Hind First

Hind First (English)

› Crime › Anand Crime: ખંભાતમાં પરિવારજનોને ઊંઘની ગોળીઓ આપી સગીરા દુષ્કર્મ પર ગુજાર્યું

Anand Crime: ખંભાતમાં પરિવારજનોને ઊંઘની ગોળીઓ આપી સગીરા દુષ્કર્મ પર ગુજાર્યું

Anand Crime: ખંભાતના એક ગામમાં પરિવારને ઊંઘની ગોળીઓ આપી સગીરા પર દુષ્કર્મ ગુજારાતા ચકચાર મચી ગયો છે. પરિવારજનોએ બે લોકો સામે ફરિયાદ નોંધાવી છે. જેથી ગ્રામ્ય પોલીસે આરોપીને ઝડપી પાડવા કાર્યવાહી હાથ ધરી છે.

Hardik Shah

03:50 PM Nov 17, 2025 IST

anand crime ખંભાતમાં પરિવારજનોને ઊંઘની ગોળીઓ આપી સગીરા દુષ્કર્મ પર ગુજાર્યું

આણંદના ખંભાતમાં સગીરા સાથે દુષ્કર્મની ઘટના
સગીરાને પ્રેમજાળમાં ફસાવી દુષ્કર્મ કર્યાનો આરોપ
રણજીત ઠાકોર નામના વ્યક્તિએ સગીરા પર કર્યું દુષ્કર્મ
મિત્ર વિજય ઠાકોર સાથે મળીને પ્લાન બનાવ્યો
સગીરાના પરિવારને ઊંઘની દવા આપી દુષ્કર્મ કર્યું
પરિવારને જાણ થતાં પોલીસ સ્ટેશનમાં નોંધાઈ ફરિયાદ

Anand Crime: આણંદ જિલ્લાના ખંભાત (Khambhat) તાલુકાના એક ગામનો એક સનસનાટીભર્યો બનાવ સામે આવ્યો છે. એક યુવકે તેના મિત્રની મદદથી સગીરાના પરિવારજનોને ઊંઘની ગોળીઓ ખવડાવી બેભાન કર્યા બાદ સગીરા પર દુષ્કર્મ આચર્યું હોવાની ફરિયાદ નોંધાઈ છે. ખંભાત ગ્રામ્ય પોલીસે મુખ્ય આરોપી સહિત બે શખ્સો વિરુદ્ધ ગુનો નોંધી તેમની ધરપકડ માટે ચક્રો ગતિમાન કર્યાં છે.

પ્રેમજાળમાં ફસાવી મિત્રની મદદથી દુષ્કર્મ

પ્રાપ્ત વિગતો અનુસાર વત્રા ગામના વાડિયાપુરા વિસ્તારમાં રહેતા રણજીત ઠાકોરે એક સગીરા સાથે મિત્રતા કેળવી તેને પ્રેમજાળમાં ફસાવી હતી. રણજીતે તેના મિત્ર વિજય ઠાકોર સાથે મળીને એક કાવતરું રચ્યું હતું. રણજીતે સગીરાને ઊંઘની ગોળીઓ આપીને તેના પરિવારના ભોજનમાં ભેળવી દેવા માટે દબાણ કર્યું હતું. સગીરાએ આ ગોળીઓ ભોજનમાં ભેળવી દેતાં ઘરના તમામ સભ્યો ગાઢ નિંદ્રામાં સરી પડ્યા હતા.

Anand : આણંદના ખંભાતમાં સગીરા સાથે દુષ્કર્મની ઘટના
સગીરાને પ્રેમજાળમાં ફસાવી દુષ્કર્મ કર્યાનો આરોપ
રણજીત ઠાકર નામના વ્યક્તિએ સગીરા પર કર્યું દુષ્કર્મ
મિત્ર વિજય ઠાકોર સાથે મળીને પ્લાન બનાવ્યો
સગીરાના પરિવારને ઊંઘની દવા આપી દુષ્કર્મ કર્યું#Gujarat #Anand #Khambhat… pic.twitter.com/FCHwEsCRa5
— Gujarat First (@GujaratFirst) November 17, 2025

બાથરૂમમાં લઈ જઈ દુષ્કર્મ આચર્યુ

આ તકનો લાભ લઈ મુખ્ય આરોપી રણજીત ઠાકોર તેના મિત્ર વિજય ઠાકોર સાથે સગીરાના ઘરે પહોંચ્યો હતો. ઘરમાં કોઈ જાગતું ન હોવાથી રણજીત સગીરાને બળજબરીપૂર્વક બાથરૂમમાં લઈ ગયો હતો અને ત્યાં તેની સાથે દુષ્કર્મ આચર્યું હતું.

સગીરાના પરિવારજનોએ ફરિયાદ નોંધાવી

khambhat police station_gujarat_first આ સમગ્ર ઘટનાની જાણ સગીરાના પરિવારજનોને થતાં તેઓ આઘાતમાં સરી પડ્યા હતા. તેમણે તાત્કાલિક ખંભાત ગ્રામ્ય પોલીસ સ્ટેશન પહોંચીને રણજીત ઠાકોર અને વિજય ઠાકોર વિરુદ્ધ ફરિયાદ નોંધાવી હતી. ખંભાત ગ્રામ્ય પોલીસે બંને આરોપીઓ વિરુદ્ધ આઈ.પી.સી.ની કલમો હેઠળ ગુનો દાખલ કરી કાયદેસરની કાર્યવાહી હાથ ધરી છે. પોલીસે આરોપીઓને ઝડપી પાડવા માટે જુદી જુદી ટીમો બનાવી તપાસના ચક્રો ગતિમાન કર્યાં છે. વધુમાં, આ દુષ્કૃત્યમાં આરોપી રણજીત ઠાકોરને મદદ કરનાર તેના મિત્ર વિજય ઠાકોરની સંડોવણી મામલે પણ પોલીસ ઊંડાણપૂર્વક તપાસ કરી રહી છે.