Bhavnagar: સનેસ પોલીસની મોટી કાર્યવાહી, કોડીનયુક્ત કફ સિરપનો મોટી માત્રામાં જથ્થો પકડ્યો

કુલ 240 બોટલ કફ સિરપનો જથ્થો જપ્ત

મળતી માહિતી મુજબ, પોલીસે ચેકિંગ દરમિયાન એક્સેસ સ્કૂટર લઈને આવતાં શંભુભાઈ ચુડાસમાને અટકાવ્યો હતો. આ વાહનની તપાસ કરતા તેમાંથી મોટી માત્રામાં કોડીનયુક્ત કફ સિરપની બોટલો મળી આવી હતી. શંભુભાઈ ચુડાસમા જે વ્યવસાયે રત્નકલાકાર હોવાનું જાણવા મળ્યું છે. તેની પાસેથી પોલીસે ત્વરિત કાર્યવાહી કરીને કુલ 240 બોટલ કફ સિરપનો જથ્થો અને સ્કૂટર મળીને અંદાજે 1,07,520 રૂપિયાનો મુદ્દામાલ કબજે કર્યો છે.

પૂછપરછમાં અન્ય એક વ્યક્તિનું નામ ખુલ્યું

આ પૂછપરછ દરમિયાન શંભુભાઈ ચુડાસમાએ અન્ય એક વ્યક્તિ નાગજીભાઈ ચુડાસમાનું નામ આપતા આ મામલે પોલીસની તપાસનું વ્યાપ વધ્યું છે. નાગજીભાઈનું નામ ખુલતા જ પોલીસે તેમની ધરપકડ કરવા માટે તપાસના ચક્રો ગતિમાન કર્યા છે. હાલમાં સનેસ પોલીસ સ્ટેશન (Sanes Police Station) દ્વારા સમગ્ર કેસમાં કાયદેસરની કાર્યવાહી હાથ ધરવામાં આવી છે.

આ પણ વાંચોઃ Morari Bapu: માલધારીનું અદ્ભૂત સાહસ, સિંહણના હુમલાની ઘટના અંગે રામ કથામાં કરી આ વાત

આ પણ વાંચોઃ Mehsana: ક્રિકેટ રમવા બાબતે પાડોશીઓ વચ્ચે હિંસક અથડામણ, એક યુવકને ગંભીર ઈજાઓ, આરોપી દંપતિ સામે કાર્યવાહી