Sunil Gavaskar Vaibhav Suryavanshi: આયરલેન્ડ સામે હારથી ભડક્યા સુનિવ ગાવસ્કર, "ઈંગ્લેન્ડ સામે વૈભવને ઉતારો"

Sunil Gavaskar Vaibhav Suryavanshi: નબળું પ્રદર્શન અને ગાવસ્કરનો આક્રોશ

ટીમ ઇન્ડિયાના આયરલેન્ડ પ્રવાસ દરમિયાન યુવા ખેલાડીઓને અજમાવવાની ઉત્તમ તક ઉપલબ્ધ હતી. એક ખાનગી ટીવી ચેનલ પર લાઈવ ચર્ચા દરમિયાન સુનિલ ગાવસ્કરે જણાવ્યું હતું કે તેઓ છેલ્લા એક મહિનાથી વૈભવ સૂર્યવંશીને પ્લેઇંગ ઇલેવનમાં સામેલ કરવાની ભલામણ કરી રહ્યા હતા. આયરલેન્ડ સામેની બંને મેચમાં વૈભવ પાસે ઓપનિંગ કરાવી શકાય તેમ હતું. એક મેચમાં અભિષેક શર્મા અને બીજી મેચમાં સંજુ સેમસન સાથે વૈભવને જોડીદાર બનાવીને નવો પ્રયોગ કરવાની જરૂર હતી, પરંતુ મેનેજમેન્ટે આ તક ગુમાવી દીધી છે.

Sunil Gavaskar Vaibhav Suryavanshi: ઓપનર્સ ફ્લોપ થતાં નવો શરમજનક રેકોર્ડ

આયરલેન્ડ સામેની બીજી ટી20 મેચમાં ભારતની ઓપનિંગ જોડી સંપૂર્ણપણે નિષ્ફળ સાબિત થઈ હતી. સલામી બેટ્સમેન અભિષેક શર્મા અને સંજુ સેમસન બંને ખેલાડીઓ શૂન્ય રને એટલે કે ગોલ્ડન ડક પર આઉટ થઈને પેવેલિયન ભેગા થયા હતા. આ નબળા પ્રદર્શનના કારણે ભારતીય ક્રિકેટના ઇતિહાસમાં એક શરમજનક રેકોર્ડ પણ નોંધાયો છે. આ ફ્લોપ શો બાદ હવે સોશિયલ મીડિયા પર અને ક્રિકેટ વિશ્લેષકોમાં વૈભવ સૂર્યવંશીને ઇન્ટરનેશનલ ડેબ્યુ કરાવવાની માંગ ખૂબ જ તેજ બની ગઈ છે.

ઇંગ્લેન્ડ સામેની સિરીઝ માટે ગાવસ્કરની કડક ચેતવણી

ભારતીય ટીમ હવે 1 જુલાઈ થી ઇંગ્લેન્ડ સામે પાંચ મેચની ટી20 સિરીઝ રમવાની છે. શ્રેયસ અય્યરની કેપ્ટનશીપ હેઠળ ટીમની શરૂઆત ખરાબ રહી છે, પરંતુ ટીમમાં વાપસી કરવાની પૂરી ક્ષમતા છે. આગામી સિરીઝ અંગે સની પાજીએ સ્પષ્ટ શબ્દોમાં કહ્યું છે કે જે ખેલાડીઓ ફોર્મમાં નથી તેમને પ્લેઇંગ ઇલેવનમાંથી તાત્કાલિક બહાર કરો. ઇંગ્લેન્ડ સામેની પ્રથમ મેચમાં વૈભવ સૂર્યવંશીને ઓપનિંગમાં અથવા નંબર 3 પર ગમે તે ભોગે બેટિંગ કરવાની તક મળવી જ જોઈએ. યુવા ટેલેન્ટને ઇન્ટરનેશનલ ડેબ્યુ ક્યારે મળશે તે હવે જોવાનું રહેશે.

આ પણ વાંચો--- IND vs IRE 2nd T20I : આટલું ખરાબ તો ક્યારે નથી રમી ટીમ ઈન્ડિયા! આયર્લેન્ડ જેવી નબળી ટીમ સામે એકવાર ફરી હાર