RO-KO ની ટીમ એન્ટ્રી

T20I ની શ્રેણીમાં ખરાબ પ્રદર્શન બાદ હવે ટીમ ઈન્ડિયા નવી ઉર્જા સાથે ઈંગ્લેન્ડની ટીમ સામે  ઉભી દેખાઇ રહી છે. નવી ટીમ અને આશાઓથી ભરપૂર આ ટીમની સૌથી સારી અને મજબૂત બાબત રોહિત શર્મા અને વિરાટ કોહલીનું ટીમમાં આવવું છે. જીહા, આ બંને ખેલાડીઓ વિશે ભલે કહેવાતું હોય કે તેમની ઉંમર થઇ ગઇ છે અને હવે યુવાની જગ્યાએ ટીમમાં બને છે પણ આ પહેલા T20 શ્રેણીએ સ્પષ્ટ કરી દીધુ  છે કે આ ખેલાડીઓ ટીમ ઈન્ડિયા માટે કેમ ખાસ છે.

ગુર્નુર બ્રાર અને બુમરાહની ઘાતક બોલિંગ

ઇંગ્લેન્ડે ઇનિંગ્સની શરૂઆત સ્થિર કરી હતી, પરંતુ 13મી ઓવરમાં ભારતને પહેલી સફળતા મળી. ગુર્નુર બ્રારે (Gurnoor Brar) ખતરનાક લાગતા જેકબ બેથેલ (14) ને વોશિંગ્ટન સુંદરના હાથે કેચ આઉટ કરાવ્યો. તે જ ઓવરના અંતિમ બોલ પર, સેટ બેટ્સમેન બેન ડકેટ (43) ને પણ બાઉન્ડ્રી લાઇન પર જસપ્રીત બુમરાહે શાનદાર કેચ પકડીને આઉટ કર્યો હતો.

ત્યારબાદ કેપ્ટન શુભમન ગિલે (Shubman Gill) આક્રમક રણનીતિ અપનાવીને જસપ્રીત બુમરાહને (Jasprit Bumrah) બોલિંગ પર લાવ્યો. બુમરાહે 14મી ઓવરના પહેલા જ બોલ પર વિરોધી કેપ્ટન હેરી બ્રુક (1) ને રોહિત શર્માના હાથે કેચ કરાવી પેવેલિયન ભેગો કર્યો. આ વિકેટ સાથે બુમરાહે વનડે ક્રિકેટમાં પોતાની 150મી વિકેટ (150th ODI Wicket) પણ પૂર્ણ કરી લીધી છે.

પ્રસિદ્ધ કૃષ્ણા અને શિવમ દુબેનો સપાટો

ઇંગ્લેન્ડની મુશ્કેલીઓ અહીં જ ન અટકી. 16.1 ઓવરમાં પ્રસિદ્ધ કૃષ્ણાએ (Prasidh Krishna) જોસ બટલર (5) ને ગુર્નુર બ્રારના હાથે કેચ આઉટ કરાવ્યો. તેના થોડા જ બોલ બાદ, 16.4 ઓવરમાં પ્રસિદ્ધે સેમ કુરન (0) ને પણ શૂન્ય રને આઉટ કરીને મોટો ઝટકો આપ્યો.

21.4 ઓવરમાં ઓલરાઉન્ડર શિવમ દુબેએ (Shivam Dube) સેટ બેટ્સમેન વિલ જેક્સ (20) ને આઉટ કર્યો હતો. ઓગસ્ટ 2024 પછી વનડે ક્રિકેટમાં આ દુબેની પ્રથમ વિકેટ હતી. જોકે, આ વિકેટનો ખરો શ્રેય વિકેટકીપર કેએલ રાહુલને (KL Rahul) ફાળે જાય છે, જેણે જમણી બાજુ હવામાં ડાઇવ લગાવીને અદ્ભુત એક હાથે કેચ (One-handed Catch) ઝડપ્યો હતો. હાલમાં જો રૂટ અને લિયામ ડોસન ક્રિઝ પર રમી રહ્યા છે.

બંને દેશોની પ્લેઇંગ ઇલેવન

ભારત : રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, કેએલ રાહુલ (વિકેટકીપર), વોશિંગ્ટન સુંદર, શિવમ દુબે, અક્ષર પટેલ, ગુર્નુર બ્રાર, જસપ્રીત બુમરાહ, પ્રસિદ્ધ કૃષ્ણા.

ઇંગ્લેન્ડ : જેકબ બેથેલ, બેન ડકેટ, જો રૂટ, હેરી બ્રુક (કેપ્ટન), જોસ બટલર (વિકેટકીપર), સેમ કુરન, વિલ જેક્સ, જોફ્રા આર્ચર, લિયામ ડોસન, જોશ ટોંગ, આદિલ રશીદ.

આ પણ વાંચો : Rohit Sharma Crying : ઇંગ્લેન્ડની ધરતી પર ફરી કેમ ચર્ચામાં આવ્યો રોહિત શર્માનો એ રડતો ચહેરો? જાણો આ ભાવુક ક્ષણ વિશે