Top Silver Reserves Countries :ચાંદીના ભંડારમાં કોણ છે બાદશાહ? ભારતનું સ્થાન જાણીને ચોંકી જશો
સોનાના વધતા ભાવો વચ્ચે ચાંદીએ રોકાણકારોનું ધ્યાન ખેંચ્યું છે. 2026ના તાજા રિપોર્ટ મુજબ, દુનિયાની મહાસત્તાઓને પછાડીને એક લેટિન અમેરિકન દેશ ચાંદીના ભંડારમાં 'કિંગ' સાબિત થયો છે. બીજી તરફ, ભારતની સ્થિતિ વિચિત્ર છે - આપણી પાસે ભંડાર સીમિત છે છતાં વપરાશમાં આપણે ટોચના દેશોને ટક્કર આપી રહ્યા છીએ. આખરે કયા દેશ પાસે કેટલું 'સફેદ સોનું' છે?
Advertisement
- દુનિયામાં સૌથી વધુ ચાંદીનો ભંડાર પેરુ દેશમાં (98,000 ટન)
- ઓસ્ટ્રેલિયા બીજા અને ચીન ત્રીજા નંબરે, મેક્સિકો ટોપ પ્રોડ્યુસર
- ભારત 30,000 ટન ભંડાર સાથે ટોપ-10 લિસ્ટમાં સામેલ
- રાજસ્થાનની ખાણોમાંથી ભારતમાં સૌથી વધુ ચાંદી નીકળે છે
- EV અને સોલર ઉદ્યોગને કારણે ચાંદીની વૈશ્વિક માંગમાં ઉછાળો
Top Silver Reserves Countries : સોનાના વધતા ભાવો વચ્ચે હવે ચાંદી (Silver) પણ રોકાણકારો માટે હોટ ફેવરિટ બની રહી છે. માત્ર ઘરેણાં માટે જ નહીં, પરંતુ સોલર પેનલ (Solar Panels), ઇલેક્ટ્રિક વ્હીકલ (Electric Vehicles - EV) અને ઇલેક્ટ્રોનિક્સ ઉદ્યોગમાં વધતી જતી માંગને કારણે ચાંદીને હવે 'ફ્યુચર ગોલ્ડ' માનવામાં આવે છે. છેલ્લા કેટલાક સમયમાં ચાંદીએ સોના કરતા પણ વધુ સારું રિટર્ન આપ્યું છે, જેના કારણે દુનિયાભરની સેન્ટ્રલ બેંકો પણ તેમાં રસ દાખવી રહી છે. 22 જાન્યુઆરી 2026ના રોજ જાહેર થયેલા લેટેસ્ટ રિપોર્ટ અને યુએસ જિયોલોજિકલ સર્વે (US Geological Survey - USGS) ના આંકડા મુજબ દુનિયામાં ચાંદીના ભંડારોની સ્થિતિ ચોંકાવનારી છે.
