Ahmedabad ઈન્ટનેશનલ એરપોર્ટ પરથી પકડાયું ડ્રગ્સ, હાઈડ્રોફોનિક વીડ મામલે તપાસ શરૂ

• બેંગકોકથી આવેલા પેસેન્જર પાસેથી હાઈડ્રોફોનિક વીડ મળ્યું
• 4. 645 ગ્રામ હાઈડ્રોફોનિક વીડ મળી આવ્યું છે
• પકડાયેલા ડ્રગ્સની આંતરરાષ્ટ્રીય બજાર કિંમત 7 કરોડ

Ahmedabad : શહેરનું સરદાર પટેલ ઈન્ટરનેશનલ એરપોર્ટ સોના ઉપરાંત માદક પદાર્થોની તસ્કરી કરતા માફિયાઓનું પસંદગીનું સ્થળ મની ગયું છે. જેમાં એરપોર્ટ સત્તાવાળાઓની સતર્કતાના કારણે અનેક વખત સોનાની તસ્કરી કરતા તત્વો અને ડ્રગ્સ માફિયાઓ ઝડપાઈ ચુક્યા છે. ત્યારે ફરી વખત અમદાવાદ ઈન્ટનેશનલ એરપોર્ટ પરથી ડ્રગ્સ પકડાયું છે.

બેંગકોકથી આવેલા પેસેન્જર પાસેથી હાઈડ્રોફોનિક વીડ મળ્યું

બેંગકોકથી આવેલા પેસેન્જર પાસેથી હાઈડ્રોફોનિક વીડ મળ્યું છે. જેમાં 4. 645 ગ્રામ હાઈડ્રોફોનિક વીડ મળી આવતા પોલીસે તપાસ શરૂ કરી છે. તેમજ પકડાયેલા ડ્રગ્સની આંતરરાષ્ટ્રીય બજાર કિંમત 7 કરોડ રૂપિયા થાય છે. ડ્રગ્સના હબ બનેલા અમદાવાદ ઇન્ટરનેશનલ એરપૉર્ટ પરથી અગાઉ 15 કરોડ રૂપિયાનું ડ્રગ્સ ઝડપાયું હતુ. અમદાવાદ ડીઆરઆઇના અધિકારીઓએ બેંગકોકથી અમદાવાદ આવેલી ફ્લાઇટના બે પેસેન્જરો પાસેથી 9.5 કિલોગ્રામ અને 6 કિલોગ્રામ હાઇબ્રીડ ગાંજો જપ્ત કર્યો હતો. આ 15.5 કિલોગ્રામ હાઇબ્રિડ ગાંજાની ઇન્ટરનેશનલ માર્કેટ કિંમત 15 કરોડ રૂપિયા થતી હતી. ભારતીય નાગરિકે ગાંજો વેક્યુમ પેકિંગ કરીને છુપાવ્યો હતો પણ, વેક્યુમ પેકિંગ કરતાં પહેલા ખાસ પ્રકારનું કેમિકલ નાખીને ગાંજો પ્રોસેસ કરાયો હતો જેથી કરીને ગાંજાની ગંધ આવે નહીં.

ઇન્ટરનેશનલ એરપોર્ટ પરથી મોટા પ્રમાણમાં ગાંજો ઝડપાયો

અગાઉ અમદાવાદ ઇન્ટરનેશનલ એરપોર્ટ પરથી મોટા પ્રમાણમાં ગાંજો ઝડપાયો હતો. જેમાં કસ્ટમ વિભાગે બેંગકોકથી આવેલા થાઇલેન્ડના નાગરિક પાસેથી 6.5 કિલો હાઇબ્રીડ ગાંજો જપ્ત કર્યો હતો તેની કિંમત પાંચ કરોડ હતી. કસ્ટમની કાર્યવાહી બાદ ડી.આર.આઇને બાતમી મળી હતી કે આ જ ફ્લાઇટમાં અન્ય એક પેસેન્જર ઇન્ટરનેશનલ ડ્રગ માફિયાઓ માટે કામ કરી રહ્યો છે અને હાઇબ્રીડ ગાંજો બેગેજમાં લઈને આવી રહ્યો છે. આ બાતમીના આધારે ડીઆરઆઇના અધિકારીઓએ આ ભારતીય નાગરિકના બેગેજની તપાસ કરતાં પ્લાસ્ટિકની કોથળીઓમાં કપડાંની વચ્ચે ગાંજો છુપાવેલો મળી આવ્યો હતો. આ ભારતીય નાગરિકે પણ ગાંજો વેક્યુમ પેકિંગ કરીને છુપાવ્યો હતો પણ તેણે ચાલાકી એ કરી હતી કે, વેક્યુમ પેકિંગ કરતાં પહેલા ખાસ પ્રકારનું કેમિકલ નાખીને ગાંજો પ્રોસેસ કરાયો હતો જેથી કરીને ગાંજાની ગંધ આવે નહીં. ડીઆરઆઇ પાસે ચોક્કસ માહિતી હતી અને જે પેસેન્જરની ધરપકડ કરવામાં આવી હતી.

આ પણ વાંચો: Chhota Udepur: તંત્ર પ્રજાને સારા રોડ-રસ્તા આપવામાં વામણું પુરવાર થયુ