155 રનના લક્ષ્યાંક સામે ભારત એક રનથી પાછળ રહ્યું

ટોસ (Toss) હારીને પ્રથમ બેટિંગ (Batting) કરનાર આયર્લેન્ડે 8 વિકેટે 154 રન બનાવ્યા હતા. જવાબમાં ભારતીય ટીમ (Team India) 20 ઓવરમાં 9 વિકેટે માત્ર 153 રન જ બનાવી શકી અને એક રનથી મેચ ગુમાવી બેઠી. શ્રેણીની પ્રથમ મેચમાં પણ ભારતને 34 રને હારનો સામનો કરવો પડ્યો હતો, જેના કારણે શ્રેયસ ઐયર (Shreyas Iyer)ની આગેવાની હેઠળની ટીમનો 0-2થી વ્હાઇટવોશ (Whitewash) થયો.

ભારતીય ટોપ ઓર્ડર ફરી નિષ્ફળ રહ્યો

રનચેઝ (Run Chase) દરમિયાન ભારતની શરૂઆત અત્યંત ખરાબ રહી હતી. માત્ર 35 રનમાં ટીમે 4 મહત્વની વિકેટ ગુમાવી દીધી હતી. અભિષેક શર્મા (Abhishek Sharma) અને સંજુ સેમસન (Sanju Samson) ખાતું પણ ખોલી શક્યા નહીં, જ્યારે કેપ્ટન શ્રેયસ ઐયર માત્ર 10 રન બનાવી આઉટ થયો. ત્રણેય વિકેટ જય મુન્દ્રા (Jay Mundra)એ ઝડપી હતી. ઇશાન કિશન (Ishan Kishan) પણ 12 રન બનાવી રનઆઉટ (Run Out) થયો હતો. ત્યારબાદ તિલક વર્મા (Tilak Varma) અને અક્ષર પટેલ (Axar Patel)એ 39 રનની મહત્વપૂર્ણ ભાગીદારી કરી ટીમને સંભાળવાનો પ્રયાસ કર્યો, પરંતુ મેથ્યુ હોલાર્ડ (Matthew Hallard)એ અક્ષરની વિકેટ લઈને ભારતને વધુ એક ઝટકો આપ્યો.

તિલક વર્માની અડધી સદી પણ કામ ન આવી

છઠ્ઠી વિકેટ માટે તિલક વર્મા અને શિવમ દુબે (Shivam Dube)એ 35 રનની ભાગીદારી નોંધાવી હતી. જોકે, મેચ નિર્ણાયક તબક્કામાં પહોંચતાં શિવમ દુબે 20 રન બનાવી મેથ્યુ હેફ્રીસ (Matthew Humphreys)નો શિકાર બન્યો. તિલક વર્માએ શાનદાર અડધી સદી (Half Century) ફટકારી હતી. તેણે 46 બોલમાં પાંચ ચોગ્ગા અને એક છગ્ગાની મદદથી 55 રનની લડાયક ઇનિંગ્સ રમી, પરંતુ અન્ય બેટ્સમેન તરફથી પૂરતો સાથ ન મળતાં ભારત જીતથી એક રન દૂર રહી ગયું. છેલ્લી ઓવરમાં ભારતને જીતવા માટે 20 રનની જરૂર હતી. હર્ષિત રાણા (Harshit Rana)એ કેટલાક આક્રમક શોટ લગાવી આશા જગાવી હતી, પરંતુ અંતે ભારત લક્ષ્યાંક હાંસલ કરી શક્યું નહોતું.

હેરી ટેક્ટર અને કેલિટ્ઝે આયર્લેન્ડને અપાવ્યો લડાયક સ્કોર

આયર્લેન્ડની શરૂઆત પણ સારી રહી નહોતી. હર્ષિત રાણાએ ટિમ ટેક્ટર (Tim Tector)ને 5 રને આઉટ કર્યો હતો, જ્યારે અર્શદીપ સિંહ (Arshdeep Singh)એ રોસ એડાયર (Ross Adair)ને 16 રને પેવેલિયન મોકલ્યો હતો. કેપ્ટન લોર્કન ટકર (Lorcan Tucker) પણ માત્ર 15 રન બનાવી શક્યો અને ડેબ્યૂ કરનાર પ્રિન્સ યાદવ (Prince Yadav)એ તેની વિકેટ ઝડપી હતી.

48 રનમાં 3 વિકેટ ગુમાવ્યા બાદ બેન્જામિન કેલિટ્ઝ (Benjamin Calitz) અને હેરી ટેક્ટર (Harry Tector)એ ચોથી વિકેટ માટે 65 રનની ભાગીદારી કરી ટીમને મજબૂત સ્થિતિમાં પહોંચાડી. કેલિટ્ઝે 23 બોલમાં 37 રન બનાવ્યા, જ્યારે હેરી ટેક્ટરે 47 બોલમાં 5 ચોગ્ગા અને 1 છગ્ગાની મદદથી 53 રનની મહત્વપૂર્ણ ઇનિંગ્સ રમી. જ્યોર્જ ડોકરેલ (George Dockrell)એ પણ 19 રનનું યોગદાન આપ્યું. ભારત તરફથી પ્રિન્સ યાદવે ત્રણ વિકેટ ઝડપી હતી, જ્યારે અર્શદીપ સિંહ અને શિવમ દુબેએ બે-બે વિકેટ પોતાના નામે કરી હતી.

બે ખેલાડીઓનું ડેબ્યૂ, વૈભવ સૂર્યવંશીની રાહ યથાવત

આ મેચમાં ભારતીય ટીમ તરફથી ઓલરાઉન્ડર (All-rounder) સૂર્યાંશ શેડગે (Suryansh Shedge) અને ઝડપી બોલર (Fast Bowler) પ્રિન્સ યાદવે T20 આંતરરાષ્ટ્રીય ક્રિકેટમાં ડેબ્યૂ (T20I Debut) કર્યું હતું. બીજી તરફ વોશિંગ્ટન સુંદર (Washington Sundar) અને પ્રસિદ્ધ કૃષ્ણ (Prasidh Krishna)ને પ્લેઇંગ ઇલેવન (Playing XI)માંથી બહાર રાખવામાં આવ્યા હતા. યુવા ખેલાડી વૈભવ સૂર્યવંશી (Vaibhav Suryavanshi)ને ફરી એકવાર તક મળી નહોતી અને તેના ડેબ્યૂની રાહ વધુ લાંબી બની ગઈ.

આ પણ વાંચો : Team India : T20 વર્લ્ડ ચેમ્પિયનમાં ભારતનો શરમજનક પરાજય, આયર્લેન્ડે અગાઉ ભારત સામે આઠ T20 મેચ રમી હતી