આ અભિનેત્રી Gold Smuggling કરતા પકડાઈ, 14.80 કિલો સોનું જપ્ત કરાયું

• રાણ્યા પોતાને ડીજીપીની પુત્રી ગણાવીને તપાસથી બચતી હતી
• ડીઆરઆઈએ અભિનેત્રીની ગતિવિધિઓ પર નજર રાખવાનું શરૂ કર્યું
• રાણ્યા રાવને 14 દિવસની ન્યાયિક કસ્ટડીમાં મોકલવામાં આવી

સોનાની દાણચોરી પર મોટી કાર્યવાહીમાં, બેંગલુરુમાં ડિરેક્ટોરેટ ઓફ રેવન્યુ ઇન્ટેલિજન્સ (DRI) એ કન્નડ અભિનેત્રી રાણ્યા રાવની કેમ્પેગૌડા આંતરરાષ્ટ્રીય એરપોર્ટ પર 14.8 કિલો સોનું જપ્ત કર્યા પછી ધરપકડ કરવામાં આવી છે. રાણ્યા વારંવાર આંતરરાષ્ટ્રીય પ્રવાસોને કારણે ડીઆરઆઈની દેખરેખ હેઠળ હતી.

૩ માર્ચની રાત્રે જ્યારે તેની ધરપકડ કરવામાં આવી

૩ માર્ચની રાત્રે જ્યારે તેની ધરપકડ કરવામાં આવી ત્યારે તે દુબઈથી અમીરાતની ફ્લાઇટમાં બેંગલુરુ આવી હતી. ડીઆરઆઈ અધિકારીઓએ જણાવ્યું હતું કે અભિનેત્રી રાણ્યા રાવે મોટાભાગનું સોનું શરીર પર પહેર્યું હતું અને તેના કપડાંમાં સોનાની લગડી પણ છુપાવી હતી. રાણ્યા આઈપીએસ રામચંદ્ર રાવની પુત્રી છે, જે હાલમાં કર્ણાટક પોલીસના ડીજીપી તરીકે ફરજ બજાવી રહ્યા છે. ડીઆરઆઈના અધિકારીઓ તપાસ કરી રહ્યા છે કે શું રાણ્યાને સોનાની દાણચોરીમાં પોલીસ કે અન્ય કાયદા અમલીકરણ એજન્સીઓ તરફથી કોઈ મદદ મળી રહી હતી.

રાણ્યા પોતાને ડીજીપીની પુત્રી ગણાવીને તપાસથી બચતી હતી

ડીઆરઆઈના જણાવ્યા પ્રમાણે, એરપોર્ટ પર પહોંચ્યા પછી, રાણ્યા રાવ પોતાને ડીપીજીની પુત્રી તરીકે ઓળખાવતી હતી અને સ્થાનિક પોલીસ કર્મચારીઓને ઘરે મૂકવા માટે બોલાવતી હતી. ડીઆરઆઈ હવે તપાસ કરી રહી છે કે શું આ પોલીસ કર્મચારીઓની દાણચોરીના નેટવર્કમાં કોઈ સંડોવણી હતી કે અજાણતાં તેનો ઉપયોગ થઈ રહ્યો હતો. રાણ્યા કન્નડ સુપરસ્ટાર સુદીપ સાથે ફિલ્મ 'માનિક્ય' માં તેની ભૂમિકા માટે જાણીતી છે. તેમણે દક્ષિણ ભારતીય ફિલ્મોમાં પણ કામ કર્યું છે. ડીઆરઆઈએ નોંધ્યું છે કે રાણ્યા છેલ્લા 15 દિવસમાં ચાર વખત દુબઈ ગઇ હતી.

ડીઆરઆઈએ અભિનેત્રીની ગતિવિધિઓ પર નજર રાખવાનું શરૂ કર્યું

ડીઆરઆઈએ અભિનેત્રીની ગતિવિધિઓ પર નજર રાખવાનું શરૂ કર્યું. એજન્સીને ગુપ્ત માહિતી મળી હતી કે તે દુબઈથી બેંગલુરુ આવી રહી છે અને તેની સાથે મોટી માત્રામાં સોનું લઈને આવી રહી છે. આ ગુપ્ત માહિતીના આધારે, એજન્સીએ અભિનેત્રી રાણ્યા રાવને કેમ્પેગૌડા આંતરરાષ્ટ્રીય વિમાનમથક પર પહોંચતા અટકાવી અને તેની તપાસ કરી, અને તેની પાસેથી 14.8 કિલો સોનું જપ્ત કર્યું. આ સોનાની બજાર કિંમત લગભગ 12 કરોડ રૂપિયા છે.

રાણ્યા રાવને 14 દિવસની ન્યાયિક કસ્ટડીમાં મોકલવામાં આવી

એવું પણ કહેવાય છે કે તેણે પોતાના જેકેટમાં સોનું છુપાવ્યું હતું. રાણ્યાની ધરપકડ બાદ, તેને વધુ પૂછપરછ માટે બેંગલુરુમાં ડીઆરઆઈ મુખ્યાલય લઈ જવામાં આવી. આ પછી, તેને મંગળવારે બેંગલુરુ કોર્ટમાં રજૂ કરવામાં આવી છે. કોર્ટે અભિનેત્રીને 14 દિવસની ન્યાયિક કસ્ટડીમાં મોકલી દીધી છે. ડીઆરઆઈના અધિકારીઓ તપાસ કરી રહ્યા છે કે શું તે એકલી કામ કરતી હતી કે દુબઈ અને ભારત વચ્ચે કાર્યરત મોટા સોનાની દાણચોરીના નેટવર્કનો ભાગ હતી.

આ પણ વાંચો: Rashifal 5 માર્ચ 2025: બુધવારે દિવસભર સર્વાર્થ સિદ્ધિ યોગ રહેશે, આ રાશિના લોકોને થશે ધન લાભ મળશે