Junagadh માં માતાની મમતા બની ક્રૂર, 6 વર્ષની બાળકી સાથે જે કર્યું તે જાણી હચમચી જશો!

વાયર અને વેલણથી માર માર્યાનો આક્ષેપ

મળતી માહિતી મુજબ બાળકી હેરાન કરતી હોવાથી માતાએ નિર્દયતાપૂર્વક માર માર્યો છે. ગળે, બરડામાં સોળા પાડી દીધા છે. બાળકીના જણાવ્યા પ્રમાણે, તેની માતા તેને વાયર અને વેલણ વડે માર મારતી છે. બાળકીના શરીર પર મારના અનેક નિશાન જોવા મળતાં આસપાસના લોકો પણ ચોંકી ઉઠ્યા છે. જે બાદ ક્રૂર માતાને પાડોશીઓએ ઠપકો આપ્યો છે.

પાડોશીઓએ પોલીસને જાણ કરી

ઘટનાની ગંભીરતા સમજીને પાડોશના લોકોએ જૂનાગઢની સી ડિવિઝન પોલીસને જાણ કરી છે. જાણ થતાં પોલીસની ટીમ ઘટનાસ્થળે પહોંચી હતી. સાથે જ 108ની ટીમ અને શિશુમંગલ સંસ્થાના કર્મચારીઓને પણ સાથે રાખવામાં આવ્યા હતા. બાળકીની સુરક્ષાને ધ્યાનમાં રાખીને તેને ત્યાંથી લઈ જઈ શિશુમંગલ સંસ્થામાં રાખવામાં આવી છે.

બાળકીના નિવેદન બાદ તપાસ શરૂ

બાળ અને મહિલા સામાજિક કલ્યાણ શાખા દ્વારા બાળકી તેમજ તેના માતા-પિતાના નિવેદન લેવામાં આવ્યા છે. બાળકીના નિવેદનમાં તેણે માતા દ્વારા વાયર અને વેલણથી માર મારવામાં આવતો હોવાની વાત જણાવી હોવાનું સામે આવ્યું છે. સમગ્ર મામલે પોલીસે ગુનો નોંધી વધુ તપાસ હાથ ધરી છે.

માતાએ શું કહ્યું?

બીજી તરફ, બાળકીની માતાનો દાવો છે કે બાળકી તેને હેરાન કરતી હોવાથી તેણે ગુસ્સામાં આવીને માર માર્યો છે. જોકે, 6 વર્ષીય બાળકીના શરીર પર મળી આવેલા મારના નિશાન અને વાયર તથા વેલણથી માર માર્યાના આક્ષેપને પગલે મામલો ગંભીર બન્યો છે. હાલ બાળકી શિશુમંગલ સંસ્થાની સુરક્ષામાં છે અને પોલીસ દ્વારા સમગ્ર ઘટનાની તપાસ કરવામાં આવી રહી છે.

આ પણ વા્ંચોઃ Dehgam kidnapping-Murder Case: અપહરણથી હત્યા સુધીની તમામ કડીઓ જોડાઈ, જાણો કેવી રીતે આરોપીઓ પકડાયા?

આ પણ વાંચોઃ Junagadh માં પાણી ભરેલા ખુલ્લા કૂવામાં સિંહણ ખાબકી, મધરાતે વનવિભાગે કર્યું રેસ્ક્યુ