયું. હવે પ્રશ્ન એ થાય છે કે બજારમાં આટલો મોટો ઘટાડો કેમ થયો? ચાલો બજારમાં ઘટાડાનાં કારણો જાણીએ.

બજારમાં ઘટાડા માટે આ 4 મુખ્ય કારણો છે

ટ્રમ્પના ટેરિફનો ડર

શેરબજારના રોકાણકારો યુએસ રાષ્ટ્રપતિ ડોનાલ્ડ ટ્રમ્પ દ્વારા લાદવામાં આવનાર ટેરિફથી ડરી રહ્યા છે. ટ્રમ્પે જાહેરાત કરી છે કે તેઓ 2 એપ્રિલથી ભારત સહિત ઘણા દેશો પર ટેરિફ વધારશે. આનાથી બજારમાં ભયનું વાતાવરણ સર્જાયું છે. તેની અસર આજે બજારમાં જોવા મળી. બજારમાં વેચાણનું પ્રભુત્વ રહ્યું.

IT શેરો પર દબાણ
યુએસ બજાર-આધારિત IT કંપનીઓના શેર આજે 1.8% ઘટ્યા. ટેરિફ વધારાથી આર્થિક મંદી અને નબળી માંગ અંગે ચિંતા વધી છે. માર્ચ ક્વાર્ટરમાં આ ક્ષેત્રમાં પહેલાથી જ 15%નો ઘટાડો નોંધાઈ ચૂક્યો છે. આની અસર આજે બજાર પર પણ પડી.

આ પણ  વાંચો - Stock Market Crash: ફાયનાન્સિયલ યર 2025-26નો ફર્સ્ટ ડે ફ્લોપ...Sensexમાં 1400 પોઈન્ટનો કડાકો

તેલના ભાવમાં ઉછાળો

કાચા તેલના ભાવ પાંચ અઠવાડિયાના ઉચ્ચતમ સ્તરની નજીક રહ્યા છે, જેના કારણે ફુગાવામાં વધારો થવાની ચિંતા વધી રહી છે. બ્રેન્ટ ક્રૂડ લગભગ $74.67 પ્રતિ બેરલ હતું, જ્યારે યુએસ વેસ્ટ ટેક્સાસ ઇન્ટરમીડિયેટ (WTI) $71.37 પર ટ્રેડ થઈ રહ્યું હતું. તેલના ઊંચા ભાવ ભારતની રાજકોષીય ખાધ અને કોર્પોરેટ માર્જિન પર દબાણ લાવી શકે છે.

આ પણ  વાંચો -Gold price today : સોનાના ભાવમાં ફરી ઉછાળો,જાણો 10 ગ્રામનો ભાવ

તેજી પછી નફાનું બુકિંગ

છેલ્લા આઠ સત્રમાં નિફ્ટી અને સેન્સેક્સમાં લગભગ 5.4%નો વધારો થયો છે, જે વર્ષ માટે સકારાત્મક બન્યો છે. તાજેતરની તેજી બાદ રોકાણકારો નફો બુક કરી રહ્યા છે, જેના કારણે બજારમાં ઘટાડો જોવા મળી રહ્યો છે. ટૂંકા ગાળામાં મૂલ્યાંકનમાં તીવ્ર વધારાને કારણે કેટલાક વેપારીઓ સાવધ બન્યા છે, જેના કારણે મોટા શેરોમાં વેચાણ થયું છે.