ભારતે પ્રથમ ઇનિંગ્સમાં બનાવ્યા 462 રન

ટીમ ઈન્ડિયાએ પ્રથમ ઇનિંગ્સમાં 462 રનનો મજબૂત સ્કોર નોંધાવ્યો હતો. શ્રીલંકાની ટીમ ભારતીય બોલિંગ સામે લાંબો સમય ટકી શકી નહોતી અને 284 રનમાં ઓલઆઉટ થઈ ગઈ હતી. પરિણામે ભારતને પ્રથમ ઇનિંગ્સમાં 178 રનની લીડ મળી હતી. ત્યારબાદ બીજી ઇનિંગમાં ભારતીય બેટિંગમાં રિષભ પંતે 66 રનની મહત્વપૂર્ણ ઇનિંગ્સ રમી હતી. દેવદત્ત પડિક્કલે 44 અને કેએલ રાહુલે 35 રન બનાવ્યા હતા. આ ઉપરાંત રવિન્દ્ર જાડેજા અને મેનવ સુથારે 9-9 રનનું યોગદાન આપ્યું હતું.

બીજી ઇનિંગ્સમાં ભારત 193 રનમાં ઓલઆઉટ

બીજી ઇનિંગ્સમાં ભારત માટે રિષભ પંતે ફરી એકવાર ઉપયોગી બેટિંગ કરી અને 69 બોલમાં 66 રન બનાવ્યા. દેવદત્ત પડિક્કલે 44 અને કેએલ રાહુલે 35 રન નોંધાવ્યા. જોકે, શ્રીલંકાના બોલરોએ નિયમિત અંતરે વિકેટ ઝડપી ભારતને 193 રનમાં સમેટી દીધું. 49મી ઓવરના પાંચમા બોલે આસિથા ફર્નાન્ડોએ પ્રસિદ્ધ કૃષ્ણાના કેચ સાથે ભારતીય ઇનિંગ્સનો અંત લાવ્યો. બીજી ઇનિંગ્સના 193 રન અને પ્રથમ ઇનિંગ્સની 178 રનની લીડને કારણે ભારતની કુલ લીડ 371 રનની થઈ છે.

શ્રીલંકા સામે 372 રનનો પડકાર

હવે શ્રીલંકાની ટીમે મેચ જીતવા માટે 372 રન બનાવવા પડશે. ચોથા દિવસના બીજા સેશનના અંતે ભારતની જીતની સંભાવના 83 ટકા, ડ્રોની 10 ટકા અને શ્રીલંકાની જીતની માત્ર 7 ટકા દર્શાવવામાં આવી રહી હતી. આવી સ્થિતિમાં ભારતીય બોલરો પાસે શ્રીલંકાને ઝડપથી ઓલઆઉટ કરીને ટેસ્ટમાં વિજય મેળવવાની મોટી તક છે.

આ પણ વાંચો : India vs Sri Lanka Test : ગાલે ટેસ્ટમાં હાઈ-વોલ્ટેજ ડ્રામા! મેદાન પર અચાનક એવું શું થયું કે દિગ્ગજો પણ કેએલ રાહુલ પર ભડક્યા?