Chhotaudepur: પાણી પુરવઠા વિભાગની ગંભીર બેદરકારી, ખાડામાં ડૂબી જવાથી બે માસૂમ બાળકીના મોત

એકાએક બાળકીઓ ખાડામાં પડી

મળતી માહિતી મુજબ ગામમાં પસાર થતી પાણીની પાઇપલાઇન (Pipeline) માં લીકેજ (Leakage) હોવાને કારણે રસ્તા પર મોટા ખાડા (Pits) પડી ગયા હતા. આ ખાડાઓમાં પાણી ભરાઈ રહેતા તે મોતનો કૂવો બની ગયા હતા. ગઈકાલે આ ખાડાની આસપાસ રમતી બે બાળકી અચાનક પાણી ભરેલા આ ખાડામાં પડી ગઈ હતી. પાણી ઊંડું હોવાથી અને સમયસર મદદ ન મળવાથી બંને બાળકીઓનું ડૂબી જવાથી (Drowning) દુર્ઘટનાગ્રસ્ત મોત થયું હતું.

પરિવારમાં ભારે આક્રંદ

મૃતક બાળકીઓમાં નીરુમતિ ભીલ (Nirumati Bhil) અને મીનાક્ષી ભીલ (Minakshi Bhil) નો સમાવેશ થાય છે. આ બંને બાળકીના કમનસીબ અવસાનથી તેમના પરિવારજનો પર દુઃખનો પહાડ તૂટી પડ્યો છે.  ગ્રામજનોના જણાવ્યા અનુસાર, પાણી પુરવઠા વિભાગ દ્વારા લાંબા સમયથી પાઇપલાઇનનું લીકેજ સુધારવામાં આવ્યું ન હતું અને ખાડાઓનું સમારકામ કરવામાં પણ તંત્ર દ્વારા નિષ્કાળજી રાખવામાં આવી હતી. આ બેદરકારી જ આ દુર્ઘટનાનું મુખ્ય કારણ બની છે. હાલ સ્થાનિક લોકો દ્વારા જવાબદાર અધિકારીઓ સામે કડક કાર્યવાહીની માંગ કરવામાં આવી રહી છે.

 આ પણ વાંચોઃ Chhotaudepur: ઓડ ગામે MGVCL ની ઘોર બેદરકારી! કરંટ લાગતા 7 વર્ષના બાળકનું મોત, પરિવારમાં હૈયાફાટ રૂદન