Hind First

Hind First (English)

› Cricket News › Ishan Kishan Double Century : 10 વર્ષ બાદ ઈશાન કિશનનો વિરાટ ધમાકો! દબાણ વચ્ચે બેવડી સદી ફટકારી તોડ્યો 31 વર્ષ જૂનો રેકોર્ડ

Ishan Kishan Double Century : 10 વર્ષ બાદ ઈશાન કિશનનો વિરાટ ધમાકો! દબાણ વચ્ચે બેવડી સદી ફટકારી તોડ્યો 31 વર્ષ જૂનો રેકોર્ડ

Ishan Kishan Double Century : ઈશાન કિશને ફરી એકવાર મોટા મુકાબલામાં પોતાની શાનદાર બેટિંગનો પરચો આપ્યો છે. દુલીપ ટ્રોફીની ફાઇનલમાં ઈસ્ટ ઝોનના કેપ્ટને સાઉથ ઝોન સામે ધમાકેદાર બેવડી સદી ફટકારીને 31 વર્ષ જૂનો રેકોર્ડ તોડી નાખ્યો. 270 બોલમાં 26 ચોગ્ગા અને 2 છગ્ગા સાથે રમાયેલી આ ઇનિંગ બાદ ઈશાન કિશનની ટીમ ઈન્ડિયાની ટેસ્ટ ટીમમાં વાપસીની ચર્ચાએ જોર પકડ્યું છે.

Hardik Shah

02:56 PM Sep 07, 2026 IST

ishan kishan double century 10 વર્ષ બાદ ઈશાન કિશનનો વિરાટ ધમાકો દબાણ વચ્ચે બેવડી સદી ફટકારી તોડ્યો 31 વર્ષ જૂનો રેકોર્ડ

Ishan Kishan Double Century : મોટી મેચોમાં દબાણ વચ્ચે પણ શાનદાર પ્રદર્શન કરવા માટે જાણીતા ડાબોડી બેટ્સમેન (Left-handed Batsman) અને ઈસ્ટ ઝોન (East Zone) ના કેપ્ટન ઈશાન કિશને ફરી એકવાર સાબિત કરી દીધું છે કે તેઓ મોટા મંચના સાચા ખેલાડી છે. ચેન્નાઈના એમ. એ. ચિદમ્બરમ સ્ટેડિયમ (MA Chidambaram Stadium) ખાતે સાઉથ ઝોન (South Zone) સામે રમાઈ રહેલા મુકાબલામાં તેમણે ઉત્કૃષ્ટ બેવડી સદી (Double Century) ફટકારી છે. ઈશાન કિશને 270 બોલનો સામનો કરીને 26 ચોગ્ગા અને 2 છગ્ગાની રમઝટ સાથે આ યાદગાર ઇનિંગ રમી હતી.

10 વર્ષ બાદ ફર્સ્ટ ક્લાસ ક્રિકેટમાં બેવડી સદી અને 31 વર્ષ જૂનો રેકોર્ડ તૂટ્યો

ઈશાન કિશન માટે આ ઇનિંગ વિશેષ મહત્વ ધરાવે છે, કારણ કે તેમણે બરાબર 10 વર્ષ બાદ ફર્સ્ટ ક્લાસ ક્રિકેટ (First-Class Cricket) માં આ કમાલ કરી બતાવી છે. અગાઉ તેમણે વર્ષ 2016માં દિલ્હી સામે 273 રનની ઇનિંગ રમી હતી, જે તેમની કારકિર્દીની પ્રથમ સદી અને પ્રથમ ડબલ સેન્ચુરી હતી. આ નવી સિદ્ધિ સાથે તેમના ફર્સ્ટ ક્લાસ કરિયરમાં સદીઓની કુલ સંખ્યા 10 થઈ ગઈ છે.

Ishan Kishan brings up his 2️⃣0️⃣0️⃣ in style 💯💯 🙌
What a magnificent knock from the East Zone captain so far 👏👏
Scorecard ▶️ https://t.co/KQf5Km69nk #DuleepTrophy | #SZvEZ pic.twitter.com/2NaE6qG4VK
— BCCI Domestic (@BCCIdomestic) September 7, 2026

આ ઉપરાંત, દુલીપ ટ્રોફીની ફાઇનલ (Duleep Trophy Final) માં બેવડી સદી ફટકારનાર તેઓ ઈસ્ટ ઝોનના સૌપ્રથમ બેટ્સમેન બન્યા છે. ટુર્નામેન્ટના ઇતિહાસમાં ઈસ્ટ ઝોન તરફથી આ સિદ્ધિ મેળવનારા તેઓ માત્ર ત્રીજા બેટ્સમેન છે. આ અગાઉ 1986માં અરુણ લાલ અને 1995માં સબા કરીમે આ કારનામું કર્યું હતું. આમ, પૂરા 31 વર્ષ બાદ ઈસ્ટ ઝોનના કોઈ ખેલાડીએ દુલીપ ટ્રોફીમાં બેવડી સદી ફટકારીને નવો ઇતિહાસ રચ્યો છે.

મોટા મુકાબલામાં હંમેશા ચમક્યું છે બેટ (Ishan Kishan Double Century)

છેલ્લા 2 વર્ષ દરમિયાન ઈશાન કિશને દબાણવાળી મહત્વની ક્ષણોમાં ઉત્કૃષ્ટ પ્રદર્શન આપ્યું છે. તેમણે ટી20 વર્લ્ડ કપની ફાઇનલ (T20 World Cup Final) માં શાનદાર અડધી સદી (Half Century) ફટકારી હતી. આ ઉપરાંત સૈયદ મુશ્તાક અલી ટ્રોફી (Syed Mushtaq Ali Trophy) ની ફાઇનલમાં મેચ વિનિંગ સદી ફટકારીને ઝારખંડને ચેમ્પિયન બનાવવામાં મુખ્ય ભૂમિકા ભજવી હતી. હવે દુલીપ ટ્રોફી જેવી પ્રતિષ્ઠિત ફાઇનલમાં પણ તેમણે આ જ સાતત્ય જાળવી રાખ્યું છે.

શું ટીમ ઇન્ડિયાની ટેસ્ટ ટીમમાં પુનરાગમન થશે?

વ્હાઇટ બોલ ક્રિકેટ (White-ball Cricket) માં દમદાર વાપસી કર્યા બાદ હવે રેડ બોલ ક્રિકેટ (Red-ball Cricket) માં આવા પ્રભાવશાળી પ્રદર્શનથી તેમની ટેસ્ટ વાપસી (Test Comeback) અંગે અટકળો શરૂ થઈ ગઈ છે. ઈશાન કિશને અત્યાર સુધી માત્ર 2 ટેસ્ટ મેચ રમી છે, જેમાં 78ની એવરેજ (Average) સાથે 78 રન બનાવ્યા છે. વર્ષ 2023 પછી તેઓ ટીમ ઇન્ડિયા (Team India) ની ટેસ્ટ ટીમમાંથી બહાર છે, ત્યારે આ ઐતિહાસિક બેવડી સદી તેમની પુનરાગમનની શક્યતાઓને વધુ મજબૂત બનાવે છે.

આ પણ વાંચો : Duleep Trophy Final : વૈભવ સૂર્યવંશીએ કેપ્ટન તિલક વર્મા સામે બાંયો ચડાવી! અમ્પાયરે વચ્ચે પડીને છોડાવ્યા, Video

વધુ વાંચો

Tags :