Shivam Dube Birthday Record : શિવમ દુબેએ જન્મદિવસ પર મચાવ્યો તરખાટ, યુવરાજ-જાડેજાના ખાસ ક્લબમાં એન્ટ્રી

બેલફાસ્ટમાં શિવમ દુબેની ઐતિહાસિક ઓવર અને ખાસ રેકોર્ડની વિગતો

ભારત અને આયર્લેન્ડ વચ્ચેની પ્રથમ ટી20 મેચમાં ટોસ હાર્યા બાદ આયર્લેન્ડની ટીમ પ્રથમ બેટિંગ કરવા મેદાનમાં ઉતરી હતી . આયર્લેન્ડની ઇનિંગ્સ દરમિયાન જ્યારે રન રેટ ઝડપથી વધી રહ્યો હતો, ત્યારે કેપ્ટન શ્રેયસ અય્યરે નવી રણનીતિ અપનાવી હતી. અય્યરે મેચની નવી ઓવરમાં બોલિંગની કમાન બર્થડે બોય શિવમ દુબેના હાથમાં સોંપી હતી. દુબેએ કેપ્ટનના ભરોસા પર ખરા ઉતરીને પોતાના સ્પેલના તદ્દન પહેલા જ બોલ પર ભારતને મોટી સફળતા અપાવી દીધી હતી.

શોર્ટપીચ બોલ પર આક્રમક ખેલાડી થયો આઉટ

શિવમ દુબેએ નાખેલા સચોટ શોર્ટ પીચ બોલ પર આયર્લેન્ડના આક્રમક બેટર બેન્જામિન કેલિટ્ઝે મોટો શોટ રમવાનો પ્રયાસ કર્યો હતો. પરંતુ બોલ બેટની ઉપરની કિનારી પર વાગીને ફાઇન લેગ તરફ હવામાં ઉછળ્યો હતો, જ્યાં ફિલ્ડર પ્રસિદ્ધ ક્રિષ્નાએ કોઈ પણ ભૂલ કર્યા વિના એક આસાન કેચ પકડી લીધો હતો. આઉટ થતા પહેલા કેલિટ્ઝે 11 બોલમાં બે સિક્સરની મદદથી 15 રન બનાવ્યા હતા. આ મહત્વપૂર્ણ વિકેટ પડવાની સાથે જ આયર્લેન્ડની મજબૂત દેખાતી ભાગીદારી તૂટી ગઈ હતી અને દુબેનો બર્થડે સેલિબ્રેશન બમણું થઈ ગયું હતું.

  વિશિષ્ટ ક્લબમાં શિવમ દુબેની શાનદાર એન્ટ્રી

આ ઐતિહાસિક સફળતાની સાથે જ શિવમ દુબે ભારતીય ક્રિકેટના એક એવા ચુનંદા ક્લબનો હિસ્સો બની ગયા છે, જેમાં તેમના પહેલા માત્ર ત્રણ દિગ્ગજ ભારતીય સ્પિનરો જ સ્થાન મેળવી શક્યા હતા. ટી20 આંતરરાષ્ટ્રીય ક્રિકેટના ઇતિહાસમાં પોતાના જન્મદિવસે વિકેટ લેવાની આ સિદ્ધિ અગાઉ યુવરાજ સિંહ, રવીન્દ્ર જાડેજા અને ચાઇનામેન બોલર કુલદીપ યાદવે મેળવી હતી.

આ વિશિષ્ટ આંકડાઓ પર નજર કરીએ તો:

યુવરાજ સિંહ: વર્ષ 2009 માં પોતાના 28 મા જન્મદિવસે શ્રીલંકા સામે ધારદાર બોલિંગ કરતા 23 રન આપીને 3 મહત્વની વિકેટો ઝડપી હતી.

રવીન્દ્ર જાડેજા: વર્ષ 2019 માં વેસ્ટ ઈન્ડિઝ સામે પોતાના 31મા જન્મદિવસે આંતરરાષ્ટ્રીય મેચ રમતા એક વિકેટ મેળવી હતી.

કુલદીપ યાદવ: કુલદીપે આ કારનામો બે વાર કર્યો છે. તેમણે સાઉથ આફ્રિકા સામે પોતાના 29મા જન્મદિવસે 17 રનમાં 5 વિકેટ અને 32મા જન્મદિવસે 12 રન આપીને 2 વિકેટ ઝડપી હતી . હવે આ દિગ્ગજોની યાદીમાં ફાસ્ટ બોલિંગ ઓલરાઉન્ડર તરીકે શિવમ દુબેનું નામ પણ હંમેશા માટે સુવર્ણ અક્ષરે જોડાઈ ગયું છે.

ઓલરાઉન્ડર તરીકે શિવમ દુબેની અત્યાર સુધીની સફર અને ભવિષ્યની અસરો

બેલફાસ્ટમાં રમાયેલો આ મુકાબલો શિવમ દુબેના કરિયરની 65મી ટી20 આંતરરાષ્ટ્રીય મેચ હતી. આ મેચ પૂર્વે તેમના નામે આંતરરાષ્ટ્રીય ટી20 માં 991 રન અને 31 વિકેટ નોંધાયેલા હતા. મિડલ ઓર્ડરમાં મોટા શોર્ટ્સ મારવાની ક્ષમતા સાથે મીડિયમ પેસ બોલિંગ કરવાની તેમની આવડતે તેમને હાર્દિક પંડ્યાના બેકઅપ તરીકે ટીમ ઇન્ડિયામાં મજબૂત સ્થાન અપાવ્યું છે.

6 આકર્ષક અર્ધસદીઓ પણ ફટાકારી હતી

તેમણે અત્યાર સુધીમાં 6 આકર્ષક અર્ધસદીઓ પણ ફટકારેલી છે. આગામી સમયમાં રમાનારા આંતરરાષ્ટ્રીય પ્રવાસો અને આઇસીસી (ICC) ની મોટી ટુર્નામેન્ટો માટે શિવમ દુબેનું ફોર્મમાં હોવું અને બોલિંગમાં વિકેટો ઝડપવી એ ભારતીય ક્રિકેટ ટીમ માટે ખૂબ જ સકારાત્મક સંકેત છે. મિડલ ઓવરોમાં પાર્ટ-ટાઇમ બોલર તરીકે વિકેટ લેવાની તેમની આ ક્ષમતા કેપ્ટનને વધારાના બોલિંગ વિકલ્પો પ્રદાન કરે છે.

આ પણ વાંચો : Vaibhav Sooryavanshi India Debut : આયર્લેન્ડ સામે પ્રથમ T20માં ન મળ્યો મોકો, અય્યરે જણાવ્યું મોટું કારણ