ખર્ચ ઓછો અને નફો વધુ

અજયસિંહ જણાવે છે કે, સવા બે વીઘામાં કારેલાની આ ખેતી પાછળ તેમને અંદાજે રૂ. 2 લાખ જેટલો ખર્ચ થયો હતો. તેની સામે વળતર ખૂબ જ ઉત્સાહજનક રહ્યું છે. તેમણે આખી સિઝન દરમિયાન અંદાજે 1200 મણ જેટલા કારેલાનું સફળતાપૂર્વક વેચાણ કર્યું છે. મહત્વની વાત એ છે કે, અજયસિંહે સતત બીજા વર્ષે આ સિદ્ધિ હાંસલ કરી છે. વર્ષ 2025માં પણ તેમણે રૂ. 9 લાખની જ આવક મેળવી હતી, જે દર્શાવે છે કે પ્રાકૃતિક ખેતીમાં સાતત્યપૂર્ણ નફો શક્ય છે.

આ પણ વાંચો: શું તમે જોયો છે આવો આંબો? એક ઝાડ, અનેક સ્વાદ! જુઓ વલસાડનો 'Dahya Kaka' આંબો

સ્વાદે કડવા પણ આરોગ્ય માટે ગુણકારી

બજારમાં સામાન્ય રીતે રાસાયણિક ખાતર અને જંતુનાશકોથી પકવેલા શાકભાજી મળતા હોય છે, પરંતુ અજયસિંહના કારેલા સંપૂર્ણપણે રસાયણમુક્ત (Chemical-free) છે. પ્રાકૃતિક પદ્ધતિથી પકવેલા આ કારેલા સ્વાદમાં સહેજ કડવા હોવા છતાં ગ્રાહકોના આરોગ્ય માટે મધુર અને ગુણકારી સાબિત થઈ રહ્યા છે. ગ્રાહકો પણ હવે જાગૃત થયા છે અને ઝેરમુક્ત ખેતીના ઉત્પાદનોને વધુ પસંદ કરી રહ્યા છે, જેને કારણે અજયસિંહને વેચાણમાં કોઈ મુશ્કેલી પડતી નથી.

ગુજરાતમાં પ્રાકૃતિક ખેતીનો વધતો વ્યાપ

ખેતીમાં વધતા ખર્ચ અને ઘટતી ફળદ્રુપતા સામે પ્રાકૃતિક ખેતી એક ઉત્તમ વિકલ્પ તરીકે ઉભરી રહી છે. અજયસિંહ જેવા અનેક ખેડૂતોના ઉદાહરણોથી પ્રેરાઈને રાજ્યમાં અત્યાર સુધી 27,000 થી વધુ ખેડૂતોએ પ્રાકૃતિક ખેતીનો માર્ગ અપનાવ્યો છે. પ્રાકૃતિક ખેતીથી જમીનની ફળદ્રુપતા જળવાય છે, અળસિયાનું પ્રમાણ વધે છે અને અંતે ખેડૂત દેવાના બોજમાંથી મુક્ત થઈ સમૃદ્ધ બને છે.

આ પણ વાંચો: કોર્પોરેટ નોકરીને મારો ગોળી: Ladyfinger ની પ્રાકૃતિક ખેતી કરી મેળવી લાખોની કમાણી