ગાલેમાં સ્પિનની કસોટી

ભારત અને શ્રીલંકા (India vs Sri Lanka) વચ્ચે 2 મેચની ટેસ્ટ શ્રેણી (Test Series)ની પ્રથમ મેચ આજે, 15 ઓગસ્ટે ગાલે ઇન્ટરનેશનલ સ્ટેડિયમ (Galle International Stadium) ખાતે શરૂ થઈ છે. ભારતીય કેપ્ટન શુભમન ગિલ (Shubman Gill)એ ટોસ (Toss) જીતીને પ્રથમ બેટિંગ કરવાનો નિર્ણય લીધો છે. શ્રીલંકાની સ્પિન ફ્રેન્ડલી (Spin-Friendly) પરિસ્થિતિમાં ભારતીય બેટર્સની મોટી પરીક્ષા થવાની છે. આ શ્રેણી વર્લ્ડ ટેસ્ટ ચેમ્પિયનશિપ (WTC 2025-27)ના દૃષ્ટિકોણથી પણ મહત્વપૂર્ણ છે. ભારતીય ટીમ હાલમાં WTC પોઈન્ટ્સ ટેબલ (Points Table)માં પાંચમા ક્રમે છે અને ગાલે ટેસ્ટમાં સારા પ્રદર્શન સાથે પોતાની સ્થિતિ મજબૂત કરવા ઈચ્છશે.

A landmark Test match awaits in Galle 🏏#TeamIndia is all set to play their 6⃣0⃣0⃣th Test in Men's Cricket 👌👌

Hear what this special occasion means for them 👌👌

WATCH 🎥🔽 #SLvINDhttps://t.co/icGc1Zv8q6 pic.twitter.com/WeEdogyOzG

— BCCI (@BCCI) August 14, 2026

શ્રીલંકા સામે ભારતનો દબદબો

ભારત અને શ્રીલંકા વચ્ચે અત્યાર સુધી 46 ટેસ્ટ મેચ રમાઈ છે. તેમાં ભારતે 22 મેચ જીતી છે, જ્યારે 17 મુકાબલા ડ્રો (Draw) રહ્યા છે. હેડ-ટુ-હેડ આંકડા મુજબ શ્રીલંકાએ 7 ટેસ્ટમાં જીત મેળવી છે. ભારતે છેલ્લા 10 ટેસ્ટમાંથી 8માં વિજય મેળવ્યો છે, જ્યારે 2 મેચ ડ્રો રહી હતી. શ્રીલંકાએ ભારત સામે છેલ્લી ટેસ્ટ જીત 2015માં ગાલેના મેદાન પર જ મેળવી હતી. આ રેકોર્ડ દર્શાવે છે કે ટેસ્ટ ક્રિકેટમાં ભારતીય ટીમનો શ્રીલંકા સામે મજબૂત દબદબો રહ્યો છે.

બંને ટીમોની સંભવિત પ્લેઇંગ-11

ભારતની સંભવિત પ્લેઇંગ-11 (Playing XI)માં યશસ્વી જયસ્વાલ, કેએલ રાહુલ, દેવદત્ત પડિક્કલ, શુભમન ગિલ, ધ્રુવ જુરેલ, ઋષભ પંત, રવિન્દ્ર જાડેજા, માનવ સુથાર, કુલદીપ યાદવ, મોહમ્મદ સિરાજ અને પ્રસિદ્ધ કૃષ્ણા અથવા ગુરનૂર બરારનો સમાવેશ થઈ શકે છે.

શ્રીલંકાની સંભવિત ટીમમાં નિશાન મધુશ્કા, લાહિરુ ઉદારા, દિનેશ ચાંદીમલ, કામિન્દુ મેન્ડિસ, કેપ્ટન ધનંજય ડી સિલ્વા, નિરોશન ડિકવેલા, સોનલ દિનુષા, કેશરા નુવાન્થા, પ્રભાત જયસૂર્યા, લાહિરુ કુમારા અને વિશ્વ ફર્નાન્ડો સામેલ છે.

આ પણ વાંચો : TNPL 2026 : ડિંડિગુલ ડ્રેગન્સની વિસ્ફોટક બેટિંગ! માત્ર 15 ઓવરમાં 239 રન કરી રચ્યો ઇતિહાસ