SRK Knight Riders Ground : બોલીવુડના ગ્લોબલ સુપરસ્ટાર અને કોલકાતા નાઈટ રાઈડર્સ (KKR) ના સહ-માલિક શાહરૂખ ખાનનું એક મોટું સ્પોર્ટ્સ સપનું આખરે સાકાર થઈ ગયું છે. સત્તાવાર અહેવાલ મુજબ, કિંગ ખાને અમેરિકાના લોસ એન્જલસ (LA) શહેરમાં Knight Riders Ground નું ભવ્ય ઉદ્ઘાટન કરીને વૈશ્વિક રમત જગતમાં એક નવો ઇતિહાસ રચી દીધો છે.
લોસ એન્જલસમાં શાહરૂખ ખાનના ડ્રીમ પ્રોજેક્ટનું ભવ્ય ઓપનિંગ
વિશ્વભરમાં પોતાના અભિનય અને બિઝનેસ કૂટનીતિ માટે જાણીતા શાહરૂખ ખાને રમતગમતના ક્ષેત્રમાં વધુ એક આંતરરાષ્ટ્રીય સિદ્ધિ હાંસલ કરી છે. લોસ એન્જલસમાં આ ભવ્ય નાઈટ રાઈડર્સ ક્રિકેટ ગ્રાઉન્ડનું કામ પૂર્ણ થતાં જ શાહરૂખ ખાને પોતાના સત્તાવાર સોશિયલ મીડિયા એકાઉન્ટ પર એક અત્યંત ભાવુક વિડિયો અને પોસ્ટ શેર કરી હતી. તેમણે આ પ્રોજેક્ટને પોતાના જીવનના સૌથી સપના સમાન પ્રોજેક્ટ્સમાંથી એક ગણાવ્યો છે .
જે એક માત્ર નાનું સપનું હતું તે પૂર્ણ થયું
કિંગ ખાને સોશિયલ મીડિયા પર લખ્યું, "જે એક સમયે માત્ર એક નાનું સપનું હતું, તે આજે વાસ્તવિકતા બનીને આપણી સામે ઊભું છે. લોસ એન્જલસના નાઈટ રાઈડર્સ ક્રિકેટ ગ્રાઉન્ડમાં આપ સૌનું હાર્દિક સ્વાગત છે." આ સમાચાર વાયરલ થતાં જ ફેન્સ અને ક્રિકેટ પ્રેમીઓ શાહરૂખ ખાનને અભિનંદન આપી રહ્યા છે.
આઈસીસી ચેરમેન જય શાહનો વિશેષ આભાર
શાહરૂખ ખાને ભારપૂર્વક જણાવ્યું હતું કે આ નવું આધુનિક સ્ટેડિયમ માત્ર પ્રોફેશનલ ક્રિકેટ મેચોના આયોજન પૂરતું મર્યાદિત નથી. આ મેદાન મનોરંજન, સ્થાનિક પરિવારો અને ક્રિકેટ ચાહકો માટે એવી યાદો બનાવવાનું કેન્દ્ર બનશે જે હંમેશા તેમની સાથે રહેશે. કિંગ ખાને આ મહત્વાકાંક્ષી રમતગમત પરિયોજનાને સફળતાપૂર્વક પૂર્ણ કરવા માટે આંતરરાષ્ટ્રીય ક્રિકેટ કાઉન્સિલ (ICC) ના ચેરમેન જય શાહ અને સંજોગ ગુપ્તાનો વિશેષ અને જાહેર આભાર માન્યો હતો.
'પર્પલ એન્ડ ગોલ્ડ' પર ભરોસો
વૈશ્વિક ક્રિકેટ ચાહકો અને સમગ્ર નાઈટ રાઈડર્સ પરિવારને આ આલીશાન ગ્રાઉન્ડ સમર્પિત કરતી વખતે શાહરૂખ ખાને કેકેઆરનો પોતાનો પ્રખ્યાત અને પ્રેરણાદાયી સંદેશ ફરી એકવાર દોહરાવ્યો હતો, "બિલીવ ઇન પર્પલ એન્ડ ગોલ્ડ" . આ મેદાન હવે અમેરિકામાં કલબ સંસ્કૃતિને નવો વેગ આપશે.
