India vs Ireland T20I : બેલફાસ્ટના સુંદર સ્ટોર્મોન્ટ ક્રિકેટ ગ્રાઉન્ડ ખાતે રમાઈ રહેલી હાઈ-વોલ્ટેજ India vs Ireland T20I મેચમાં યજમાન આયર્લેન્ડે પ્રથમ બેટિંગ કરતા નિયત 20 ઓવરમાં 9 વિકેટ ગુમાવીને 182 રનનો મજબૂત સ્કોર બનાવ્યો છે. ભારતીય કેપ્ટન શ્રેયસ અય્યરે ટોસ જીતીને પહેલા બોલિંગ કરવાનો નિર્ણય લીધો હતો, જેના જવાબમાં આયર્લેન્ડે શાનદાર લડત આપી છે.
બેલફાસ્ટના મેદાન પર હાઇ-સ્કોરિંગ રોમાંચ અને ટાર્ગેટની સ્થિતિ
સ્ટોર્મોન્ટની ઝડપી પિચ પર ભારતીય બોલરો માટે શરૂઆત મિશ્ર રહી હતી. ઇજા બાદ લાંબા સમય પછી આંતરરાષ્ટ્રીય ક્રિકેટમાં વાપસી કરી રહેલા યુવા ઝડપી બોલર હર્ષિત રાણાએ ભારતીય આક્રમણનું નેતૃત્વ કર્યું હતું. આયર્લેન્ડના ઓપનર્સ ટિમ ટેક્ટર અને રોસ અડાયરે આક્રમક શરૂઆત કરી હતી, પરંતુ બીજી જ ઓવરમાં હર્ષિત રાણાએ રોસ અડાયરને પેવેલિયન ભેગો કરીને ભારતને પ્રથમ મોટી સફળતા અપાવી હતી. અડાયરે 12 રન બનાવ્યા હતા.
અર્શદીપસિંહે હેરી ટેક્ટરને ઝીરો પર આઉટ કર્યો
ત્યારબાદ ભારતીય ટીમના મુખ્ય ડાબોડી પેસર અર્શદીપ સિંહે તરખાટ મચાવતા અનુભવી હેરી ટેક્ટરને ખાતું ખોલાવ્યા વિના જ આઉટ કરી દીધો હતો . પાવરપ્લેમાં બે મહત્વની વિકેટો ઝડપાયા બાદ પણ આયર્લેન્ડના બેટર્સે રન રેટ ધીમો પડવા દીધો નહોતો. હર્ષિત રાણાએ ફરી એકવાર ત્રાટકીને સેટ થઈ ચૂકેલા ટિમ ટેક્ટરને 17 રનના સ્કોર પર આઉટ કરીને યજમાન ટીમને ત્રીજો મોટો ઝટકો આપ્યો હતો.
હર્ષિત રાણા અને અર્શદીપ સિંહનું પાવરપ્લે આક્રમણ તેમજ આયર્લેન્ડની મજબૂત ભાગીદારી
મધ્યમ ઓવરોમાં આયર્લેન્ડના કેપ્ટન લોર્કન ટકરે મોરચો સંભાળ્યો હતો અને શાનદાર અર્ધસદી ફટકારીને ટીમને મજબૂત સ્થિતિમાં પહોંચાડી હતી . ટકરે 36 બોલમાં 5 ચોગ્ગા અને 2 છગ્ગાની મદદથી 50 રન પૂરા કર્યા હતા. ચોથા બેટર તરીકે આવેલા બેન્જામિન કેલિટ્ઝને ઓલરાઉન્ડર શિવમ દુબેએ 15 રનના વ્યક્તિગત સ્કોર પર આઉટ કર્યો હતો. ત્યારબાદ લોર્કન ટકર અને ગેરેથ ડેલાની વચ્ચે પાંચમી વિકેટ માટે 64 રનની મહત્વપૂર્ણ ભાગીદારી થઈ હતી.
ડેથ ઓવરમાં ભારતીય બોલરોની થઈ વાપસી
આ જોખમી બની રહેલી જોડીને ફરી એકવાર હર્ષિત રાણાએ પોતાની કિલર બોલિંગ દ્વારા તોડી હતી. ગેરેથ ડેલાનીએ પણ અંતમાં આક્રમક બેટિંગ કરતા 49 રનની મહત્વની ઇનિંગ્સ રમી હતી. ડેથ ઓવરોમાં ભારતીય બોલરોએ શાનદાર વાપસી કરીને આયર્લેન્ડના લોઅર ઓર્ડરને સસ્તામાં સમેટી લીધો હતો, જેના કારણે આયર્લેન્ડની ટીમ 200 રનના આંકડા સુધી પહોંચી શકી નહોતી. ભારતીય ટીમ તરફથી હર્ષિત રાણાએ સૌથી વધુ 3 વિકેટ ઝડપી હતી.
ભારતીય ટીમની રણનીતિ અને બંને દેશોની સત્તાવાર પ્લેઇંગ ઇલેવન
કેપ્ટન શ્રેયસ અય્યરે ટોસ જીતીને પહેલા બોલિંગ કરવાનો નિર્ણય બચાવ પક્ષે યોગ્ય ગણાવ્યો હતો, કારણ કે બેલફાસ્ટમાં સાંજના સમયે ભેજ (Dew) ના કારણે બીજી ઇનિંગ્સમાં બેટિંગ સરળ બની જાય છે . ભારતને આ મેચ જીતવા માટે હવે પ્રતિ ઓવર 9.15 ના રન રેટથી 183 રન બનાવવા પડશે. ભારતીય ઓપનિંગ જોડી અભિષેક શર્મા અને સંજુ સેમસન પર ટીમને વિસ્ફોટક શરૂઆત અપાવવાની મોટી જવાબદારી રહેશે.
બંને ટીમોની સત્તાવાર પ્લેઇંગ-11 નીચે મુજબ છે:
ભારતીય પ્લેઇંગ XI: અભિષેક શર્મા, સંજુ સેમસન (કીપર), ઇશાન કિશન, શ્રેયસ અય્યર (કેપ્ટન), તિલક વર્મા, શિવમ દુબે, અક્ષર પટેલ, વોશિંગ્ટન સુંદર, હર્ષિત રાણા, અર્શદીપ સિંહ, પ્રસિદ્ધ ક્રિષ્ના.
આયર્લેન્ડ પ્લેઇંગ XI: ટિમ ટેક્ટર, રોસ અડાયર, હેરી ટેક્ટર, લોર્કન ટકર (કેપ્ટન/વિકેટકીપર), બેન્જામિન કેલિટ્ઝ, ગેરેથ ડેલાની, જ્યોર્જ ડોકરેલ, લિયામ મેકકાર્થી, મેથ્યુ હમ્ફ્રીઝ, જય મુંદ્રા, મેથ્યુ હોલાર્ડ.
આ પણ વાંચો : Vaibhav Sooryavanshi India Debut : આયર્લેન્ડ સામે પ્રથમ T20માં ન મળ્યો મોકો, અય્યરે જણાવ્યું મોટું કારણ
