US-Venezuela Gold Deal : યુદ્ધ વચ્ચે અમેરિકાની નજર સોના પર !
- US-Venezuela Gold Deal ને લઇને મોટી અપડેટ સામે આવી છે
- યુદ્ધ વચ્ચે અમેરિકાએ વેનેઝુએલા સાથે મોટા કરારો કર્યા છે
- વેનેઝુએલાની કંપની અમેરિકાને 1 હજાર કિલો સોનું પુરૂ પાડશે
US-Venezuela Gold Deal : ઈરાન-અમેરિકાના યુદ્ધે વૈશ્વિક બજારમાં અનિશ્ચિતતા વધારી છે. આ વાતાવરણમાં, ઓઇલ અને સોનાના ભાવ બંનેમાં ઉછાળો જોવા મળી રહ્યો છે. દરમિયાન, અમેરિકા અને વેનેઝુએલા વચ્ચે સોનાના મોટા સોદાના સમાચારે વૈશ્વિક કોમોડિટી બજારમાં હલચલ મચાવી દીધી છે.
US-Venezuela Gold Deal, સોદા પર હસ્તાક્ષર કર્યા
સૂત્રોને ટાંકીને, એક્સિઓસના એક અહેવાલમાં જણાવાયું છે કે, વેનેઝુએલાની રાજ્ય માલિકીની ખાણકામ કંપનીએ અમેરિકાના બજારમાં 1,000 કિલોગ્રામ સોનું વેચવા માટે કરોડો ડોલરના સોદા પર હસ્તાક્ષર કર્યા છે.
આ પણ વાંચો -------- US-Israeli war on Iran : યુદ્ધમાં અમેરિકાના અરબો ડોલર ફૂંકાયા, વાંચો વિગતવાર
US-Venezuela Gold Deal, સોનાના બાર પહોંચાડશે
સૂત્રોને ટાંકીને અહેવાલ સામે આવ્યો છે કે, સોનાના સોદા હેઠળ, રાજ્ય માલિકીની માઇનર્વેન કોમોડિટી વેપારી ટ્રાફિગુરાને (Trafigura) 650 થી 1,000 કિલોગ્રામ સોનાના ડોર બાર પહોંચાડશે.
ગૃહ સચિવ ડગ બર્ગમની મહત્વપૂર્ણ ભૂમિકા
સૂત્રએ જણાવ્યું હતું કે, ટ્રાફિગુરા અમેરિકાની સરકાર સાથે એક અલગ વ્યવસ્થા હેઠળ યુએસ રિફાઇનરીઓમાં સોનાનું પરિવહન કરશે. યુએસ ગૃહ સચિવ ડગ બર્ગમે સોનાના કરારને સરળ બનાવવામાં મદદ કરી હતી. સૂત્રએ જણાવ્યું હતું કે, કરારમાં 98% ની ફાઇનલ ગોલ્ડની સામગ્રીની માંગ કરવામાં આવી છે.
સોનાના ભાવમાં વધારો
આજે, એક કિલોગ્રામ શુદ્ધ સોનાની કિંમત આશરે $166,000 છે. બજાર પ્રમાણે ભાવ બદલાય છે, પરંતુ વૈશ્વિક નાણાકીય અનિશ્ચિતતા વચ્ચે સોનામાં વધારો થયો છે. અમેરિકા અને ઇઝરાયલે વિશ્વના સૌથી મોટા તેલ ઉત્પાદકોમાંના એક, ઇરાન પર હુમલો કર્યો ત્યારથી તેલના ભાવ વધી રહ્યા છે.
ત્રીજી ડીલ કરાઇ
આ કરાર ટ્રમ્પ વહીવટીતંત્ર દ્વારા દેખરેખ હેઠળની ત્રીજી એક્સ્ટ્રેક્શન ડીલ છે, કારણ કે અમેરિકાએ વેનેઝુએલાના સૌથી આવશ્યક અને વિપુલ સંસાધન, તેલ પર નિયંત્રણ મેળવ્યું છે. ટ્રાફિગુરા 1 બિલિયનથી અમેરિકન ડોલર વધુ મૂલ્યના તે તેલ કરારોમાંનો એક છે.
ખાણકામ કાયદામાં સુધારો
ટ્રમ્પે તાજેતરમાં ટ્રુથસોશિયલ પર પોસ્ટ કરી હતી, જેમાં વેનેઝુએલાના કાર્યકારી રાષ્ટ્રપતિ, ડેલ્સી રોડ્રિગ્ઝની પ્રશંસા કરી હતી. રોડ્રિગ્ઝે તાજેતરમાં બર્ગમ સાથે મુલાકાત કર્યા પછી દેશના ખાણકામ કાયદામાં સુધારો કરવાની યોજનાની જાહેરાત કરી હતી.
આ પણ વાંચો -------- Job Resign : બે મહિના વાટ જોયા બાદ મળેલી નોકરી પહેલા દિવસે છોડી !