Surrender of Trump?: મંગળવારે વૉલ સ્ટ્રીટ ફ્યૂચર્સ (Wall Street futures) માં 1 ટકા સુધીના ઉછાળાએ અમેરિકાની બજારો (US markets) ના મજબૂત ખુલવાના સંકેત આપ્યા છે. તેની સાથે જ ખનીજતેલની કિંમતોમાં લગભગ 1 ટકાના ઘટાડાઓ પણ સપોર્ટ આપ્યો છે. ખનીજતેલ (Crude Oil) માં આ ઘટાડો આ રિપોર્ટ બાદ આવ્યો છે જેમાં કહેવામાં આવ્યું છે કે અમેરિકાના રાષ્ટ્રપ્રમુખ ડોનાલ્ડ ટ્રમ્પ (Donald Trump) ઈરાન (Iran) સાથે યુદ્ધને સમાપ્ત કરવા માટે તૈયાર છે.
ભારતીય સમય મુજબ સવારે 10.45 વાગ્યાની આસપાસ નેસ્ડેક-100 (Nasdaq-100) સાથે જોડાયેલા ફ્યૂચર્સ 0.55 ટકા વધ્યા તો S&P 500 ના ફ્યૂચર્સ 0.7 ટકા અને ડાઉ જોન્સ (Dow Jones) ઈન્ડસ્ટ્રિયલ એવરેજના ફ્યૂચર્સ 0.8 ટકા ઉછળ્યા. તો ખનીજતેલની વાત કરીએ તો મે ડિલીવરીના બ્રેન્ટ ક્રૂ઼ડ (Brent crude) ફ્યૂચર્સ $1.22 એટલે કે 1.08% ઘટીને $111.56 પ્રતિ બેરલ આવી ગયા. જો કે આ ઘટાડાથી પહેલા તે લગભગ 2 ટકા ઉપર ચઢયા હતા. મહત્ત્વપૂર્ણ છે કે મે કોન્ટ્રાક્ટ મંગળવારે સમાપ્ત થઈ રહ્યો છે અને જૂન કોન્ટ્રાક્ટ $105.76 પર છે.
આ પણ વાંચો: Iran War : ઈરાન સાથે તણાવ ઘટશે? હોર્મુઝની સુરક્ષા વ્યવસ્થામાં ટ્રમ્પ પ્રશાસનનો યુ-ટર્ન !
શું સમાપ્ત થશે Iran-US War?
અમેરિકાના મીડિયા મુજબ, રાષ્ટ્રપ્રમુખ ડોનાલ્ડ ટ્રમ્પે (Trump) પોતાના સહયોગીઓને કહ્યુ છે કે તે સ્ટ્રેટ ઓફ હોર્મુઝ (Strait of Hormuz) ના ફરીથી ખુલ્યા વગર ઈરાન (Iran) સામેના સૈન્ય અભિયાનને સમાપ્ત કરવા માટે તૈયાર છે. અમેરિકાના મીડિયાએ સોમવારે પ્રશાસનિક અધિકારીઓને ટાંકીને જાણકારી આપી છે કે ટ્રમ્પ યુદ્ધ બંધ કરવા અને હોર્મુઝની ખાડીને ફરીથી ખોલવાના મુદ્દાને બાદમાં ઉકેલવા માટે તૈયાર છે. માર્કેટ એનાલિસ્ટ્સ પ્રમાણે, યુદ્ધ સમાપ્ત થવાની સંભાવના પર ખનીજતેલની કિંમતો (oil prices) ગગડી, પણ કોઈ મોટા પરિવર્તનો માટે સ્ટ્રેટ ઓફ હોર્મુઝ (oil prices) ના માધ્યમથી ખનીજતેલની સપ્લાઈ સંપૂર્ણપણે સામાન્ય થવી જરૂરી છે.
આ પણ વાંચો: Donald Trump ની લોકપ્રિયતા ગગડી, 61 % અમેરિકનો ઈરાન યુદ્ધની વિરોધમાં !
Asian Markets ની કેવી રહી સ્થિતિ?
એશિયન બજારોની વાત કરીએ તો મિશ્ર વલણો જોવા મળ્યા છે. જાપાન (Japan) ના નિક્કેઈ (Nikkei) 1.3 ટકા ગગડયો. આ મહિને 12 ટકાથી વધારે ગગડી ચુક્યો છે. દક્ષિણ કોરિયા (South Korea) નો કોસ્પી (KOSPI) પણ મંગળવારે 3.46 ટકા ગગડયો અને આ મહિને તે 17 ટકાથી વધુ ગગડયો છે. તે 2008 પછી સૌથી મોટો કડાકો છે. હવે ઘરેલુ માર્કેટની વાત કરીએ તો શ્રી મહાવીર જયંતી (Shri Mahavir Jayanti) પ્રસંગે આજે સ્ટોક માર્કેટ બંધ છે. એક કારોબારી દિવસ પહેલા એટલે કે નાણાંકીય વર્ષ 2026ના છેલ્લા કારોબારી દિવસે સ્ટોક માર્કેટમાં હાહાકાર મચ્યો હતો. નિફ્ટીની મંથલી એક્સપાયરીના દિવસ 20 માર્ચે સેન્સેક્સ (Sensex) 1635.67 પોઈન્ટ્સ એટલે કે 2.22 ટકા ગગડીને 71,947.55 અને નિફ્ટી (Nifty) 50 પણ 488.20 અંક એટલે કે 2.14 ટકા ગગડીને 22,331.4 પર બંધ થયો હતો.
આ પણ વાંચો: Iran Israel War Day 21 : ઈરાન, ઇઝરાયલ યુદ્ધનો 21મો દિવસ, Trump vs Netanyahu Clash!
