શ્રેણી ગુમાવ્યા બાદ આખરી મુકાબલામાં ભારતનો મોટો પ્રયોગ
ભારતીય ક્રિકેટ ટીમ પ્રવાસી ઇંગ્લેન્ડ સામેની પાંચ મેચોની ટી 20 શ્રેણીમાં પહેલાથી જ 0-3 થી પરાજયનો સામનો કરી ચૂકી છે. પ્રતિષ્ઠા બચાવવા માટે રમાઈ રહેલા આ પાંચમા અને આખરી મુકાબલાની શરૂઆત જ ભારે ડ્રામા સાથે થઈ હતી (India vs England T20).
બંને ટીમોના ખેલાડીઓ સ્ટેડિયમ તરફ આવતા સમયે ભારે ટ્રાફિક જામમાં ફસાઈ ગયા હતા, જેના કારણે મેચના નિર્ધારિત સમય કરતાં ટોસ મોડો થયો હતો. ભારતીય સુકાની શ્રેયસ અય્યરે આખરે સિક્કો ઉછાળીને ટોસ જીત્યો અને પિચની સ્થિતિને જોતાં પહેલા બોલિંગ કરવાનો આક્રમક નિર્ણય લીધો હતો (Shreyas Iyer Captain Toss). પરંતુ, સૌથી વધુ ચર્ચા ભારતની પ્લેઇંગ 11માં થયેલા એક મોટા ફેરફારની થઈ રહી છે.
15 વર્ષીય વૈભવ સૂર્યવંશીને પ્લેઇંગ 11 માંથી બહાર રાખવા પાછળનું અસલી કારણ
મેનેજમેન્ટે આ મેચમાં આશ્ચર્યજનક નિર્ણય લેતા ભારતીય ક્રિકેટના ઉગતા સિતારા અને માત્ર 15 વર્ષની ઉંમરે સનસનાટી મચાવનાર વૈભવ સૂર્યવંશીને પ્લેઇંગ 11 માંથી બહારનો રસ્તો બતાવી દીધો છે (Vaibhav Suryavanshi Dropped Match). વૈભવ સૂર્યવંશી આ શ્રેણીની અગાઉની 3 ઇનિંગ્સમાં સસ્તો આઉટ થઈને ફ્લોપ સાબિત થયો હતો.
સોશિયલ મીડિયા પર ચાહકો એ સવાલ ઉઠાવી રહ્યા છે કે આટલા ટૂંકા ગાળામાં એક યુવા ખેલાડીને કેમ ડ્રોપ કરવામાં આવ્યો. વાસ્તવમાં, સતત હારનો સામનો કરી રહેલી ભારતીય ટીમને મધ્યમ ક્રમમાં મજબૂતી આપવા માટે અનુભવી વિકેટકીપર બેટ્સમેન સંજુ સેમસનની વાપસી કરાવવામાં આવી છે (Sanju Samson Playing 11).
બેટિંગ ઓર્ડરમાં ફેરફાર ટાળવા તિલક વર્માને જાળવી રાખવાની વ્યૂહરચના
બીજી તરફ ચાહકોમાં એ વાતની પણ નારાજગી છે કે સતત ખરાબ ફોર્મ છતાં તિલક વર્માને ટીમમાં યથાવત રાખવામાં આવ્યા છે. ક્રિકેટ વિશ્લેષકોના મતે, ટીમ મેનેજમેન્ટ આખી ટીમનો બેટિંગ ઓર્ડર વિખેરવા માંગતું નહોતું (Tilak Varma Batting Order). જો તિલક વર્માને બહાર બેસાડવામાં આવ્યા હોત, તો સંજુ સેમસન, ઇશાન કિશન અને કેપ્ટન શ્રેયસ અય્યર ત્રણેયના બેટિંગ ક્રમમાં મોટો ફેરફાર કરવો પડત, જે હિતાવહ નહોતો.
વધુમાં, વૈવભ સૂર્યવંશી આગામી ભારતની જીમ્બાબ્વે ટૂરનો સત્તાવાર હિસ્સો છે (India Tour of Zimbabwe). સંજુ સેમસન તે પ્રવાસમાં સામેલ નથી. તેથી સેમસનને આ આખરી મેચમાં તક આપીને વૈભવને જીમ્બાબ્વેમાં સતત મૅચ રમવા મળે તેવી વચગાળાની વ્યૂહરચના બોર્ડ દ્વારા અપનાવવામાં આવી છે.
ભારત અને ઇંગ્લેન્ડ બંને ટીમોની સત્તાવાર આખરી પ્લેઇંગ 11
આ મેગા મુકાબલા માટે સત્તાવાર રીતે જાહેર થયેલી બંને દેશોની પ્લેઇંગ ઇલેવન આ મુજબ છે:
ટીમ ઇન્ડિયા (Playing 11): અભિષેક શર્મા, સંજુ સેમસન, ઇશાન કિશન (વિકેટકીપર), શ્રેયસ અય્યર (કેપ્ટન), તિલક વર્મા, શિવમ દુબે, સૂર્યાંશ શેડગે, અક્ષર પટેલ, અર્શદીપ સિંહ, પ્રિન્સ યાદવ, પ્રસિદ્ધ ક્રિષ્ણા.
ઇંગ્લેન્ડ (Playing 11): ફિલ સોલ્ટ, જોસ બટલર (વિકેટકીપર), હેરી બ્રુક (કેપ્ટન), જેકબ બેથલ, ટોમ બેન્ટન, સેમ કરન, વિલ જેક્સ, લિયામ ડોસન, જોફ્રા આર્ચર, આદિલ રશીદ, જોશ ટંગ.
આ પણ વાંચો : Vaibhav Sooryavanshi Bristol T20I : જોફ્રા આર્ચરે ફરી પકડી નબળી નસ, વૈભવ સૂર્યવંશી શોર્ટ બોલમાં આઉટ
