કોણ છે Matthew Fisher ?
10 નવેમ્બર 1999ના રોજ ઑકલેન્ડ (Auckland) માં જન્મેલા મેથ્યુ ફિશર (Matthew Fisher) જમણા હાથના ફાસ્ટ બોલર છે. તેઓ અત્યાર સુધી ન્યૂઝીલેન્ડ માટે એક ટેસ્ટ (Test) અને એક ટી-20 (T20I) મેચ રમી ચૂક્યા છે. હવે તેમની નજર વન-ડેમાં પ્રથમ મેચ રમવા પર છે. લગભગ 6 ફૂટ 2 ઇંચ ઊંચાઈ ધરાવતા ફિશર પોતાની ઝડપી બોલિંગ માટે જાણીતા છે. ખાસ વાત એ છે કે કારકિર્દી દરમિયાન તેઓ અનેક વખત બેક સ્ટ્રેસ ફ્રેક્ચર (Back Stress Fracture) જેવી ગંભીર ઈજાઓનો ભોગ બન્યા હોવા છતાં તેમની ઝડપી બોલિંગ કરવાની શૈલીમાં કોઈ ફેર આવ્યો નથી.
ક્રિકેટર સાથે વકીલ પણ
મેથ્યુ ફિશરે ક્રિકેટ સાથે પોતાના અભ્યાસને પણ સમાન મહત્વ આપ્યું છે. તેમણે ઓટાગો યુનિવર્સિટી (University of Otago)માંથી એલએલ.બી. (LL.B.) ની ડિગ્રી મેળવી છે, જેના કારણે તેઓ વ્યાવસાયિક ક્રિકેટર ઉપરાંત કાયદાની ડિગ્રી ધરાવતા વકીલ પણ છે. રસપ્રદ વાત એ છે કે તેમના નામને લઈને ક્રિકેટ ચાહકો ઘણી વખત મૂંઝવણમાં પડી જાય છે. કારણ કે ઇંગ્લેન્ડ (England) ની ટીમમાં પણ મેથ્યુ ફિશર નામનો જ એક ફાસ્ટ બોલર છે. બંનેનું નામ, બોલિંગ સ્ટાઇલ અને શારીરિક બંધારણ એકસરખું લાગતું હોવાથી ચાહકો ઘણી વખત બંનેને ઓળખવામાં ભૂલ કરે છે.
નેટ બોલરથી ન્યૂઝીલેન્ડ ટીમ સુધીની સફર
ઓગસ્ટ 2025માં ઝિમ્બાબ્વે (Zimbabwe) સામેની શ્રેણી દરમિયાન મેથ્યુ ફિશર (Matthew Fisher) ને માત્ર નેટ બોલર (Net Bowler) તરીકે ટીમ સાથે જોડવામાં આવ્યા હતા. જોકે તેમની ઝડપી બોલિંગથી મુખ્ય કોચ રોબ વોલ્ટર (Rob Walter) ખૂબ પ્રભાવિત થયા અને તેમને સીધી ટેસ્ટ ટીમમાં સ્થાન મળ્યું. બુલાવાયો (Bulawayo) ખાતે રમાયેલી ડેબ્યૂ ટેસ્ટમાં તેમણે 2 વિકેટ ઝડપી પોતાની ક્ષમતાનો પરિચય આપ્યો.
વેસ્ટ ઈન્ડિઝ સામેની વન-ડે શ્રેણી માટે ન્યૂઝીલેન્ડની ટીમ
મિચેલ સેન્ટનર (Mitchell Santner - કેપ્ટન), માઈકલ બ્રેસવેલ, માર્ક ચેપમેન, ક્રિસ્ટિયન ક્લાર્ક, જેકબ ડફી, મેથ્યુ ફિશર, ડીન ફોક્સક્રોફ્ટ, મિચેલ હે, નિક કેલી, ટોમ લેથમ, જેડન લેનોક્સ, ડેરિલ મિચેલ, હેનરી નિકોલ્સ, બેન સિયર્સ, નેથન સ્મિથ અને વિલ યંગ.
વેસ્ટ ઈન્ડિઝ-ન્યૂઝીલેન્ડ વન-ડે શ્રેણીનું શેડ્યૂલ
શ્રેણીની પ્રથમ ત્રણ વન-ડે મેચ 11, 13 અને 16 જુલાઈએ ગયાના (Guyana)માં રમાશે. ત્યારબાદ ચોથી અને પાંચમી મેચ અનુક્રમે 19 અને 21 જુલાઈએ બાર્બાડોસ (Barbados)માં યોજાશે. આ શ્રેણીમાં મેથ્યુ ફિશર પર સૌની ખાસ નજર રહેશે, કારણ કે તેઓ પોતાની પ્રથમ વન-ડે મેચ દ્વારા આંતરરાષ્ટ્રીય કારકિર્દીમાં વધુ એક મહત્વપૂર્ણ પગલું ભરી શકે છે.
આ પણ વાંચો : Vaibhav Sooryavanshi Debut : આયર્લેન્ડ સામે તક ન મળી તો નેટમાં ભારતીય બોલરો પર તૂટી પડ્યો વૈભવ સૂર્યવંશી, વીડિયો થયો વાયરલ
