Ahmedabad: એરપોર્ટ પર કસ્ટમ વિભાગની મોટી કાર્યવાહી, અબુધાબીથી આવેલી મહિલા પાસેથી લાખોનું સોનું પકડ્યું

છુપાવવાની અનોખી રીત

તપાસ દરમિયાન સામે આવ્યું છે કે, મહિલાએ સુરક્ષા તપાસમાંથી બચવા માટે સોનાને ખૂબ જ ચાલાકીથી છુપાવ્યું હતું. મહિલાએ સોનાના દાગીના તેના અંગત પર્સ તેમજ કપડાંની અંદર ખાસ રીતે સંતાડ્યા હતા. જોકે, એરપોર્ટ પર તૈનાત કસ્ટમ્સના અધિકારીઓની સતર્કતાને કારણે આ સમગ્ર પ્રકરણનો પર્દાફાશ થયો.

98 લાખથી વધુનો મુદ્દામાલ જપ્ત

કસ્ટમ્સ વિભાગે આ કાર્યવાહી દરમિયાન કુલ 729 ગ્રામ સોનું જપ્ત કર્યું છે. જપ્ત કરવામાં આવેલ આ સોનું 22 કેરેટના દાગીના હતા. આંતરરાષ્ટ્રીય બજાર કિંમત મુજબ, જપ્ત કરાયેલા સોનાની કિંમત અંદાજે 98.78  લાખ રૂપિયા થવા જાય છે. કાયદાકીય જોગવાઈઓ મુજબ, કસ્ટમ્સ એક્ટ (Customs Act) અંતર્ગત આ તમામ સોનાનો જથ્થો કબ્જે કરવામાં આવ્યો છે.

કાયદાકીય કાર્યવાહી શરૂ

ઘટના બાદ કસ્ટમ્સ વિભાગે મહિલાની અટકાયત કરી તેની સઘન પૂછપરછ શરૂ કરી છે. પ્રાથમિક તપાસમાં આ સોનું ક્યાંથી લાવવામાં આવ્યું હતું અને તેનો ઉપયોગ ક્યાં થવાનો હતો, તે દિશામાં તપાસ તેજ કરવામાં આવી છે. હાલમાં કસ્ટમ્સના અધિકારીઓ આ નેટવર્ક સાથે જોડાયેલા અન્ય સૂત્રધારોને શોધવા માટે પણ તપાસ કરી રહ્યા છે.

આ પણ વાંચોઃ Bhavnagar: થોરડીની તલાવડીમાં ડૂબ્યા વૃદ્ધ, ભારે વરસાદ વચ્ચે NDRF નું રેસ્ક્યુ ઓપરેશન ચાલુ