બાંગ્લાદેશે લખી ઐતિહાસિક જીતની સ્ક્રિપ્ટ

ટેસ્ટ મેચના ચોથા દિવસે ઓસ્ટ્રેલિયાએ બાંગ્લાદેશ સામે જીતવા માટે માત્ર 57 રનનો સાધારણ ટાર્ગેટ (Target) રાખ્યો હતો. બાંગ્લાદેશે આ લક્ષ્યાંક માત્ર 1 વિકેટ ગુમાવીને ખૂબ જ સરળતાથી મેળવી લીધો. જોકે, પહેલી ઇનિંગ્સમાં શાનદાર 101 રન બનાવનાર ઓપનર તનજીદ હસન (Tanzid Hasan) બીજી ઇનિંગ્સમાં ખાતું ખોલાવવામાં નિષ્ફળ રહ્યા હતા અને શૂન્ય પર આઉટ થયા હતા. પરંતુ લક્ષ્ય ખૂબ જ નાનું હોવાને કારણે તેમના આઉટ થવાથી બાંગ્લાદેશની જીત પર કોઈ અસર ન પડી અને ટીમની ઐતિહાસિક જીતની સ્ક્રિપ્ટ શાનદાર રીતે લખાઈ ગઈ.

Bangladesh stun Australia to register landmark first Test victory Down Under 👏#WTC27 📝: https://t.co/gIQtdBGVou pic.twitter.com/xQdTVZchm6

— ICC (@ICC) August 16, 2026

કેમરન ગ્રીનની સદી પણ ઓસ્ટ્રેલિયાને ના આવી કામ

આ પહેલા ઓસ્ટ્રેલિયાએ ચોથા દિવસે તેની ત્રીજા દિવસના સ્કોર 4 વિકેટે 161 રનથી આગળ રમવાની શરૂઆત કરી હતી. ચોથા દિવસે કેમરન ગ્રીન (Cameron Green) શાનદાર બેટિંગ કરતા પોતાની સદી પૂરી કરી હતી. ઓસ્ટ્રેલિયાના બાકીના 6 બેટ્સમેનોએ સાથે મળીને સ્કોરબોર્ડમાં વધુ 123 રન જોડ્યા હતા. આ પ્રકારે ઓસ્ટ્રેલિયાએ તેની બીજી ઇનિંગ્સમાં કુલ 284 રન બનાવ્યા હતા. પરંતુ બાંગ્લાદેશને પહેલી ઇનિંગ્સમાં મળેલી વિશાળ 227 રનની લીડ (Lead)ના કારણે ઓસ્ટ્રેલિયા દ્વારા આપવામાં આવેલો ટાર્ગેટ માત્ર 57 રનનો જ રહ્યો હતો.

ઐતિહાસિક જીતના હીરો બન્યા હસન મહમૂદ

ઓસ્ટ્રેલિયાને તેના જ ઘરે હરાવીને બાંગ્લાદેશે જે ઐતિહાસિક જીત મેળવી છે, તેના સૌથી મોટા હીરો કુલ 9 વિકેટ ઝડપનાર ફાસ્ટ બોલર (Fast Bowler) હસન મહમૂદ (Hasan Mahmud) રહ્યા છે. હસન મહમૂદે પહેલી ઇનિંગ્સમાં 6 વિકેટ લઈને ઇતિહાસ રચ્યો હતો, કારણ કે આવું કરનાર તેઓ ઓસ્ટ્રેલિયામાં રમાયેલી ટેસ્ટમાં 5 વિકેટ લેનાર પ્રથમ બાંગ્લાદેશી પેસર (Pacer) બન્યા હતા. ત્યારબાદ તેમણે બીજી ઇનિંગ્સમાં પણ શાનદાર બોલિંગ કરતા 3 વિકેટ ઝડપી હતી.

બાંગ્લાદેશ માટે ઓસ્ટ્રેલિયા પરની આ જીત કેમ છે ખાસ?

એવું નથી કે બાંગ્લાદેશે ટેસ્ટ ક્રિકેટમાં અગાઉ ક્યારેય ઓસ્ટ્રેલિયાને હરાવ્યું ન હોય. વર્ષ 2017માં મીરપુર (Mirpur)માં રમાયેલી ટેસ્ટમાં બાંગ્લાદેશે ઓસ્ટ્રેલિયાને 20 રનથી હરાવ્યું હતું. પરંતુ, આ પહેલીવાર છે જ્યારે બાંગ્લાદેશે ઓસ્ટ્રેલિયાની ધરતી પર જઈને ટેસ્ટ મેચ જીતી હોય. આ જીત સાથે ટેસ્ટ ક્રિકેટમાં ઓસ્ટ્રેલિયા સામે બાંગ્લાદેશનો રેકોર્ડ હવે કુલ 7 ટેસ્ટ રમ્યા પછી 2-5 નો થઈ ગયો છે.

પ્રથમ ટેસ્ટ મેચ જીતીને બાંગ્લાદેશે 2 ટેસ્ટની સીરિઝ (Test Series)માં 1-0 ની મહત્વપૂર્ણ સરસાઈ મેળવી લીધી છે. આ સાથે જ બાંગ્લાદેશ એશિયાનો પહેલો એવો દેશ બની ગયો છે, જેણે સૌથી ઓછા ટેસ્ટ રમીને ઓસ્ટ્રેલિયાને તેના જ ઘરઆંગણે હરાવ્યું હોય.

આ પણ વાંચો : Yashasvi Jaiswal Run Out : શ્રીલંકા સામેની પ્રથમ ટેસ્ટ મેચમાં જયસ્વાલ સાથે થયું કંઈક એવું, સ્ટેડિયમમાં સૌ રહી ગયા દંગ!