રાજસ્થાનમાંથી ડ્રગ્સની ફેક્ટરી ઝડપાયા મામલે 7 ની ધરપકડ, Gujarat ATS, રાજસ્થાન પોલીસનું સંયુક્ત ઓપરેશન
રાજસ્થાનનાં જોધપુર નજીક ગામમાંથી ડ્રગ્સની ફેક્ટરી ઝડપાઈ હતી, જે મામલે 7 ની ધરપકડ કરાઈ છે. ગુજરાત ATS અને રાજસ્થાન પોલીસે સંયુક્ત ઓપરેશન કરીને ડ્રગ્સની ફેક્ટરી પર દરોડા પાડી 17 કિલો MD ડ્રગ્સ, 40 લિટર લિક્વિડ મેફેડ્રોન જપ્ત કર્યું હતું. ગોવિંદસિંહ ચૌહાણ અને મોનુ ઓઝા આ ફેક્ટરી ચલાવતા હોવાનું ખુલ્યું છે. આરોપી મોનુ અમદાવાદનો અને ગુનાહિત ઈતિહાસ ધરાવતો હોવાનું જાણવા મળ્યું છે.
Advertisement
- રાજસ્થાનમાંથી ડ્રગ્સની ફેક્ટરી પકડાવાનો મામલો (Gujarat ATS)
- આ કેસમાં અત્યાર સુધી 7 જેટલા આરોપીઓની ધરપકડ કરાઈ!
- 17 કિલો MD ડ્રગ્સ, 40 લિટર લિક્વિડ મેફેડ્રોન જપ્ત
- જોધપુર નજીક સોઈન્દ્રા ગામમાંથી ફેક્ટરી પકડાઈ હતી
- ગુજરાત ATS, રાજસ્થાન પોલીસે કર્યું હતું સંયુક્ત ઓપરેશન
- ગોવિંદસિંહ ચૌહાણ, મોનુ ઓઝા ચલાવતા હતા ફેક્ટરી
Ahmedabad : રાજસ્થાનનાં જોધપુર (Jodhpur) નજીક સોઇન્દ્રા ગામમાંથી ડ્રગ્સની ફેક્ટરી (Drug Factory) ઝડપાઈ હતી, જે મામલે 7 જેટલા આરોપીઓની ધરપકડ કરવામાં આવી છે. ગુજરાત ATS (Gujarat ATS) અને રાજસ્થાન પોલીસે સંયુક્ત ઓપરેશન કરીને ડ્રગ્સ બનાવવાની ફેક્ટરી પર દરોડાની કાર્યવાહી કરી હતી અને 17 કિલો MD ડ્રગ્સ, 40 લિટર લિક્વિડ મેફેડ્રોન જપ્ત કર્યું હતું. ગોવિંદસિંહ ચૌહાણ અને મોનુ ઓઝા (Monu Ojha) નામના શખ્સ આ ફેક્ટરી ચલાવતા હોવાનું તપાસમાં ખુલ્યું છે. આરોપી મોનુ ઓઝા ગુજરાતના અમદાવાદનો રહેવાસી હોવાનું અને ગંભીર ગુનાહિત ઈતિહાસ ધરાવતો હોવાનું જાણવા મળ્યું છે. આરોપી મોનુ ઓઝા યુટ્યૂબ પરથી ડ્રગ્સ બનાવવાનું શીખ્યો હોવાનું પૂછપરછમાં ખુલ્યું છે. હાલ આ સમગ્ર કેસની તપાસ રાજસ્થાન પોલીસ (Rajasthan Police) કરશે.