‘Non-Committal’ લખેલી ટી-શર્ટથી શરૂ થઈ અટકળો

રોહિત શર્મા ટૂંક સમયમાં ભારતીય ટેલિવિઝન (Indian Television) પર નવા અંદાજમાં જોવા મળશે. તેઓ ‘ફેમિલી ફુલ હાઉસ વિથ રોહિત શર્મા’ (Family Full House With Rohit Sharma) નામનો એન્ટરટેઇનમેન્ટ શો (Entertainment Show) હોસ્ટ કરવા જઈ રહ્યા છે. આ શો 19 સપ્ટેમ્બરથી પ્રસારિત થવાનો છે.

Advertisement

શો માટેના પ્રોમો શૂટ (Promo Shoot) દરમિયાન રોહિત કેમેરા સામે કહેતા જોવા મળ્યા કે, “અરે યાર, કેટલું રિહર્સલ કરાવશો? પરંતુ હું 19 સપ્ટેમ્બરે આવી રહ્યો છું.” જોકે, તેમના ડાયલોગ કરતાં વધુ ચર્ચા તેમની સફેદ ટી-શર્ટની થઈ. આ ટી-શર્ટ પર નાના અક્ષરોમાં ‘Non-Committal’ લખેલું હતું. આ શબ્દો સામે આવતા જ ફેન્સે તેને અજિત અગરકરના એક જૂના નિવેદન સાથે જોડવાનું શરૂ કરી દીધું.

Rohit Sharma is trolling Ajit Agarkar over that “non-committal” remark 😭 pic.twitter.com/75PQVYmyqx

— R A T N I S H (@LoyalSachinFan) September 10, 2026

શું છે ‘Non-Committal’ વિવાદ? (Rohit Sharma Viral T-Shirt)

ઉલ્લેખનીય છે કે, સપ્ટેમ્બર 2025માં જ્યારે શુભમન ગિલ (Shubman Gill)ને ભારતનો નવો ODI કેપ્ટન બનાવવામાં આવ્યો હતો, ત્યારે ટીમ ઇન્ડિયાના ભવિષ્યના રોડમૅપ (Roadmap) અંગે એક પ્રેસ કોન્ફરન્સ યોજાઈ હતી. તે દરમિયાન ચીફ સિલેક્ટર અજિત અગરકરે કહ્યું હતું કે 2027 ODI વર્લ્ડ કપ (ODI World Cup)ને લઈને રોહિત શર્મા (Rohit Sharma) અને વિરાટ કોહલી (Virat Kohli) બંને ‘Non-Committal’ છે.

આ નિવેદનનો અર્થ એવો લેવામાં આવ્યો હતો કે બંને ખેલાડીઓ 2027 વર્લ્ડ કપમાં રમશે કે નહીં તે નિશ્ચિત નથી. ત્યારબાદ આ મુદ્દે ભારે ચર્ચા થઈ હતી. બીજી તરફ, રોહિત અને વિરાટ બંને અગાઉ આગામી વર્લ્ડ કપમાં રમવાની ઈચ્છા વ્યક્ત કરી ચૂક્યા હતા. આ જ કારણે હવે ફેન્સ રોહિતની ટી-શર્ટને અગરકરના એ નિવેદન સાથે જોડીને જોઈ રહ્યા છે અને તેને મૌન સંદેશ (Silent Message) તરીકે સમજાવી રહ્યા છે.

આ પણ વાંચો : Pakistan Team in England : ઇંગ્લેન્ડમાં પાકિસ્તાનની ટીમ સાથે વિચિત્ર ઘટના! લોકોએ ખેલાડીઓને સમજી લીધા ઘૂસણખોર અને પછી...