Mahisagar: જમીનનો વિવાદ બન્યો લોહિયાળ, કાકાએ ભત્રીજાનું કાસળ કાઢ્યું

જમીનની વહેંચણીનો ચાલતો હતો વિવાદ

મળતી પ્રાથમિક વિગતો અનુસાર, મોહિલા ગામે રહેતા પરિવારમાં લાંબા સમયથી જમીનની વહેંચણી અને હક હિસ્સાને લઈને ગજગ્રાહ ચાલી રહ્યો હતો. આજે આ બાબતે કાકા અને ભત્રીજા વચ્ચે ફરી એકવાર ઉગ્ર બોલાચાલી થઈ હતી. વાત આટલેથી ન અટકતા, વિવાદે હિંસક વળાંક લીધો હતો અને કાકાએ આવેશમાં આવીને ભત્રીજા સાથે ગંભીર મારામારી (Violent Assault) શરૂ કરી દીધી હતી. હુમલો એટલો ઘાતક હતો કે ગંભીર ઈજાઓ થવાના કારણે ભત્રીજાનું ઘટનાસ્થળે જ કમકમાટીભર્યું મોત નીપજ્યું હતું.

Mahisagar: ગ્રામજનોમાં મચી ગઈ ચકચાર

આ લોહિયાળ ઘટનાની જાણ આસપાસના ગ્રામજનોને થતાં જ ચકચાર મચી ગઈ હતી અને તાત્કાલિક ધોરણે સંતરામપુર પોલીસ (Santrampur Police Station) ને વાકેફ કરવામાં આવી હતી. ઘટનાની ગંભીરતાને જોતાં પોલીસનો ઉચ્ચ કાફલો તાત્કાલિક ધોરણે મોહિલા ગામે દોડી ગયો હતો. પોલીસે ગુનો નોંધી કાયદેસરની કાર્યવાહી હાથ ધરી છે અને તબીબી પરીક્ષણ માટે મૃતદેહને પોસ્ટમોર્ટમ (Post Mortem) અર્થે સંતરામપુર સિવિલ હોસ્પિટલ (Santrampur Civil Hospital) ખાતે ખસેડ્યો છે. હત્યાના ગુનાને અંજામ આપીને ફરાર થઈ ગયેલા નરાધમ કાકાને ઝડપી લેવા માટે પોલીસે અલગ-અલગ ટીમો બનાવીને ચક્રો ગતિમાન કર્યા છે.

આ પણ વાંચો: Surat: ઓલપાડમાં કરોડોના જમીન કૌભાંડનો આક્ષેપ , કરોડોની જમીન સસ્તામાં પડાવી લેવાના ષડયંત્રનો દાવો