રસ્તાના અભાવે સર્પદંશ પીડિત મહિલાને 3 કિમી સ્ટ્રેચરમાં ઊંચકવી પડી, Gujarat ના આ ગામની હચમચાવી દેતી હકીકત

સ્ટ્રેચરમાં 3 કિલોમીટર સુધી ઊંચકીને લઈ જવામાં આવ્યા

માર્ગના અભાવે લીલાબેનને સ્ટ્રેચરમાં સુવડાવી પરિવારજનો અને સ્થાનિક લોકોએ આશરે 3 કિલોમીટર સુધી ઊંચકીને નિશાના ગામ સુધી પહોંચાડ્યા હતા. કાચા અને દુર્ગમ રસ્તાઓમાંથી દર્દીને લઈ જવું પડતાં સારવાર મેળવવામાં પણ વિલંબ થવાની સ્થિતિ સર્જાઈ હતી. સ્થાનિકોનું કહેવું છે કે વરસાદી મોસમ દરમિયાન આ વિસ્તારના માર્ગોની હાલત વધુ ખરાબ બની જાય છે, જેના કારણે આવી પરિસ્થિતિમાં દર્દીઓને હોસ્પિટલ સુધી પહોંચાડવામાં ભારે મુશ્કેલીઓનો સામનો કરવો પડે છે.

108 એમ્બ્યુલન્સ મારફતે હોસ્પિટલ ખસેડાયા

નિશાના સુધી પહોંચ્યા બાદ ત્યાંથી 108 એમ્બ્યુલન્સની મદદ લેવામાં આવી હતી. ત્યારબાદ લીલાબેનને વધુ સારવાર માટે નસવાડી સામુહિક આરોગ્ય કેન્દ્ર ખાતે ખસેડવામાં આવ્યા હતા. સમયસર સારવાર મળી રહે તે માટે સ્થાનિક લોકોએ પણ મહત્વની ભૂમિકા ભજવી હતી. હાલ મહિલાની સારવાર ચાલી રહી હોવાનું જાણવા મળી રહ્યું છે.

Chhota Udepur માં મહિલાને સાપ કરડતા 3 કિમિ ઉચકીને લઈ જવી પડી | Gujarat First

પાકા રસ્તાના અભાવે જનતા પરેશાન

છોટાઉદેપુરના નસવાડી તાલુકામાં મહિલાને સાપ કરડ્યો
કુંડા ગામના નલિયાબારી ફળિયાની મહિલાને સાપ કરડ્યો
રસ્તાના અભાવે 3 કિમી ઊંચકી લઈ જવાની પડી ફરજ
બાદમાં 108 મારફતે સામૂહિક… pic.twitter.com/seHR4E6LqX

— Gujarat First (@GujaratFirst) July 25, 2026

વીડિયો વાયરલ થતા માર્ગ સુવિધાનો મુદ્દો ફરી ચર્ચામાં

સમગ્ર ઘટનાનો વીડિયો સોશિયલ મીડિયામાં વાયરલ થયો છે. વીડિયોમાં ગ્રામજનો સ્ટ્રેચરમાં મહિલાને ઊંચકીને કાચા રસ્તા પરથી લઈ જતા જોવા મળે છે. આ દૃશ્યોએ વિસ્તારની પ્રાથમિક માર્ગ સુવિધા અંગે અનેક સવાલો ઊભા કર્યા છે. સ્થાનિક લોકો લાંબા સમયથી પાકા રસ્તાની માંગ કરી રહ્યા હોવાનું પણ સામે આવ્યું છે. આરોગ્ય જેવી કટોકટીની સ્થિતિમાં માર્ગના અભાવે દર્દીઓને આવી રીતે ખભે ઊંચકીને લઈ જવાની ફરજ પડતી હોવાના દૃશ્યો ગ્રામ્ય વિકાસના દાવાઓ સામે પણ પ્રશ્નો ઊભા કરી રહ્યા છે.

આ પણ વાંચોઃChhotaudepur માં ધોધમાર વરસાદથી જળબંબાકાર, અનેક ગામ સંપર્ક વિહોણા થયા

આ પણ વાંચોઃ Chhotaudepur: માટીમાં છુપાયેલી છે આદિવાસી સંસ્કૃતિ, જુઓ કેવી રીતે જીવંત રહી આ કળા?