બોડેલીના બજારોમાં પાણી ભરાતા વાહનચાલકો પરેશાન
બોડેલી શહેર અને આસપાસના ગ્રામ્ય વિસ્તારોમાં અવિરત વરસાદ વરસતા બજાર વિસ્તારના રસ્તાઓ પર વરસાદી પાણી ભરાઈ ગયા છે. કેટલાક નીચાણવાળા વિસ્તારોમાં પાણી ભરાવાના કારણે વાહનોની અવરજવર ધીમી પડી છે. ખાસ કરીને બે-ચક્રી અને નાના વાહનચાલકોને પાણીમાંથી પસાર થવામાં ભારે મુશ્કેલીઓનો સામનો કરવો પડ્યો છે. સ
મેરિયા નદી પરનું જનતા ડાયવર્ઝન ધોવાયું
ભારે વરસાદને કારણે બોડેલી નજીક આવેલી મેરિયા નદીમાં પાણીની આવકમાં નોંધપાત્ર વધારો થયો છે. નદીના પ્રવાહમાં વધારો થતાં જનતા માટે બનાવવામાં આવેલું ડાયવર્ઝન ધોવાઈ ગયું છે. પરિણામે ભારે વાહનોની અવરજવર સંપૂર્ણપણે બંધ થઈ ગઈ છે. ટ્રક અને અન્ય મોટા વાહનચાલકોને હવે લાંબો ફેરો ફરીને પોતાના ગંતવ્ય સુધી પહોંચવું પડી રહ્યું છે, જેના કારણે સમય અને ખર્ચ બંનેમાં વધારો થયો છે.
અશ્વિની નદી બે કાંઠે, ડાયવર્ઝન ધોવાતા ગામોના સંપર્ક તૂટ્યા
ઉપરવાસમાં પડેલા ભારે વરસાદની અસર છોટાઉદેપુરની અશ્વિની નદી પર પણ જોવા મળી રહી છે. નદી બે કાંઠે વહેતી થતાં નસવાડીના કુકાવટી નજીક આવેલા બ્રિજનું ડાયવર્ઝન ધોવાઈ ગયું છે. ડાયવર્ઝન ધોવાતા આસપાસના અનેક ગામો વચ્ચેનો સંપર્ક ખોરવાઈ ગયો છે. ગ્રામજનોને દૈનિક અવરજવરમાં ભારે હાલાકીનો સામનો કરવો પડી રહ્યો છે. સ્થાનિક તંત્ર પરિસ્થિતિ પર નજર રાખી રહ્યું છે અને પાણીનું સ્તર ઘટ્યા બાદ આગળની કાર્યવાહી હાથ ધરાશે.
પાવી જેતપુરમાં વરસાદથી ખેડૂતોમાં ખુશી
પાવી જેતપુર વિસ્તારમાં વહેલી સવારથી ધોધમાર વરસાદ વરસ્યો છે. લાંબા સમય બાદ સારો વરસાદ પડતા ખેતી માટે અનુકૂળ વાતાવરણ સર્જાયું છે. વરસાદને કારણે કેટલાક વિસ્તારોમાં જનજીવન પ્રભાવિત થયું હોવા છતાં ખેડૂતોમાં ખુશીની લાગણી જોવા મળી રહી છે. ખેડૂતોનું માનવું છે કે આ વરસાદથી ઉભા પાકને ફાયદો થશે અને આગામી વાવણીને વેગ મળશે.
આ પણ વાંચોઃ Kheda Heavy Rain: ખેડા જિલ્લામાં મેઘમહેર, લાંબા વિરામ બાદ વરસાદ પડતાં ખેડૂતોમાં ખુશીનો માહોલ
આ પણ વાંચોઃ Deesa માં વરસાદે તંત્રના દાવાઓની પોલ ખોલી, શાંતિનગર સોસાયટી આગળ પાણી ભરાતા લોકો પરેશાન
