હરમનપ્રીત કૌરની શાનદાર કેપ્ટન ઇનિંગ

ભારતીય કેપ્ટન હરમનપ્રીત કૌર (Harmanpreet Kaur)એ ટોસ (Toss) જીતી પ્રથમ બેટિંગ (Batting) કરવાનો નિર્ણય લીધો હતો. ટીમ ઈન્ડિયાએ 20 ઓવરમાં 4 વિકેટ ગુમાવી 170 રનનો લડાયક સ્કોર ઉભો કર્યો. ઓપનર શેફાલી વર્મા (Shafali Verma) અને સ્મૃતિ મંધાના (Smriti Mandhana)એ પ્રથમ વિકેટ માટે 66 રનની ભાગીદારી કરી મજબૂત શરૂઆત અપાવી. મંધાનાએ 37 બોલમાં 38 રન બનાવ્યા બાદ રનઆઉટ (Run Out) થઈ હતી, જ્યારે શેફાલીએ 26 બોલમાં 34 રનનું યોગદાન આપ્યું. ત્યારબાદ હરમનપ્રીત કૌર અને જેમીમા રોડ્રિગ્ઝ (Jemimah Rodrigues)એ ત્રીજી વિકેટ માટે 64 રનની મહત્વપૂર્ણ ભાગીદારી નોંધાવી. હરમનપ્રીતે માત્ર 27 બોલમાં 56 રનની આક્રમક અડધી સદી (Half Century) ફટકારી હતી, જેના કારણે ભારત સન્માનજનક સ્કોર સુધી પહોંચી શક્યું.

પેરી અને ગાર્ડનરે ભારતની આશા તોડી

171 રનના લક્ષ્યાંકનો પીછો કરવા ઉતરેલી ઓસ્ટ્રેલિયાની શરૂઆત સારી રહી નહોતી. રેણુકા ઠાકુર (Renuka Thakur)એ પ્રથમ ઓવરમાં જ જ્યોર્જિયા વોલ (Georgia Voll)ને 4 રને આઉટ કરી ભારતને સફળતા અપાવી હતી. ત્યારબાદ ફોબી લિચફિલ્ડ (Phoebe Litchfield) અને બેથ મૂની (Beth Mooney)એ 50 રનની ભાગીદારી કરી ઇનિંગ્સ સંભાળી. લિચફિલ્ડે 25 બોલમાં 24 રન બનાવ્યા. તે પછી એલિસ પેરી (Ellyse Perry) અને એશ્લે ગાર્ડનર (Ashleigh Gardner)એ મેચનો રૂખ સંપૂર્ણપણે બદલી નાખ્યો. પેરીએ 38 બોલમાં 56 રનની શાનદાર ઇનિંગ રમી, જ્યારે ગાર્ડનર 29 બોલમાં 53 રન બનાવી અણનમ રહી. બંનેની જવાબદાર બેટિંગના કારણે ઓસ્ટ્રેલિયાએ 19 ઓવરમાં જ 4 વિકેટે લક્ષ્યાંક હાંસલ કરી લીધો. ભારત તરફથી શ્રી ચર્ની (Shree Charani)એ સૌથી વધુ 2 વિકેટ ઝડપી હતી, પરંતુ તેમની મહેનત ટીમને જીત અપાવવામાં પૂરતી સાબિત થઈ નહોતી.

આ પણ વાંચો : IND vs IRE 2nd T20I : આટલું ખરાબ તો ક્યારે નથી રમી ટીમ ઈન્ડિયા! આયર્લેન્ડ જેવી નબળી ટીમ સામે એકવાર ફરી હાર