વેસ્ટઈન્ડિઝના દિગ્ગજોની હાજરીથી વધ્યું આકર્ષણ
શાહરૂખ ખાને શેર કરેલા ઉદ્ઘાટન વીડિયોમાં જે બાબતે સૌથી વધુ ક્રિકેટ ચાહકોનું ધ્યાન ખેંચ્યું છે તે છે યુએસએ ટીમના સ્ટાર ફાસ્ટ બોલર અલી ખાનની હાજરી . અલી ખાનનો જન્મ પાકિસ્તાનમાં થયો હતો, પરંતુ તેઓ આંતરરાષ્ટ્રીય સ્તરે સંયુક્ત રાજ્ય અમેરિકા (USA) ની રાષ્ટ્રીય ક્રિકેટ ટીમ માટે રમે છે અને મેજર લીગ ક્રિકેટ (MLC) માં તેઓ એલએ નાઈટ રાઈડર્સ (LA Knight Riders) નો મુખ્ય હિસ્સો છે.
વેસ્ટેઈન્ડિઝના બે દિગ્ગજો સ્ટેડિયમમાં દેખાયા
વીડિયોમાં અલી ખાન ઉપરાંત વેસ્ટઈન્ડિઝ ક્રિકેટના બે સૌથી મોટા દિગ્ગજ ઓલરાઉન્ડર્સ ડ્વેન બ્રાવો અને સુનિલ નરેન પણ સ્ટેડિયમના ગ્રીન આઉટફિલ્ડ પર પ્રેક્ટિસ કરતા અને ખુશી વ્યક્ત કરતા જોવા મળ્યા હતા. આ આંતરરાષ્ટ્રીય સ્ટાર્સની હાજરી દર્શાવે છે કે આ નવું સ્ટેડિયમ આગામી સમયમાં વિશ્વના શ્રેષ્ઠ ખેલાડીઓનું હોમ ગ્રાઉન્ડ બનવા જઈ રહ્યું છે.
અમેરિકામાં ક્રિકેટનો ઉદય
આ નવું ક્રિકેટ ગ્રાઉન્ડ સત્તાવાર રીતે એલએ નાઈટ રાઈડર્સ (LA Knight Riders) નું સત્તાવાર હોમ ગ્રાઉન્ડ રહેશે. રમતગમતના નિષ્ણાતોનું માનવું છે કે આ સ્ટેડિયમના નિર્માણથી યુનાઇટેડ સ્ટેટ્સમાં ક્રિકેટની રમતને એક નવી અને મજબૂત ઓળખ મળશે, જેનાથી મેજર લીગ ક્રિકેટ (MLC) પણ લોકપ્રિયતાની નવી ઊંચાઈઓ સર કરશે.
આ પગલુ સિમાચિહ્ન સાબિત થશે
અમેરિકા જેવા દેશમાં જ્યાં બેઝબોલ અને અમેરિકન ફૂટબોલનો દબદબો છે, ત્યાં શાહરૂખ ખાનની આ નવીનતમ સ્પોર્ટ્સ પહેલ ક્રિકેટના વધતા પ્રભાવને સાબિત કરે છે. આ વૈશ્વિક પ્રોજેક્ટ ભવિષ્યમાં અમેરિકામાં સ્થાનિક પ્રતિભાઓને બહાર લાવવા અને આંતરરાષ્ટ્રીય ટૂર્નામેન્ટ્સના સફળ આયોજન માટે એક સીમાચિહ્નરૂપ પગલું સાબિત થશે.
આ પણ વાંચો : Ravi Shastri statement : "પેન્ટ ઉતારીને..." 15 વર્ષના વૈભવ સૂર્યવંશી માટે રવિ શાસ્ત્રીએ આપ્યું એવું નિવેદન કે મચી ગયો હડકંપ!
