2થી 5 સપ્ટેમ્બર વચ્ચે બંને ટીમો વચ્ચે યુથ ટેસ્ટ રમાઈ હતી, જ્યારે 9 સપ્ટેમ્બરે 4 મેચોની યુથ વનડે સિરીઝની શરૂઆત થઈ હતી. આ દરમિયાન પોર્ટ્સમાઉથ (Portsmouth)માં રોકાયેલી પાકિસ્તાની અંડર-19 ટીમને કેટલાક સ્થાનિક લોકોએ ભૂલથી શરણાર્થીઓનું જૂથ (Refugee Group) સમજી લીધું હતું. ત્યારબાદ ટીમ રોકાયેલી હોટલ બહાર કેટલાક પ્રદર્શનકારીઓની ભીડ એકઠી થઈ ગઈ હતી.

હોટલમાં 'બિન-બ્રિટિશ લોકો' રોકાયા હોવાની ફેલાઈ માહિતી

અહેવાલ મુજબ પોર્ટ્સમાઉથની મેરિયટ હોટલ (Marriott Hotel) બહાર પ્રદર્શનકારીઓ એટલા માટે એકઠા થયા કારણ કે તેમને એવી માહિતી મળી હતી કે હોટલમાં કેટલાક એવા લોકો રોકાયા છે, જેઓ બ્રિટિશ (British) નથી અને તેઓ શરણાર્થી હોઈ શકે છે. એક અહેવાલ અનુસાર, રિફોર્મ પાર્ટી (Reform Party)ના કાઉન્સિલર જ્યોર્જ મેડગવિક (George Madgwick)એ પરિસ્થિતિ સ્પષ્ટ કરવા માટે હોટલનો સંપર્ક કર્યો હતો. ત્યારબાદ તેમણે પાકિસ્તાન અંડર-19 ટીમના સ્ટાફ સાથે વાત કરી અને બહાર ઉભેલા લોકોને સાચી માહિતી આપી.

મેડગવિકના જણાવ્યા પ્રમાણે તેમણે ટીમના કોચ (Coach) સાથે વાત કર્યા બાદ પ્રદર્શનકારીઓને સમજાવ્યું કે હોટલમાં રોકાયેલા લોકો પાકિસ્તાની અંડર-19 ક્રિકેટ ટીમના સભ્યો છે. હકીકત સામે આવ્યા બાદ ભીડ ત્યાંથી વિખેરાઈ ગઈ હતી.

ECBએ સુરક્ષા વ્યવસ્થાની સમીક્ષા શરૂ કરી

ઘટના બાદ ઇંગ્લેન્ડ એન્ડ વેલ્સ ક્રિકેટ બોર્ડ (ECB)એ પાકિસ્તાની ટીમ મેનેજમેન્ટ (Team Management) સાથે સંપર્ક કર્યો છે. સાથે જ ટીમની સુરક્ષા વ્યવસ્થા (Security Arrangements)ની પણ સમીક્ષા કરવામાં આવી રહી છે, જેથી પ્રવાસ દરમિયાન આવી કોઈ અનિચ્છનીય પરિસ્થિતિ ફરી ન સર્જાય.

ટેસ્ટમાં હાર, વનડેમાં પાકિસ્તાનની મોટી જીત

ક્રિકેટની વાત કરીએ તો પાકિસ્તાન અંડર-19 ટીમને યુથ ટેસ્ટમાં ઇંગ્લેન્ડ સામે 10 રનથી હારનો સામનો કરવો પડ્યો હતો. જોકે, યુથ વનડે સિરીઝના પ્રથમ મુકાબલામાં પાકિસ્તાને જોરદાર વાપસી કરીને ઇંગ્લેન્ડને 177 રનથી હરાવ્યું હતું. હવે બંને ટીમો વચ્ચે યુથ વનડે સિરીઝનો આગામી મુકાબલો 12 સપ્ટેમ્બરે રમાવાનો છે. ક્રિકેટ પ્રવાસ વચ્ચે બનેલી આ ઘટના હાલમાં સોશિયલ મીડિયા (Social Media) અને ક્રિકેટ વર્તુળોમાં ચર્ચાનો વિષય બની છે.

આ પણ વાંચો : Imad Wasim Controversy : 'હું પ્રેગ્નન્ટ હતી ત્યારે જ તેણે બીજા લગ્ન કરી લીધા', પાકિસ્તાની ક્રિકેટર ઈમાદ વસીમની પૂર્વ પત્નીનો સનસનીખેજ દાવો