Horrible Murder in Bangalore : પત્નીની હત્યા કરી લાશને સુટકેસમાં છુપાવી, પછી પોતે સાસરિયાઓને સત્ય જણાવ્યું!

• આરોપીની ઓળખ મહારાષ્ટ્રના રહેવાસી રાકેશ તરીકે થઈ છે
• રાકેશે પોતે તેની પત્નીના માતાપિતાને ફોન કર્યો અને તેમને આ ભયાનક ગુના વિશે જાણ કરી
• મૃતકની ઓળખ 32 વર્ષીય ગૌરી અનિલ સામ્બેકર તરીકે થઈ છે

Horrible Murder in Bangalore :  બેંગલુરુના હુલીમાવુ વિસ્તારમાં એક ભયાનક હત્યાનો મામલો પ્રકાશમાં આવ્યો છે, જ્યાં એક વ્યક્તિએ કથિત રીતે તેની પત્નીની હત્યા કરી, પછી તેના શરીરને ટુકડા કરી નાખ્યા અને તેને સુટકેસમાં ભરી દીધા હતા. આરોપીની ઓળખ મહારાષ્ટ્રના રહેવાસી રાકેશ તરીકે થઈ છે. હત્યા પછી, રાકેશે પોતે તેની પત્નીના માતાપિતાને ફોન કર્યો અને તેમને આ ભયાનક ગુના વિશે જાણ કરી. મૃતકની ઓળખ 32 વર્ષીય ગૌરી અનિલ સામ્બેકર તરીકે થઈ છે. રાકેશ એક ખાનગી કંપનીમાં કામ કરતો હતો અને ઘરેથી કામ કરતો હતો. તે છેલ્લા એક વર્ષથી ડોડ્ડકન્નાહલ્લીમાં રહેતો હતો.

પોલીસને માહિતી મળતા જ તપાસ શરૂ કરી

મહારાષ્ટ્ર પોલીસ પાસેથી માહિતી મળ્યા બાદ, હુલીમાવુ પોલીસે તાત્કાલિક ઘટનાસ્થળની મુલાકાત લીધી. ડેપ્યુટી કમિશનર ઓફ પોલીસ (ડીસીપી) સારા ફાતિમા પણ ઘટનાસ્થળે પહોંચી ગયા હતા અને તપાસ કરી હતી. ડીસીપી સાઉથ-ઈસ્ટના જણાવ્યા અનુસાર, પતિ-પત્ની હુલીમાવુ પોલીસ સ્ટેશનની હદમાં રહેતા હતા. બંને મહારાષ્ટ્રના વતની હતા. મકાનમાલિકે સાંજે 5:30 વાગ્યે દક્ષિણ-પૂર્વ પોલીસ કંટ્રોલ રૂમને આ અંગે જાણ કરી.

પતિ-પત્ની વચ્ચે વારંવાર ઝઘડા થતા હતા

ગૌરીએ માસ કોમ્યુનિકેશનમાં ગ્રેજ્યુએશન કર્યું હતું અને હાલમાં તે બેરોજગાર હતી. જ્યારે, રાકેશ એક ખાનગી કંપનીમાં કામ કરતો હતો અને ઘરેથી કામ કરતો હતો. મકાનમાલિક અને પડોશીઓના જણાવ્યા મુજબ, બંને વચ્ચે વારંવાર ઝઘડા થતા હતા. સૂત્રોના જણાવ્યા અનુસાર, ગૌરીએ રાકેશ પર ઘણી વખત હાથ પણ ઉપાડ્યો હતો. આ ઝઘડાઓથી કંટાળીને, રાકેશ અંદરથી ગુસ્સે થઈ રહ્યો હતો.

આ રીતે બની ઘટના

ગઈકાલે પણ બંને વચ્ચે જોરદાર ઝઘડો થયો હતો. દલીલ એટલી વધી ગઈ કે ગુસ્સામાં રાકેશે ગૌરીના પેટમાં છરી મારી દીધી. ત્યારબાદ તેનું ગળું કાપીને હત્યા કરવામાં આવી હતી. હત્યા પછી, રાકેશે ગૌરીના મૃતદેહને એક મોટા ટ્રાવેલ સુટકેસમાં ભરી દીધો, તેને બાથરૂમમાં છોડીને ભાગી ગયો. હાલમાં, પોલીસ આરોપીની શોધ કરી રહી છે અને વધુ તપાસ ચાલુ છે.

આ પણ વાંચો: લંડનમાં કિંગ ચાર્લ્સનું 'ધૂમ મચાલે' ના સૂર સાથે સ્વાગત કરવામાં આવ્યું, જેનો Video Viral થયો