એક તરફ આદિવાસી સમાજની રેલી અને બીજી તરફ મનોરંજનના સાધનો પર પ્રતિબંધનો વિવાદ રાજ્યમાં ચર્ચાનો વિષય બન્યો છે. સામાન્ય બાબતથી શરૂ થયેલો વિવાદ એટલો હિંસક બન્યો કે કાયદો અને વ્યવસ્થા જાળવનાર સુરક્ષાકર્મીઓ પર જ હુમલો કરવામાં આવ્યો.
Dahod Rally DJ Stone Pelting: દાહોદ (Dahod) જિલ્લામાં આદિવાસી સમાજ દ્વારા યોજવામાં આવેલી એક રેલી દરમિયાન ડીજે (DJ) ના ઉપયોગને લઈને ભારે બબાલ અને તણાવ ફેલાઈ ગયો હતો. રેલીમાં ડીજે વગાડવા પર પ્રતિબંધ હોવા છતાં તેનો ઉપયોગ કરવામાં આવતા પોલીસે તેને અટકાવવાનો પ્રયાસ કર્યો હતો, જેના કારણે ઉશ્કેરાયેલા ટોળાએ પોલીસકર્મીઓ પર પથ્થરમારો (Stone Pelting on Police) શરૂ કરી દીધો હતો. આ અચાનક થયેલા હુમલામાં કેટલાક પોલીસકર્મીઓ ઘાયલ થયા હોવાના અહેવાલ છે.
Dahod: પોલીસે ટીયરગેસના સેલ છોડ્યા
પરિસ્થિતિ વણસતી જોઈને પોલીસ તંત્ર દ્વારા તરત જ કાબૂ મેળવવા માટે ટીયરગેસના સેલ (Tear Gas Shells) છોડવામાં આવ્યા હતા. પોલીસે આસપાસના વિસ્તારમાં કોમ્બિંગ ઓપરેશન (Combing Operation) હાથ ધરીને તોફાની તત્વોને પકડવાની સઘન કાર્યવાહી શરૂ કરી છે. હાલમાં તંત્ર દ્વારા સ્થિતિ સંપૂર્ણપણે કાબૂમાં હોવાનો દાવો કરવામાં આવ્યો છે, પરંતુ વિસ્તારમાં પોલીસચોકી સઘન બનાવી દેવામાં આવી છે.
પોલીસ દ્વારા સત્તાવાર ખુલાસો કરવામાં આવ્યો
આ સમગ્ર મામલે પોલીસ દ્વારા સત્તાવાર ખુલાસો કરવામાં આવ્યો છે કે રેલી દરમિયાન આપ (AAP) ના આગેવાનો દ્વારા જ ડીજે લાવવામાં આવ્યું હતું. ડીજે અને અન્ય ખાનગી વાહનો રસ્તા વચ્ચે ઊભા રાખીને રસ્તો બ્લોક કરવામાં આવ્યો હતો. "આઈ સપોર્ટ ચૈતર વસાવા" (I Support Chaitar Vasava) ના બેનરો સાથે ટોળા દ્વારા બબાલ કરવામાં આવી હતી અને લોકોને ઉશ્કેરીને પોલીસ પર પથ્થરમારો કરાવવામાં આવ્યો હતો. હાલ પોલીસ દ્વારા વીડિયો ફૂટેજ (Video Footage Analysis) ના આધારે હુમલાખોરોની ઓળખ કરીને કાયદેસરની ધરપકડની કાર્યવાહી હાથ ધરવામાં આવી છે.
આ પણ વાંચો: Vadodara News : મહાકાલના દર્શન કરી વડોદરા પરત ફરતા 6 યુવકોનો ગમખ્વાર અકસ્માત, મધ્યપ્રદેશના ધારમાં કાળનો પંજો
