અભિષેક શર્મા પાછળ કેમ સરક્યો?
આયર્લેન્ડ (Ireland) સામેની T20I શ્રેણી શરૂ થાય તે પહેલાં અભિષેક શર્મા 875 રેટિંગ પોઈન્ટ્સ (Rating Points) સાથે પ્રથમ ક્રમે હતો, જ્યારે ઇશાન કિશન 871 પોઈન્ટ સાથે બીજા સ્થાને હતો. શ્રેણીની પ્રથમ મેચમાં અભિષેકે માત્ર 20 બોલમાં 49 રનની ઝડપી ઇનિંગ્સ રમી હતી, પરંતુ બીજી મેચમાં તે પ્રથમ જ બોલે ખાતું ખોલાવ્યા વગર આઉટ થયો હતો. બીજી તરફ ઇશાન કિશને પ્રથમ મેચમાં માત્ર 1 અને બીજી મેચમાં 12 રન બનાવ્યા હતા. તેમ છતાં નવા ICC રેન્કિંગમાં ઇશાનના 876 રેટિંગ પોઈન્ટ થયા અને તે નંબર-1 પર પહોંચી ગયો, જ્યારે અભિષેકના પોઈન્ટ ઘટીને 869 થયા. માનવામાં આવે છે કે બીજી મેચમાં શૂન્ય પર આઉટ થવાથી અભિષેકના રેન્કિંગને મોટો ફટકો પડ્યો.
માત્ર 15 મેચમાં ઇશાને કર્યું કમાલ
ઇશાન કિશને 21 જાન્યુઆરી, 2026ના રોજ લગભગ 3 વર્ષ બાદ T20I ક્રિકેટમાં વાપસી (Comeback) કરી હતી. ન્યૂઝીલેન્ડ (New Zealand) સામેની પ્રથમ મેચમાં તેણે 8 રન બનાવ્યા હતા, પરંતુ ત્યારબાદ તેણે સતત શાનદાર પ્રદર્શન કર્યું. તેણે આગામી મેચમાં 76 રન ફટકાર્યા અને 31 જાન્યુઆરીએ માત્ર 43 બોલમાં 103 રનની સદી નોંધાવી. ત્યારબાદ નામિબિયા (Namibia) સામે 61 રન, T20 વર્લ્ડ કપ (T20 World Cup)માં પાકિસ્તાન (Pakistan) સામે 77 રન અને ફાઇનલમાં 25 બોલમાં 54 રનની મહત્વપૂર્ણ ઇનિંગ્સ રમી ભારતને ચેમ્પિયન બનાવવામાં મહત્વની ભૂમિકા ભજવી.
વાપસી બાદ શાનદાર આંકડા
વાપસી બાદ ઇશાન કિશને માત્ર 15 મેચમાં 545 રન બનાવ્યા છે. આ દરમિયાન તેની સરેરાશ (Average) 36.33 અને સ્ટ્રાઈક રેટ (Strike Rate) લગભગ 200 રહ્યો છે. તેણે 4 અડધી સદી (Half-Centuries) અને એક સદી (Century) પણ ફટકારી છે. બીજી તરફ, આ જ સમયગાળા દરમિયાન અભિષેક શર્મા 6 વખત શૂન્ય પર આઉટ થયો હતો, જેના કારણે તેના રેટિંગ પોઈન્ટ્સમાં ઘટાડો થયો અને તે નંબર-1નું સ્થાન ગુમાવી બેઠો. નવા ICC T20I બેટિંગ રેન્કિંગ બાદ હવે ઇશાન કિશન વિશ્વનો ટોચનો T20I બેટ્સમેન બની ગયો છે.
આ પણ વાંચો : Vaibhav Sooryavanshi Debut : આયર્લેન્ડ સામે તક ન મળી તો નેટમાં ભારતીય બોલરો પર તૂટી પડ્યો વૈભવ સૂર્યવંશી, વીડિયો થયો વાયરલ
